Galatarja 2:13 - O Debleskro Lab 2024 (Sinte-Manouche)

¹³ Yaake har o Kefas douy čipyentsa rakras, kran ninna kol vavar patsle bibolde. Har o Barnabas len dikas, kras yob ninna yaake har yon, oun tserdas pes kol patslendar pale, kay kek bibolde hi, te vell lo an-diklo pash i biboldende.

O Debleskro Drom 2021 (Sinte)

¹³ Jaake har o Kefas dui tchipjentsa rakras, kran ninna kol wawar patsle bibolde. Har o Barnabas len dikas, kras job ninna jaake har jon, un tserdas pes kol patslendar pale, kai kek bibolde hi, te well lo an-diklo pash i biboldende.

Galatarja 2:13 ပူးပေါင်းရင်းမြစ်များ

1. Mose 27:24

Har yob kamas o Debleskri barht pral leste vin te rakrell, poučas lo pale: “Hal tou miro čavo Esau?” “Ava, me hom kova”, penas o Yakob.

2. Samuel 16:19

Oun kova hal tou: O baro rayeskro čavo, koneske boudrau yaake har me tiro dadeske boudrom.”

Hiob 15:12

Hoske kereh tou pral har thoud ap i yag? An tire yaka rhačell tiri rholi.

Sikepaskro 10:1

Moule matsille an o soungepaskro djet krenn o lačo djet foulles. I tikno dinlepen nay krell o tselo gosvepen oun an-dikepen i menshestar paash.

Sikepaskro 7:20

Kek mensho hi yaake an o čačepen tardo, te krell lo kokres lačo koova oun anell kek doosh ap peste.

Mateo 23:28

Yaake han t'mer. Te dikenn t'men i menshe, patsenn le, te han lače oun čače menshe. An t'mende hi lauter rhorhepen oun čilačepen.

Bičepangre 4:36

Yaake kras kova ninna o Yosef. Kova his i Levitari oun vas dran o them Ciprus. O Yezouseskre bičepangre dan les ninna Barnabas gole. Ko kharella ap lengro rakepen: O morsh, kay rakrell i menshentsa lačo, te hi lengro dji pharo.

1. Korintarja 12:2

Har t'mer gomme gar patslo hans, tserdas t'men bari zoryah pash kol figure, kay nashte rakrenn gar, kolen i menshe an-mangenna, har te vans le o Devel.

1. Korintarja 15:33

Ma patsenn, kay lengro čačo hi! Ma krenn kova, hoy yon krenna!

1. Korintarja 5:6

T'mer sharenn t'men. Oun kova hi gar mishto. Djinenn t'mer gar, te krell i tikno kotar shoutlo yarro ko tselo vavar yarro shoutlo?

1. Korintarja 8:9

Kova hi t'maro koova, hoy t'mer krenna. Ninna te hi kova yaake, denn yak ap kolende, kay gomme gar zoreles an o patsepen hi, te perenn yon gar o Debleskro dromestar tele!

Galatarja 2:1

Pal deesh-te-star bersha djom pale an o foro Yerusalem. O Devel sikras mande, te djap koy. O Barnabas djas mantsa. Oun o Tito his ninna pash mande. An o foro Yerusalem djom pash i pralstunende mank i patslende, oun penom lenge, har sikrau me o Debleskro drom kol menshende, kay kek bibolde hi. Me kamom te djinell, te hi kova lenge mishto, hoy me penau, te vell koy boudi, hoy me krau oun krom, gar čičeske.

Galatarja 2:9

Kol pralstoune mank i patslende his o Yakobo, oun o Kefas, oun o Yohanni. Har yon hayvan, kay o Devel mange lačo hi oun man koy boudi das, dan yon man oun o Barnabas o čačo vast, te dikenn halauter, kay ham mer phrala. Mer kram vin, te djas mer pash kolende, kay kek bibolde hi, oun yon te djan pash i biboldende.

Efesarja 4:14

Palle ham bouder gar har tikne čave, kay lauter patsenna, kava dives yaake oun ko vavar dives vavarčandes. Oun mer shounah bouder gar ap kolende, kay rhorhenna, oun kamenn men o čačo dromestar tele te anell.

Hebrearja 13:9

Te hi menshe koy, kay sikrenn t'men vavar dromma oun kamenn t'men o Debleskro dromestar tele te anell, palle patsenn lenge gar! Har shoukar hi kova, te venn t'mer zorelo an o dji! Kova krell o Devel, kay hi yaake lačo ap t'mende. Kolla, kay penenn t'menge, hoy te rhan oun hoy te rhan gar, kolla nay krenn gar t'maro patsepen zoreles. Lengre laba hi či moldo.