Galatarja 3:17 - O Debleskro Lab 2024 (Sinte-Manouche)

¹⁷ Me kamau t'menge kava te penell: O Devel das o Abrahameste peskro lab, oun čivas peskro vast koy pre, te vell kova čačo, hoy yob penas. O Moseskre laba van star-sheel-te-triyanda (430) bersha palla oun nay lenn ko lab gar krik, hoy o Devel o Abrahameste das.

O Debleskro Drom 2021 (Sinte)

¹⁷ Me kamau tumenge kawa te penell: O Dewel das o Abrahameste peskro lab, un tchiwas peskro wast koi pre, te well kowa tchatcho, hoi job penas. O Moseskre laba wan star-sheel-te-triin-deesh (430) bersha palla un nai lenn ko lab gar krik, hoi o Dewel o Abrahameste das.

Galatarja 3:17 ပူးပေါင်းရင်းမြစ်များ

1. Mose 15:13

Oun o Devel penas ap o Abrameste: “Čačepah, tou djiness: Tire menshe, kay toutar venna, venn vi-themarya an i them, kay gar lengro hi. Oun i menshe an ko them djan zoreles ap lende oun krenn boudepangre lendar. Oun yon hounte boudrenn lenge 400 (star-sheel) bersha.

1. Mose 15:18

Yaake das o baro Devel o Abrameste ap ko dives peskro lab, oun penas: “Tire čaven, kay toutar venna, dau me kava them mank o lengsto pani o themestar Egiptia oun o baro lengsto pani Eufrat.

1. Mose 17:19

“Na-a”, penas o Devel, “tiri romni, i Sara, anell touke i čaves ap i phoub. Koles dess tou o lab Isaak. Koleske oun leskre čavenge ačell kova, hoy me touha vin krom hako tsireske.

Hiob 40:8

Kameh tou čačepah te penell, me djau gar pal o čačepen? Peneh, te anom me doosh ap mande, te nay vess tou koy tardo, har te vals tout čačes?

Debleskri gili 105:9

Kova hi ko lab, hoy das lo o Abrahameste, koy sovel, hoy das lo o Isaakeste,

Debleskri gili 33:10

O baro Devel moukell kova gar te vell, hoy kol menshe an i vavar themma kamenn te krell. Lenge čivell lo barra an o drom.

Jesaja 14:27

O baro Devel, ko ray pral o bolepen oun i phoub, las pes kova glan. Koon nay krell, te vell kova gar? Leskro vast hi hadedo. Koon nay lell leskro vast pale?

Jesaja 28:18

Oun kova, hoy t'mer vin kran o merepah oun o moulengro themeha, vell krik lino oun hi gar bouder. Oun i lourde venn har i baro pani, oun stakrenn t'men khetne.

4. Mose 23:19

O Devel hi gar i mensho, kay rhorhella, vitar gar i mensheskro čavo, koles khaytell, hoy yob kras. Penell yob čomone, hoy yob gar krella? Penell yob kova, kay rikrell yob gar?

4. Mose 30:8

oun lakro rom penell či koy pre ap ko dives, kay shounell lo kova, palle hounte rikrell yoy peskri sovel, oun hounte krell, hoy li ap peste las.

Johanni 1:17

O Mose das men kol laba, kay penenna, har mer djivas. O Yezous Kristo anas menge o Debleskro lačepen oun čačepen.

Bičepangre 7:6

O Devel penas ap leste: Tire čave, kay pal toute venna, hi vi-themarya an i them, kay gar lengro hi. Star-sheel bersha hounte boudrenn le i vavarenge tel douka oun bare dava.

Remarja 3:25

O Devel bičras les, te merell lo ap o troushel kolenge, kay ap leste patsenna. Leskro rateha, hoy yob ap o troushel ratas, thovas o Devel mari doosh mendar krik. Yaake dikah, o Devel hi lačo oun čačo oun lell i menshendar lengri doosh krik.

Remarja 3:3

Ninna te djan le gar lauter ap o Debleskro drom, rikras o Devel peskro lab, oun čivas len gar ap i rig.

1. Korintarja 1:12

Pash t'mende hi menshe, kay penenna: “Mer krah kova, hoy o Paulo menge penella.” Vavar penenna: “Mer rikrah men ap o Apollo.” Oun pale vavar penenna: “O Kefas hi maro sikepaskro.” Oun pale vavar penenna: “Mer rikrah men ap o Yezous Kristeste.”

1. Korintarja 1:17

O Yezous Kristo bičras man gar, te taufrap i menshen. Yob kamell te penap o lačo lab lestar i menshenge. Me penau kova gar goseve labentsa. Te rakroms me goseve labentsa, merals o Yezous Kristo čičeske ap o troushel.

1. Korintarja 10:19

Me kamau t'mendar te poučell: Hi i figura i čačo devel? Na-a! Hi ko mass, hoy anan le glan late, vavarčandes har vavar mass? Na-a!

1. Korintarja 7:29

Kova penau me t'menge, mire phrala: Hi bouder gar boud tsiro. Kanna hounte djivell i romedino morsh yaake, har te vals les kek romni, yaake te nay boudrell lo o Debleske.

2. Korintarja 1:20

Lauter, hoy moukas o Devel glan i rah tsiro menge te penell, kova kras o Yezous Kristo menge. Dran kova penah mer Amen, te vell o Devel sharedo.

2. Korintarja 9:6

Kova hi yaake har pash i harho: Koon čivell gar boud djob an i phoub, kova lell vitar gar boud dran i phoub vin. Oun koon čivell boud an i phoub, kova lell boud dran i phoub vin.

Galatarja 3:15

Mire phrala, kanna rakrau pral čomone, hoy t'mer lauter prindjrenna. Te krenn douy menshe čomone vin oun denn pengro dadeskro vast koy pre, nay penell kek: Kanna hi kova bouder či moldo. Vitar gar nay čivell yek čomone koy pashel.

Galatarja 3:21

Penenn o Moseskre laba, kay hi ko lab bouder či moldo, hoy o Devel o Abrahameske penas? Na-a! Kova hi gar yaake. Te vals o nevo djipen dran o Moseskre laba, palle vals čačepah ko mensho čačo glan o Debleste, kay rikrell pes ap kol laba. Kova hi gar yaake.

Galatarja 5:16

Me penau t'menge: Djivenn yaake, har o Debleskro Dourho t'menge penella! Yob te hi t'mentsa, palle krenn gar o čilačepen, hoy an t'mende hi.

Galatarja 5:4

Koon mank t'mende djivell pal o Moseskre laba, te vell lo čačo glan o Debleste, kova moukas o Yezous Kristes. Leskro kamlepen hi bouder gar leske koy.

Efesarja 2:12

Ap ko tsiro prindjran t'mer o Yezous Kristes gar oun hans gar o Debleskre menshendar. Ko lačo koova, hoy o Devel peskre menshenge penas, te dell lo len, his gar t'menge. T'mer prindjran o Debles gar, oun djivan har an i kali rat oun dikan kek momeli glan t'mende.

Efesarja 4:17

Me penau t'menge zoreles, hoy mange o ray Yezous penas: Ma djivenn bouder har kol menshe, kay prindjrenn o Debles gar! Kova, hoy an lengro shero trouyel djala, hi či moldo.

Kolossarja 2:4

Kova penau t'menge, te anell t'men kek rhorhene labentsa kava dromestar tele.

Hebrearja 11:13

Kol phoure patsle meran lauter. Ninna te lan le kova gar, hoy kamas o Devel len te dell, patsan le, te lenn le les. Yon dikan kova dour glan pende, oun his barhtelo pral kova. Yon penan pendar, te hi len kek them ap i phoub, oun te hi le kate gar khere.

Hebrearja 7:18

Yaake čivas lo kol phoure laba, hoy o Mose i menshenge penas, ap i rig. An kol laba his kek zoor. Oun yon his či moldo.

1. Petro 1:20

Har i phoub gar koy his, rodas o Devel les vin, te merell lo i menshenge. Oun an kava tsiro, kay djivah, vas lo t'menge ap i phoub.