Galatarja 2:11 - O Debleskro Lab 2024 (Sinte-Manouche)

^11-12 An ko tsiro, har o Kefas an o foro Antiochia his, rhas yob kol patslentsa, kay kek bibolde hi. Koy van patsle bibolde koy pashel dran o Yakobeskri kangri. Kolla rikran pen ap o Moseskre laba oun rhan gar kolentsa, kay kek bibolde hi. Oun o Kefas trashas lendar, oun tserdas pes pale, oun kamas bouder gar kol patslentsa khetne te vell, kay kek bibolde hi. Koy penom me leske an o mouy, kay kova gar mishto hi, hoy yob kras.

O Debleskro Drom 2021 (Sinte)

^11-12 An ko tsiro, har o Kefas an o foro Antiochia his, chas job kol patslentsa, kai kek bibolde hi. Koi wan patsle bibolde koi pashel dran o Jakobeskri kangri. Kolla rikran pen ap o Moseskre laba un chan gar kolentsa, kai kek bibolde hi. Un o Kefas trashas lendar, un tserdas pes pale, un kamas buder gar kol patslentsa khetne te well, kai kek bibolde hi. Koi penom me leske an o mui, kai kowa gar mishto hi, hoi job kras.

Galatarja 2:11 ပူးပေါင်းရင်းမြစ်များ

Jeremia 1:17

Ab zoreles! Oun kre tout ap o drom! Oun pen lenge halauter, hoy me touke penau! Ma traash lendar, te krap me gar, te trashess tou glan lende!

Jona 1:3

Oun o Yona stas pre oun kamas glan o baro Debleste an o foro Tarsis te nashell, oun vas tele an o foro Yafo. Oun har lo i shiffo hatsas, hoy kamas pash o foro Tarsis te oulerell, das lo love koy, oun stas dren, te nay oulerell lo lentsa pash o foro Tarsis, oun te vell lo glan o baro Debleskre yaka bouder gar diklo.

Jona 4:9

Oun o Devel penas ap o Yona: “Havo čačepen hi tout, te rhoyress tout yaake pral ko bour, hoy tele meras?” Oun yob penas: “Čačepah, mange hi yaake čačo, te rhoyrap man, te kamau te merell.”

4. Mose 20:12

O baro Devel penas ap o Moseste oun ap o Aroneste: “T'mer patsan gar, hoy penom, oun sharan man gar glan kol Israelitarya. Doleske anenn t'mer gar kol menshen an ko them, hoy me len dau.”

Mateo 16:23

O Yezous rissras pes trouyel, oun penas ap o Petreste: “Dja touke, tou beng! Tou kameh man o Debleskro dromestar tele te anell. Tou kameh gar, hoy o Devel kamella. Na-a, tou kameh, hoy i menshe kamenna.”

Johanni 1:42

Oun o Andreas anas peskro phrales pash o Yezouseste. Har o Yezous koles dikas, penas lo: “Tou hal o Simon, ko Yohanneskro čavo. Tou khareh kanna Kefas.” Ko kharella baro bar.

Bičepangre 11:19

An ko tsiro, kay o Stefano maredo vas, van i patsle palla lino. Kolla nashan dran o foro Yerusalem, oun djan an i themma Fenicia oun Ciprus, oun an o foro Antiochia. Oun yon penan kote kokres i biboldenge o Debleskro lab, oun kek vavarenge.

Bičepangre 11:20

Mashkral kol patslende his ninna morsha dran Ciprus oun Kirene. Kolla van an o foro Antiochia, oun penan ninna kolenge, kay kek bibolde hi, o lačo lab o ray Yezousestar.

Bičepangre 11:22

Oun i patsle an o foro Yerusalem shounan kova, oun bičran o Barnabes an o foro Antiochia.

Bičepangre 11:27

An kol divessa van Debleskre rakepangre dran o Yerusalem an o foro Antiochia.

Bičepangre 15:1

Koy van morsha dran o them Youdea an o foro Antiochia tele, oun penan kol patslenge, kay kek bibolde hi: “T'mer hounte moukenn t'men ap o mass te činell, har o Mose kova an peskre lila činas. Te moukenn t'men gar ap o mass te činell, palle nay venn t'mer gar o Debleskre čave.”

Bičepangre 15:5

His Farisarya koy, kay ap o Yezouseste patslo van. Kolla penan ap i phralende: “Kolla, kay kek bibolde hi, hounte venn ap o mass činlo, oun lenge hounte vell penlo, te rikrenn le pen ap o Moseskre laba.”

2. Korintarja 11:5

Me djinau, me molau ninna yaake boud har kol bare rakepangre pash t'mende, kay penenn, te hi le bičedo o Yezous Kristestar.

2. Korintarja 12:11

T'mer kran, te rakrom har i dinelo. Me hounte sharoms man gar. Na-a, t'mer hounte sharans man. Ninna te voms me či, voms me yaake boud moldo har kol bare rakepangre pash t'mende, kay penenn, te hi le bičedo o Yezous Kristestar.

2. Korintarja 5:16

Doleske dikah kanna bouder gar yaake ap i mensheste har an o tsiro, har hams gomme gar patslo. Ninna prindjrah mer o Yezous Kristes kanna vavarčandes har an ko tsiro, har djivas lo ap i phoub.

Galatarja 1:18

Pal triin bersha vom me an o foro Yerusalem, te dikap o Kefases. Deesh-te-panč divessa ačom pash leste.

Galatarja 2:14

Har me dikom, kay yon gar ap o čačo drom djan, yaake har o Yezous les mende sikras, koy penom me ap o Kefaseste glan hakeneste: Ninna te hal i biboldo, djiveh tou gar har i biboldo. Hoske kameh i zoryah, te djivenn kol patsle, kay kek bibolde hi, har i bibolde?

Galatarja 2:5

Mer kram kova gar, hoy yon kaman. Mer kamam, te djinenn t'mer zoreles: O Yezouseskro drom, hoy mer t'mende sikram, kova hi o čačo drom.

Galatarja 2:7

Yon hayvan, kay mange o Yezous penas, te djap pash kolende, kay kek bibolde hi, te sikrap lende leskro drom, yaake har o Petro o Yezouseskro drom i biboldende sikrella.

Galatarja 2:9

Kol pralstoune mank i patslende his o Yakobo, oun o Kefas, oun o Yohanni. Har yon hayvan, kay o Devel mange lačo hi oun man koy boudi das, dan yon man oun o Barnabas o čačo vast, te dikenn halauter, kay ham mer phrala. Mer kram vin, te djas mer pash kolende, kay kek bibolde hi, oun yon te djan pash i biboldende.

1. Timoteo 5:20

Kolla, kay kran čilačo koova, kolen dess trad glan lauterende, te vell kol vavaren daar.

Jakobo 3:2

Mer halauter krah boud kope, hoy gar mishto hi. Koon rakrell an kek tsiro čilačo koova, kova hi i lačo mensho, kay nay rikrell pes khetne.

Judas 1:3

Mire phrala oun phenya, his i tsiro, kay kamoms t'menge an i liil te činell, har lačo o Devel ap mende hi, te las lo men dran o čilačepen vin. Pral kova kamau me kanna bouder gar te činell. Kanna dikau, hi feteder, te činap t'menge, te ačenn zoreles an o patsepen. Ma moukenn t'men o Debleskro dromestar tele te anell! Leskro lab, hoy t'menge penlo vas, ačell čačo hako tsiro.