Galatarja 1:21 - O Debleskro Lab 2024 (Sinte-Manouche)

²¹ Pal kova vom me an i themma Syria oun Cilicia.

O Debleskro Drom 2021 (Sinte)

²¹ Pal kowa wom me an i themma Syria un Cilicia.

Galatarja 1:21 ပူးပေါင်းရင်းမြစ်များ

Mateo 4:24

Oun ninna an o tselo them Syria shounan le lestar. Oun yon anan lauteren pash leste, kay nasselo hi. Mashkral lende his kolla, kay hi len bare douka, oun kolla, kay hi an lende benga, oun kolla, kay hi nasselo an pengro shero, oun kolla, kay hi bango. Oun yob kras len sasto.

Bičepangre 13:1

Mashkral i patslende an o foro Antiochia his Debleskre rakepangre oun sikepangre. Kolla his o Barnabas oun o Simon, ap koleste penan le Kalo, ninna o Lucio dran o foro Kirene, oun o Manaen. Kova his i maal o baro rayestar Herodes Antipas. Oun o Saulo his ninna mank lende.

Bičepangre 15:23

An ko liil, hoy yon peha lan, his činlo: “Kava liil činan o Yezouseskre bičepangre oun i phoureder mank i patslende. Mer ham t'mare phrala oun činah kava liil ap i patslende, kay kek bibolde hi, oun kay djivenna an kol themma Antiochia, Syria oun Cilicia.

Bičepangre 15:41

Oun o Paulo oun o Silas djan an i themma Syria oun Cilicia, oun yon dan i tsele patslen zoor an o patsepen.

Bičepangre 18:18

O Paulo ačas i tsiro an o foro Korint. Koy pal penas lo i patslenge: “Ačenn o Debleha!” Oun yob ouleras ap o shiffo pral o baro pani an o them Syria. I Priska oun o Akvila his pash leste. Glan kova, har yon an o foro Kenkrea ap o shiffo djan, das pes o Paulo sovel oun moukas peskre balla tele te činell.

Bičepangre 21:3

Har vam yaake dour, te dikam nay o them Ciprus, moukam kova serves čiddo, oun ouleram ap o shiffo an o them Syria, oun vam an o foro Tirus. Koy anan yon o tselo koova, hoy o shiffo hidjras, an o foro.

Bičepangre 21:39

“Na-a,” penas o Paulo, “me hom i biboldo oun vau dran o foro Tarsus, dran o them Cilicia. Me mangau tout: Mouk man kal menshentsa te rakrell!”

Bičepangre 22:3

Me hom i biboldo, oun vom boldo an o foro Tarsus, an ko them Cilicia. Baro vom an o foro Yerusalem. Miro sikepaskro his o Gamaliel. Kova sikras mande, te djivap yaake, har mare phoure djivan. Yaake har t'mer pal o Moseskre laba djivenna, djivom me ninna o tselo djiyestar.

Bičepangre 23:34

O Felix draveras ko liil, oun poučas o Paulestar dran havo them yob hi. Oun har yob shounas, kay o Paulo dran o them Cilicia hi, penas yob ap leste:

Bičepangre 6:9

Kote van bibolde pash leste. Kolla van dran boud biboldengre kangria. Yon his Libertarya, morsha dran i forya Kirene oun Alexandria, oun dran i themma Cilicia oun Asia. Oun yon rakran o Stefaneha oun čingran pen leha.

Bičepangre 9:30

Har kol patsle kova shounan, anan le les an o foro Cesarea, oun bičran les doureder an o foro Tarsus.