Galatarja 3:27 - O Debleskro Lab 2024 (Sinte-Manouche)

²⁷ Har van t'mer ap o Yezous Kristeskro lab taufedo, his kova yaake, har te rivans t'mer o Yezous Kristes an, – yaake har i ripen.

O Debleskro Drom 2021 (Sinte)

²⁷ Har wan tumer ap o Jesus Kristeskro lab taufedo, his kowa jaake, har te riwans tumer o Jesus Kristes an, – jaake har i ripen.

Galatarja 3:27 ပူးပေါင်းရင်းမြစ်များ

Hiob 29:14

Hako tsiro krom, hoy čačo hi. Oun miro čačepen his ap mande, har te vals lo miro ripen oun miri stadi.

Jesaja 61:10

Me hom barhtelo pral o baro Debleste, oun miro dji givell miro Debleske. Yob hi troul mende har i ripen, te vell kek čilačepen ap mende, oun čivas čačepen ap mende har i plaashka, yaake har hidjrell i biyabeskro i shoukar stadi, oun leskri pirni shoukar verklia oun goustria.

Louka 15:22

Koy penas o dad ap peskre boudepangre: Anenn sik o feteder ripen, oun rivenn kova leske an! Denn les i goustri oun denn les kirrha!

Bičepangre 16:15

Oun yoy moukas pes peskre menshentsa te taufrell, oun mangas men zoreles oun penas: “Te patsenn t'mer, kay me ap o rayeste, o Yezouseste patsau, avenn an miro kheer oun ačenn kote!” Oun yoy mangas men o tselo djiyestar, te vas mer an lakro kheer.

Bičepangre 2:38

Koy penas o Petro ap lende: “T'mer anan doosh ap t'mende. Mangenn t'men tele glan o Debleste! Oun moukenn t'men ap o Yezous Kristeskro lab te taufrell, te lell o Devel t'mari doosh t'mendar tele, oun te lenn t'mer o Debleskro Dourho!

Bičepangre 8:16

Kol patsle his kokres ap o lab maro rayestar Yezous taufedo. O Debleskro Dourho peras gomme gar ap lende.

Bičepangre 9:18

Ap yek kopo, har te perals ko tamlepen leskre yakendar tele, dikas lo nay pale, stas pre oun moukas pes te taufrell.

Remarja 13:14

Djivas yaake har maro ray, o Yezous Kristo, djivas! Te kamell o djoungelo koova an t'maro shero te vell, palle penenn: Na-a!

1. Korintarja 12:13

Kolla, kay ap o Yezous Kristeste patsenna hi bibolde oun kolla, kay kek bibolde hi, hi raya oun boudepangre. Kolla lauter lan o Debleskro Dourho. Ko Dourho anas len lauteren khetne.

Efesarja 4:24

Djivenn kanna o nevo djipen, hoy t'men o Devel das! Palle han t'mer an o čačepen tardo, oun han čačepah leske koy.

Kolossarja 3:10

Djivenn kanna o nevo djipen! Moukenn t'men o Deblestar boud oun boudeder neves te krell, yaake te prindjrenn o Debles feteder oun djinenn, hoy yob kamella! Palle venn t'mer yaake har yob, kay t'men o nevo djipen das.

1. Petro 3:21

Yaake har van kol orhta menshe vin lino dran o merepen, yaake djas t'menge kanna ninna, har van t'mer taufedo. Kote vas gar koy čik t'mendar tele thodo. Na-a! Koon moukell pes te taufrell, kova mangell o Debles, te dell lo les i djoudjo dji. Kova nay dell o Devel leste doleske, kay stas o Yezous Kristo i moulendar pre oun djas an o bolepen. Kanna hi lo beshdo ap i čači rig o Deblestar, oun hi o ray pral i tsele bolepangre, oun pral i tsele pralstoune oun zorele an o bolepen.