Galatarja 2:19 - O Debleskro Lab 2024 (Sinte-Manouche)

¹⁹ Har krom gar, hoy o Moseskre laba penenna, penan kol laba mange: Tou hounte meress. Yaake hom lenge moulo oun nay djivau kanna o Debleske. Me merom o Yezouseha ap o troushel.

O Debleskro Drom 2021 (Sinte)

¹⁹ Har krom gar, hoi o Moseskre laba penenna, penan kol laba mange: Tu hunte meress. Jaake hom lenge mulo un nai djiwau kanna o Debleske. Me merom o Jesuseha ap o trushel.

Galatarja 2:19 ပူးပေါင်းရင်းမြစ်များ

Remarja 4:15

Te djinell yek gar, hoy o Devel lestar kamella, oun krell i čilačo koova, nay djinell lo gar, kay kova čilačo hi. Kolla, kay djinenn, hoy o Devel lendar kamella oun krenn kova gar, pral kolende vell o Debleskri rholi. Yaake anenn o Moseskre laba, hoy menge penenna, hoy o Devel mendar kamella, čačepah o Debleskri rholi pral i menshende.

Remarja 5:20

O Devel kamas i menshende te sikrell, har baro lengri doosh hi. Doleske das lo len peskre laba. Kolla penan lenge, hoy lačo oun hoy čilačo hi. Yaake dikan le, har boud čilačo koova yon kran. Oun kote, kay o čilačepen baro vas, kote vas o Debleskro lačepen gomme bareder.

Remarja 6:11

Doleske dikenn yaake ap t'mende, har te vans moulo, oun te nay krans bouder gar o čilačepen. Djivenn o Yezous Kristeha khetne o Debleske!

Remarja 6:14

T'mer hounte rikrenn t'men bouder gar ap o Moseskre laba. O Devel kras t'men čačo glan leste dran peskro lačepen. Doleske nay vell o čilačepen bouder gar o ray pral t'mende.

Remarja 6:2

Kova kras mer gar! Mer ham har moulo. Oun o čilačepen hi bouder gar o ray pral mende.

Remarja 7:14

Mer djinah, o Moseskre laba venna o Deblestar. Ninna djinah, mer ham menshe oun pandlo ap o čilačepen.

Remarja 7:4

Yaake hi kova ninna t'mentsa, mire phrala. Har o Yezous Kristo meras, meran t'mer leha. O Moseskre laba hi bouder gar o ray pral t'mende. Kol labenge han moulo. Kanna hi t'men i vavar ray. Kova hi o Yezous Kristo, koles o Devel i moulendar djido kras. Kanna nay djivah yaake, te vell o Devel sharedo!

Remarja 8:2

Oun o Debleskro Dourho, koles o Yezous Kristo men das, hi kanna o ray pral mende. Oun kova dell men o djipen oun lell men vin dran o čilačepen oun o merepen.

1. Korintarja 10:31

Hoy t'mer ninna krenna oun rhana oun piyenna, kova krenn lauter yaake, te vell o Devel sharedo.

1. Korintarja 9:20

Te hom pash i biboldende, palle djivau har i biboldo, oun rikrau man ap o Moseskre laba, te anap i bibolden pash o Yezouseste, ninna te hom me gar tel o Moseskre laba tardo.

2. Korintarja 5:15

O Yezous meras halauterenge. Oun kanna hounte djivenn kolla, kay lan leskro djipen, bouder gar penge kokres. Na-a, yon hounte djivenn koleske, kay meras lenge, oun vas o Deblestar djido kerdo.

Galatarja 2:20

Kova hom gar me, kay djivau kanna. Hi o Yezous Kristo, kay djivell an mande. Oun ko djipen, hoy kanna djivau, djivau me an o patsepen ap o Debleskro čaveste. Yob kamas te djivap, oun das peskro djipen mange an o merepen.

Galatarja 3:10

Kol vavar, kay rikrenn pen ap o Moseskre laba, oun kamenn yaake čačo te vell glan o Debleste, kolla hi tel o Debleskro praasepen. O Debleskro lab penella: Hakeno hi praasedo, koon gar lauter krella, hoy o Moseskre laba penenna. Oun kek mensho hi koy, kay krell lauter, hoy o Moseskre laba penenna.

Galatarja 3:24

O Moseskre laba sikran men maro čilačepen. Yaake anan le men pash o Yezous Kristeste, te patsas ap leste, oun te vas čačo glan o Debleste.

Galatarja 6:14

Me djinau yek: An kek tsiro kamau me te sharap man. Me sharau ko troushel kokres, kay maro ray, o Yezous Kristo, meras. Kanna hi mange kova lauter bouder či moldo, hoy i menshenge yaake boud moldo hi. Me nashau ko koova bouder gar palla.

Kolossarja 2:20

T'mer meran o Yezous Kristeha. Doleske hi i phoubyakro koova bouder gar o ray pral t'mende. Hoske rikrenn t'men gomme ap kol menshengre laba, kay penenn t'menge:

Kolossarja 3:3

T'mer meran. Oun t'maro nevo djipen hi kanna o Yezous Kristeha pash o Debleste an o bolepen, ninna te dikenn kova kanna gomme gar.

1. Tessalonikarja 5:10

Kova meras menge, te djivas leha khetne, mer, kay gomme djido ham, oun ninna kolla, kay meran.

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.

Hebrearja 9:14

kitse zorleder hi o Yezous Kristeskro rat. O Debleskro Dourho, kay djivella hako tsiro, das o Yezous Kristeste i zoor, te nay das lo peskro djipen an o merepen. Oun yob meras o Debleske yaake har i bakro, ap koleste kek doosh hi. Kova kras lo, te lell lo mari doosh mendar, yaake te djivas mer bouder gar pal kol laba, hoy či moldo hi oun i menshe an o merepen anenna. Kanna hi maro dji djoudjo, oun mer nay vah čačepah o djido Debleske koy.

1. Petro 2:24

O čilačepen, hoy mer kram, las o Yezous Kristo ap peste, oun hidjras les ap o troushel. Har yob menge meras, hi kova yaake, har te meram mer leha. Kanna hi o čilačepen an mende moulo. Oun mer djivah nay i lačo oun čačo djipen. Kol douka, hoy o Yezous ap peste las, kran maro djipen sasto.

1. Petro 4:6

Doleske vas ninna i moulenge o lačo lab o Yezous Kristestar penlo, te nay lenn le o Debleskro djipen, ninna te meran le, har i tsele menshe hounte merenn.