Galatarja 2:21 - O Debleskro Lab 2024 (Sinte-Manouche)

²¹ Yaake čivrau o Debleskro lačepen gar ap i rig. Te djivoms me pal o Moseskre laba, oun kolla krans mange čačo glan o Debleste, meras o Yezous Kristo čičeske.

O Debleskro Drom 2021 (Sinte)

²¹ Jaake tchiwrau o Debleskro latchepen gar ap i rig. Te djiwoms me pal o Moseskre laba, un kolla krans mange tchatcho glan o Debleste, meras o Jesus Kristo tchitcheske.

Galatarja 2:21 ပူးပေါင်းရင်းမြစ်များ

Debleskri gili 33:10

O baro Devel moukell kova gar te vell, hoy kol menshe an i vavar themma kamenn te krell. Lenge čivell lo barra an o drom.

Jesaja 49:4

Mange vas kova vavarčandes glan. Oun me penom: Čačepah, his čičeske koy phari boudi, hoy ap mande lom. Dom čičeske miri tseli zoor kolake. Djinau, miro čačepen hi pash o baro Debleste, oun kova, hoy lau koleske, hoy krom, vell miro Deblestar.

Jeremia 8:8

Har nay penenn t'mer: Mer ham gosevo. Men hi o baro Debleskro lab pash mende. Rhorhepen hi kova lauter, hoy kol sikepangre dran kova krenna.

Markus 7:9

Oun pale penas lo ap lende: “T'mer hayvenn mishto o Debleskre laba ap i rig te čivell, te nay krenn kova, hoy t'mare phoure t'menge penan.

Remarja 10:3

Yon hayvenn gar, har o Devel i menshen an o čačepen čivella. Oun yon djan ap pengro drom, oun djivenn pal pengro čačepen. Yaake krenn le gar, hoy o Devel lendar kamella.

Remarja 11:6

Kran yon lačo koova? Oun doleske rodas lo len vin? Na-a! Te krals lo kova, vals peskro kamlepen gar o čačo kamlepen.

Remarja 4:25

O Yezous Kristo hi kova, koles o Devel bičras, te merell lo menge, oun te lell lo mari doosh mendar krik. Oun o Devel kras les i moulendar djido, te nay krell lo men čačo glan leste.

Remarja 8:31

Hoy te penas mer boudeder? O Devel hi ap mari rig! Koon nay krell menge i čilačepen? Kek!

1. Korintarja 15:14

Te stals o Yezous Kristo gar i moulendar pre, vals kova čičeske, hoy mer o Yezous Kristestar rakrah. Oun t'maro patsepen vals ninna čičeske.

1. Korintarja 15:17

Te stas o Yezous Kristo gar i moulendar pre, yaake hi t'maro patsepen čičeske. Oun ko čilačo koova, hoy t'mer kran, hi gomme ap t'mende.

1. Korintarja 15:2

Te rikrenn t'men ap o lačo lab o Yezousestar, yaake har me les t'menge penom, djan t'mer gar nashedo. Te vals kova vavarčandes, vals t'maro patsepen čičeske.

Galatarja 2:18

Me voms čačepah ap o čilačo drom tardo, te penoms kanna, te rikras men pale ap o Moseskre laba, kay me glan i tsiro penom, te hounte rikras men gar ap kol laba.

Galatarja 3:21

Penenn o Moseskre laba, kay hi ko lab bouder či moldo, hoy o Devel o Abrahameske penas? Na-a! Kova hi gar yaake. Te vals o nevo djipen dran o Moseskre laba, palle vals čačepah ko mensho čačo glan o Debleste, kay rikrell pes ap kol laba. Kova hi gar yaake.

Hebrearja 7:11

Mer djinah, har das o Devel peskre menshende o Moseskre lila, koy penas yob ap o Leviteskre čave, te venn le rashaya. Ninna te kran yon pengri boudi yaake, har lengro dad, o rashay Aron, nay čivan le i menshen gar an o čačepen glan o Debleste. Doleske rodas o Devel i vavar rashayes vin, yek, kay krell peskri boudi yaake har o Melkisedek, oun bouder gar yaake har o Aron.