Filiparja 4:17 - O Debleskro Lab 2024 (Sinte-Manouche)

¹⁷ Me penau kova gar, te denn mange čomone. Na-a, kamau, te denn t'mer o Debleske čomone, te sharell yob t'men.

O Debleskro Drom 2021 (Sinte)

¹⁷ Me penau kowa gar, te denn mange tchomone. Na-a, kamau, te denn tumer o Debleske tchomone, te sharell job tumen.

Filiparja 4:17 ပူးပေါင်းရင်းမြစ်များ

Gosewe laba 19:17

Kova, kay peskro dji pre krell oun i čorveles dell, kova hi har yek, kay patsals o baro Debleske. Oun o baro Devel dell les ko lačepen pale, hoy lo kras.

Micha 7:1

Me bibarhtelo, mange hi har yekeske, kay bokella, oun hatsell kek phabya ap o rouk, oun kek drake ap i drakengro rouk. Kol tsele lače phabya oun goudle drake hi krik.

Maleachi 1:10

Kamaus, te vals yek t'mendar koy, kay krals o voudya an miro kheer pandles, te krenn t'mer gar čičeske i yag ap miri rhačepaskri! Man hi doha t'mendar, penell o baro Devel, ko ray pral o bolepen oun i phoub. Oun kol marede firhe, hoy mange anenn, hi mange gar mishto.

Johanni 15:16

T'mer rodan man gar vin. Me rodom t'men vin, te djivenn yaake, te vell dran t'maro djipen lačo koova, hoy ačella. Oun o dad dell t'men halauter, hoy mangenn lestar an miro lab.”

Johanni 15:8

Te vell boud lačepen dran t'mende, vell miro dad sharedo. Oun t'mer venn mire mala.

Remarja 15:28

Te dom i patslen an o foro Yerusalem kol tsele love, palle kamau ap o drom an o them Spania pash t'mende te vell.

2. Korintarja 11:16

Me penau pale: Kamau gar, te penell yek, me hom dinelo. Oun ninna te patsenn t'mer, te hom dinelo, palle mangau t'men: Lenn man pre har i dineles, te sharap man me nay ninna i tikno kotar!

2. Korintarja 9:5

Doleske mangom kol phralen, te djan yon glan mende, oun lenn kol love, hoy t'mer khetne čivan. Yaake hounte čivenn t'mer gar kol love sik khetne ap ko dives, kay mer vah. Oun kol love, hoy t'mer denn, vell o djiyestar, oun gar dran o boklepen.

Filiparja 1:11

Oun ko boud lačo oun čačo koova, hoy t'mer kran, krell o Debles bares. Kova kran t'mer an i zoor, hoy o Yezous Kristo das t'men.

Filiparja 4:11

Kova penau gar, te sikrap t'men, kay man gar doha his. Na-a. An miro djipen hayvom, te hi mange kova doha, hoy man hi.

1. Tessalonikarja 2:5

T'mer djinenna, mer rakram t'menge gar pal o mouy. Vitar gar penam o Debleskro lab, te las love i menshendar. O Devel djinella, me penau o čačepen.

1. Timoteo 3:3

Yob hi kek pipaskro. Yob hi kek marepaskro. Les hi i baro dji i vavarenge. Yob hi kek čingepaskro. Yob hi gar pal i love.

1. Timoteo 6:10

Koon pal i love hi, perell an hako čilačepen. His menshe koy, kay kaman i love yaake boud, kay peran le o Debleskro dromestar tele, oun doukran pen kokres.

Tito 1:7

I pralstouno pral o Debleskro kheer hounte djivell yaake, te dikell kek i čilačo koova ap leste. Yob djal gar pal peskro shero, oun vell gar sik rhoyemen! Yob vell kek pipaskro oun kek čingepaskro! Yob nashell gar pal i love!

Tito 3:14

Mouk ninna i patslen lačo koova te krell oun i vavarende te dell, hoy kolen hounte vell djipaske! Yaake djivenn i patsle pengro djipen gar čičeske.

Hebrearja 6:10

O Devel hi lačo oun čačo, oun bistrell gar t'maro kamlepen ap leste, har boudran i patslenge, oun krenn kova gomme kanna doureder.

1. Petro 5:2

Denn garda ap i patslende, kay o Devel peske khetne anas! T'mer han har i bakrengre. Oun o Debleskre čave hi har bakre, hoy o Devel an t'mare vasta das. Denn len kova, hoy len hounte vella, te ačell lengro patsepen djido! Krenn kova o tselo djiyestar! Yaake kamell les o Devel. Krenn kova gar, har te vals i phari boudi, hoy hounte krenn! Krenn koy boudi dran o kamlepen oun gar, te venn t'mer playsedo!

2. Petro 2:15

O čačo drom moukan le, oun nashran pen. Yon djan ap ko čilačo drom, kay djas ninna o Bileam, – leskro dad hi o Beor. O Bileam kamas i čilačo koova te krell, te lell lo love.

2. Petro 2:3

Kol rhorhene sikepangre kamenn t'men rhorhene labentsa ap pengri rig te anell, te lenn le love t'mendar. O Debleskri rholi vell čačepah pral lende, oun lengri bibarht vella sik.

Judas 1:11

Bibarht vell ap lende! Yon djan ap o čilačo drom, kay ninna o Kayn djas. Oun i lovenge anenn le doosh ap pende, yaake har o Bileam kras. Oun yaake har o Korah merenn le. O Korah hadas pes peskre menshentsa pral o Debleskre morshende.