Galatarja 2:17 - O Debleskro Lab 2024 (Sinte-Manouche)

¹⁷ Mer ninna, kay ham bibolde, kamah, te krell men o Devel čačo glan peste. Kol labentsa penah mer, kay ham pale-čidde oun čilače glan o Debleste, yaake har i tsele vavar menshe ap i phoub. Penau kanna, kay o Yezous Kristo men ap o čilačo drom anas? Na-a!

O Debleskro Drom 2021 (Sinte)

¹⁷ Mer ninna, kai ham bibolde, kamah, te krell men o Dewel tchatcho glan peste. Kol labentsa penah mer, kai ham pale-tchidde un tchilatche glan o Debleste, jaake har i tsele wawar menshe ap i phub. Penau kanna, kai o Jesus Kristo men ap o tchilatcho drom anas? Na-a!

Galatarja 2:17 ပူးပေါင်းရင်းမြစ်များ

Mateo 1:21

Oun yoy lella i čaves. Tou deh les o lab Yezous. Yob lella i doosh peskre menshendar ap peste.

Louka 20:16

Yob vella, oun marell kol harhen, oun dell ko drakengro them i vavaren.” Har kolla kova shounan, kay troul o Yezouseste tardo his, penan le: “Kova vella gar yaake!”

Remarja 11:7

Hoy kanna? Kova, hoy kaman i Israelitarya te lell, kova lan le gar. Kolen kokres, kay o Devel peske vin rodas, kolla lan kova. I tsele vavaren hi i dji dran bar.

Remarja 15:8

Oun me penau t'menge: O Yezous Kristo vas i biboldenge, te dikenn le, o Devel rikrell ap peskro lab, hoy das yob lengre phourende.

Remarja 3:4

Na-a, kova kras lo gar. O Devel hi čačo. Hako mensho hi i rhorheno. An i Debleskri gili hi činlo: Tou, mo Devel, lauter, hoy rakreh, hi čačo. Kek nay vell oun penella, kay tire laba gar čačo hi.

Remarja 3:6

Na-a, len hi gar čačo! O Devel djal pal o čačepen. Te djals o Devel gar pal o čačepen, nay rakrals lo gar o čačepen vin pral i tsele menshende.

Galatarja 2:11

An ko tsiro, har o Kefas an o foro Antiochia his, rhas yob kol patslentsa, kay kek bibolde hi. Koy van patsle bibolde koy pashel dran o Yakobeskri kangri. Kolla rikran pen ap o Moseskre laba oun rhan gar kolentsa, kay kek bibolde hi. Oun o Kefas trashas lendar, oun tserdas pes pale, oun kamas bouder gar kol patslentsa khetne te vell, kay kek bibolde hi. Koy penom me leske an o mouy, kay kova gar mishto hi, hoy yob kras.

Galatarja 2:15

Mer ham bibolde. Yaake vam mer boldo. Oun ham gar kolendar, kay kek bibolde hi oun gar ap o Debleskro drom djana. Ninna te ham gar kolendar, djinah, kay kek mensho čačo vella glan o Debleste, te djivell lo pal o Moseskre laba. Na-a, o Devel krell koles čačo glan peste, koon patsell ap o Yezous Kristeste. Doleske patsah mer o tselo djiyestar ap o Yezous Kristeste, te vas čačo glan o Debleste.

Galatarja 3:21

Penenn o Moseskre laba, kay hi ko lab bouder či moldo, hoy o Devel o Abrahameske penas? Na-a! Kova hi gar yaake. Te vals o nevo djipen dran o Moseskre laba, palle vals čačepah ko mensho čačo glan o Debleste, kay rikrell pes ap kol laba. Kova hi gar yaake.

Galatarja 6:14

Me djinau yek: An kek tsiro kamau me te sharap man. Me sharau ko troushel kokres, kay maro ray, o Yezous Kristo, meras. Kanna hi mange kova lauter bouder či moldo, hoy i menshenge yaake boud moldo hi. Me nashau ko koova bouder gar palla.

Hebrearja 8:2

Kote boudrell lo o Debleske an o čačo Debleskro kheer, hoy kras o Devel, oun kek mensho.

1. Johanni 3:5

T'mer djinenna, kay o Yezous Kristo vas, te lell lo ko čilačo koova krik, hoy kram. T'mer djinenn ninna, kay an leste kek čilačepen hi.