Filiparja 4:19 - O Debleskro Lab 2024 (Sinte-Manouche)

¹⁹ Miro Devel dell ninna t'men lauter, hoy t'men hounte vell djipaske. Les hi i baro bravlepen an o bolepen. Kova dell lo kolen, kay djan ap o Yezous Kristeskro drom.

O Debleskro Drom 2021 (Sinte)

¹⁹ Miro Dewel dell ninna tumen lauter, hoi tumen hunte well djipaske. Les hi i baro brawlepen an o bolepen. Kowa dell lo kolen, kai djan ap o Jesus Kristeskro drom.

Filiparja 4:19 ပူးပေါင်းရင်းမြစ်များ

1. Mose 48:15

Oun yob rakras o Debleskri barht vin pral o Yosefeste oun penas: Ko Devel, kay djas miro papo Abraham oun miro dad Isaak ap leskro drom, ko Devel, kay das garda ap mande bis kava dives, har dell garda i bakrengro ap peskre bakre,

2. Samuel 22:7

An miri daar kharom ap o baro Debleste. Ava, bari gole dom ap miro Debleste. An peskro raylo kheer shounas lo man, oun miri gole vas glan leskre kanda.

2. Familjakro liil 18:13

O Mika penas: “Pash o djido Debleste, me rakrau kokres kol laba, hoy miro Devel mange penell!”

2. Familjakro liil 31:8

Oun har o Hiskiya oun i pralstoune koy djan, oun dikan, har boud khetne vas, sharan le o baro Debles oun leskre menshen Israel.

Nehemia 5:19

Ma biste kova mange, miro Devel, hoy lauter kol menshenge krom!

Nehemia 9:15

Oun maro dran o bolepen dal tou len, har len bok his. Oun moukal lenge dran o baro bar pani vin nashell, har len troush his. Oun tou penal lenge, te djan le koy oun lenn o them dren. Ko them koleske tou tiro vast hadal, oun dal tout sovel, te dess len ko them.

Debleskri gili 104:24

Baro Devel, har baro oun boud hi kova, hoy tou halauter kral! Har goseves kral tou halauter! I phoub hi pherdo o tselo koova, hoy tou kral.

Debleskri gili 130:7

Tou, Israel, dik ap o baro Debleste! Yob hi lačes menge, oun leskro dji hi hako tsiro pre, te lell lo men vin dran o čilačepen.

Debleskri gili 36:8

Har raylo hi tiro lačepen, miro Devel! I menshe venn pash toute, te rikress tire vasta pral lende, har i čirklo rikrell peskre moussya pral peskre terne.

Debleskri gili 84:11

Yek dives ap i platsa glan tiro kheer hi feteder har i zerya vavar divessa. Me kamau boudeder te vap tardo pash o voudar glan tiro kheer, har te djivap pash i čilačende.

Daniel 6:22

Kote rakras o Daniel o baro rayeha oun penas: “Baro ray, te djivess hako tsireske!

Micha 7:7

Me kamau te dikap ap o baro Debleste, oun rikrau man ap leste, te vell lo ap miri rig. Miro Devel shounell miri gole.

Maleachi 3:10

Anenn o deshto kotar halauterestar, hoy dren lan, an miro kheer, te vell doha rhapen an miro kheer. Oun dikenn, hoy me palle t'menge krau: Me krau miri vorhni an o bolepen pre, oun dau t'men boud lačo koova, boudeder har t'men hounte vell. Ko penell o baro Devel, ko ray pral o bolepen oun i phoub.

Mateo 6:32

Kova krenn kol menshe, kay prindjrenn o Debles gar. T'maro dad an o bolepen djinella, hoy t'men hounte vell djipaske.

Johanni 20:17

Penas o Yezous ap late: “Ma tape ap mande! Me djom gomme gar pash o dadeste pale. Dja pash mire phralende oun pen lenge: Me djau pash miro dadeste oun pash t'maro dadeste oun pash miro Debleste oun pash t'maro Debleste.”

Johanni 20:27

Pal kova penas yob ap o Thomas: “Čip tiro goushto ap mire vasta, oun čip tiro vast an miri rig. Ač gar har yek, kay patsell gar. Pats kanna!”

Remarja 1:8

Glan hake vavar laba, hoy kamau t'menge te činell, penau t'menge: Hako tsiro, kay rakrau o Yezous Kristeha, parkrau man pash miro Debleste t'menge halauterenge. Ap i tseli phoub rakrenn le pral t'maro patsepen.

Remarja 11:33

Har baro hi o Debleskro lačepen ap lauterende! Har baro hi leskro gosvepen! Yob djinell halauter, hoy kek vavar nay djinella. Kek nay djinell, har yob rakrell o čačepen vin. Kek nay hayvell leskre tsele dromma.

Remarja 2:4

Hi touke o Debleskro baro lačepen či moldo? Les hi i baro dji oun dell i menshen gar sik pre. Djineh tou gar o Debleskro lačepen, hoy kamell tout ap leskro drom te anell?

Remarja 8:18

Me patsau zoreles, kol douka, hoy an kava tsiro ap mende venna, hi boud boud tikneder har ko baro raylepen, hoy o Devel men della an ko tsiro, hoy vella.

Remarja 9:23

Kova kras lo, te sikrell lo peskro baro raylepen ap kolende, kay lan leskro kamlepen. Kolen rodas lo vin, te djivenn le leha khetne an leskro raylepen.

2. Korintarja 12:21

Me trashau te ladjap man t'menge glan o Debleste ap ko dives, kay vau pale pash t'mende, oun te vell mange ropaske pral boudende, kay kamenn pengro phouro djipen gar pre te dell, oun djivenn an djoungelo oun vi-ladjedo koova oun loubrenn pen trouyel yaake har kran le an ko tsiro, har yon gomme gar patslo his.

2. Korintarja 4:17

Ko pharo koova, hoy mer kanna hidjrah, hi tikno oun djal peske. Pal kova vell i baro raylepen. Kova hi shoukeder har halauter, hoy kanna djinah, oun djal peske gar.

Efesarja 1:18

Me mangau lestar, te krell lo t'mare djia pre, te dikenn t'mare djiyeskre yakentsa, har baro oun shoukar kova hi, hoy yob i patslende della ap ko tsiro, kay venn le pash leste an o bolepen khetne. Yob das t'men gole, te lenn kova lauter.

Efesarja 1:7

Har o Yezous Kristo ap o troushel meras, oun peskro rat menge ratas, las lo mari doosh oun phagi mendar. Yaake baro his leskro lačepen ap mende!

Efesarja 2:7

Yaake baro hi leskro lačepen ap mende, kay patsah ap o Yezous Kristeste. Ninna an ko tsiro, hoy vella, dikenna i menshe, har baro leskro lačepen ap mende hi.

Efesarja 3:16

Oun leskri zoor hi bari. Doleske mangau lestar, te krell leskro Dourho t'mare djia zoreles.

Efesarja 3:8

Ninna te hom me o tikneder kol tsele patslendar, das lo man koy shoukar boudi, te djap pash kolende, kay hi kek bibolde, te penap lenge, havo baro bravlepen o Yezous Kristes lenge hi,

Filiparja 4:7

Palle dell o Devel t'men peskri barht an o dji. Leskri barht hi yaake baro, kay nay hayvah kova gar. Oun o Yezous Kristo rikrell t'maro dji, oun lell t'mari daar krik.

Kolossarja 1:27

Kolen sikras o Devel, har baro oun shoukar ko drom hi, hoy anell ninna kol menshen pash leste, kay kek bibolde hi. Oun ko drom hi o Yezous Kristo, kay djivell an t'mende. Doleske djinenn nay, te djivenn t'mer leha khetne an o bolepen.

Kolossarja 3:16

Ma moukenn tele, te rakrenn oun shounenn o lab o Yezous Kristestar! Rakrenn les t'menge an o dji! Avenn gosevo koy pashel, te sikrell yek o vavareste, har te djal lo ap o Debleskro drom! Givenn Debleskre gilya oun save gilya, hoy sharenn o Debles, ninna save gilya, hoy o Debleskro Dourho an t'mende čivella! Ava, givenn o Debleske, oun sharenn les an t'mare djia!

1. Timoteo 6:17

Pen kol bravelenge, te rikrenn yon pen gar bareder har vavar, oun te čivenn yon pengro patsepen gar ap o bravlepen, hoy gar ačella. Mer čivas maro patsepen ap o Debleste, kay dell men lauter djipaske, yaake te nay djivas barhteles.

Filemon 1:4

Hako tsiro, kay rakrau o Debleha, parkrau man touke pash leste.

1. Petro 5:1

Kanna rakrau ap kolende, kay hi i phoureder mank t'mende. Me hom ninna i phoureder, oun dikom mire yakentsa, har o Yezous Kristo ap o troushel meras. Oun ap ko dives, kay vell peskro tselo raylepen diklo, hom me ninna pash leste. T'menge penau zoreles:

1. Petro 5:10

I tikno tsiro vell pharo koova ap t'mende. An kava tsiro lenn t'mer i zoor, te ačenn ap o Debleskro drom. O Devel, kolestar vell o tselo lačepen, yob das t'men gole, te djivenn hako tsiro khetne o Yezous Kristeha oun lenn leskro raylepen. Yob dell t'men ninna i zoor, te ačenn zoreles an o patsepen oun an o djipen.