Filiparja 3:8 - O Debleskro Lab 2024 (Sinte-Manouche)

⁸ Ava, kova lauter, hoy me ap ko tsiro patsom oun krom, hi mange kanna bouder či moldo. Me prindjrau kanna o Yezous Kristes. Yob hi miro ray. Doleske hi ko tselo vavar koova mange har čik, oun či moldo. O Yezous Kristes kokres kamau te prindjrell boudeder.

O Debleskro Drom 2021 (Sinte)

⁸ Awa, kowa lauter, hoi me ap ko tsiro patsom un krom, hi mange kanna buder tchi moldo. Me prindjrau kanna o Jesus Kristes. Job hi miro rai. Doleske hi ko tselo wawar koowa mange har tchik, un tchi moldo. O Jesus Kristes kokres kamau te prindjrell budeder.

Filiparja 3:8 ပူးပေါင်းရင်းမြစ်များ

1. Rajengro liil 14:10

Dran kova moukau me i bibarht pral tiro kheer te vell, oun marau i tsele morsha oun morsh čaven, kay pal toute venna. Kek lendar ačell pral an Israel, yaake har kek čik pral ačell, te vell o kheer djoudjes kerdo.

2. Rajengro liil 9:37

Oun yoy vell har firhengro foul ap o them pash Yesreel. Kek penell nay bouder: Kova hi i Isebel.”

Hiob 20:7

vell lo krik lino, oun vell pale čik. Kek tsireske vell lo bouder hatslo. Oun kolla, kay prindjran les poučenn palle: Kay hi lo?

Debleskri gili 126:6

Yob djala ropah, te vitsrell lo o djob vin, oun vell barhteles khere, i gonentsa pherdo djob.

Debleskri gili 73:25

Te hi man tout, poučau či pal o bolepen, oun vitar gar pal i phoub.

Jesaja 53:11

Yob las yaake boud daar oun douka ap peste, doleske dikell yob ninna i momeli, oun leskro dji vell čalo. Miro boudepaskro hi tardo an o čačepen. Oun dran kova lauter, hoy ap leste vas, nay čivell yob ninna boud menshen an o čačepen. Oun lengri doosh lell yob ap peste.

Maleachi 2:3

Dikenn, hoy me kamau te krell: Kolla, kay t'mendar venna, kolen phagau. Oun o foul kol firhendar, hoy t'mer mange anenn, vitsrau me an t'mare mouya. Oun t'mer venn vin vitsedo khetne o fouleha.

4. Mose 14:30

čačepah, t'mer venn gar an ko them, kay me hadom miro vast oun dom man sovel, te nay djivenn koy dren. Kokres o Kaleb, koleskro dad o Yefunne hi, oun o Yosua, koleskro dad o Noun hi, kolla douy venn koy dren.

Louka 1:43

Har djal kova, te vell koy day miro rayestar pash mande?

Louka 11:20

Na-a, me tradau i bengen dran o Debleskri zoor vin. Ap kova dikenn t'mer, kay ko tsiro vas, kay o Devel i menshen dran o čilačepen vin lella, oun leskri zoor mank t'mende hi.

Johanni 14:20

Ko dives vella, kay t'mer djinenna, kay me an miro dadeste hom, oun t'mer an mande han, oun me an t'mende hom.

Johanni 14:7

Te prindjrans man, prindjrans ninna miro dades. Oun kanna prindjrenn les t'mer oun dikan les.”

Johanni 16:3

Yon prindjrenn o dades gar oun man vitar gar. Doleske krenn yon kova.

Johanni 17:3

Kova hi ko djipen, hoy gar pre-herella: Te prindjrenn yon tout, kay tou hal o čačo Devel, oun te prindjrenn yon o Yezous Kristes, koles tou bičral ap kay phoub.

Johanni 17:8

Hoy tou mange penal, penom me lenge doureder. Oun yon lan mire laba pre oun hayvan, kay me čačepah toutar vom. Oun yon patsan, kay tou man bičral.

Johanni 20:13

“Hoske roveh tou, romniya?” poučan kol bolepangre i Mariatar. “Yon lan miro rayes krik,” penas li, “oun me djinau gar, kay yon les čivan.”

Johanni 20:28

Koy penas o Thomas ap leste: “Miro ray oun miro Devel!”

Bičepangre 20:24

Me dau či bouder ap miro djipen. Yek koova kamau me an miro djipen te krell: Me kamau koy boudi te krell, hoy das man maro ray Yezous: Yob penas mange, te penap i menshenge, har lačo o Devel lenge hi, oun har kras yob i drom, te nay venn le pash leste.

Remarja 8:18

Me patsau zoreles, kol douka, hoy an kava tsiro ap mende venna, hi boud boud tikneder har ko baro raylepen, hoy o Devel men della an ko tsiro, hoy vella.

Remarja 8:39

či, hoy pral an o bolepen hi oun či, hoy tele an i phoub hi, oun kek vavar, hoy djivella, nay krell, te kamell men o Devel bouder gar. Kova, hoy maro ray, o Yezous Kristo, menge kras, sikrell men, har baro o Debleskro kamlepen hi.

1. Korintarja 2:2

Yaake rah, har homs pash t'mende, kamom me pral kek vavar koova te rakrell, har o Yezous Kristestar oun pral leskro merepen ap o troushel.

1. Korintarja 9:10

Ap mende penell o Devel kova. Doleske hi ninna menge činlo: Ko harho, kay boudrell ap peskro kotar phoub, krell kova, te anell lo boud djob dren. Oun kova, kay dell o djob dran o phouss, boudrella, te nay rhal lo kolestar.

2. Korintarja 4:4

Yon patsenn gar ap leste. O beng, kay o ray hi pral kay phoub, kras len korelo, te dikenn le gar, havo lačepen vell dran o lačo lab o Yezous Kristestar. Ko lab sikrell men o Yezouseskro raylepen. Oun yob hi yaake har o Devel.

2. Korintarja 4:6

An o phouro tsiro, kay his halauter kali rat, penas o Devel, te vell dives. Oun koy vas dives. Yaake kras lo ninna mare djia pre, te ačas gar tamlo an mare djia, te hayvas mer o Debleskro raylepen. Kova dikah, te dikah ap o Yezous Kristeste.

Efesarja 4:13

Kova te vell yaake, palle ham mer lauter khetne an yek patsepen, oun prindjrah o Debleskro čaves mishto. Boud oun boudeder hayvah, hoy yob mendar kamella, bis te djivah yaake har yob djivas.

Filiparja 1:1

Mer, o Paulo oun o Timoteo, činah kava liil. Mer boudrah o Yezous Kristeske, oun činah kava liil ap lauterende, kolen o Devel vin gole das an o foro Filipi, te patsenn le ap o Yezous Kristeste. Kava liil hi ninna i pralstunenge, kay denn garda ap i patslende, ninna kolenge, kay krenn o Debleskri boudi mashkral i patslende.

Filiparja 3:10

Kamoms te prindjrap či vavar har o Yezous Kristes oun o Debleskri zoor, kay kras les i moulendar djido. Oun me lau douka ap mande, yaake har yob douka ap peste las, te vap yaake har yob bis ap o merepen,

Filiparja 3:12

Ninna te hom gomme gar yaake har kamoms te vap, oun hom gomme gar kote, kay kamau te vap, nashau o Yezouseskro drom, te lap o djipen pash o Debleste. Koleske das man o Yezous Kristo gole.

Filiparja 3:7

Har o Yezous Kristo miro ray vas, vas mange lauter kova či moldo, hoy mange an ko tsiro boud moldo his.

2. Timoteo 4:6

Miro djipen hi har i pipen, hoy vell vin čoredo o Debleske. O tsiro vas, kay hounte merap.

Hebrearja 3:14

Te rikrah zoreles ap maro patsepen ap o Yezous Kristeste yaake rah, har djivah, palle ham čačepah leskre.

1. Petro 2:7

Kava bar hi kouč t'menge, kay patsenna. Kava bar hi gar kouč kolenge, kay gar patsenna. Yon perenn pral kava bar, oun rhoyrenn pen koy pral, yaake har činlo hi an o Debleskro lab: Ko bar, hoy kol boudepangre ap i rig vitsran, kova vas ko bar, ap koleste ko tselo kheer tardo hi; pral ko bar perenn i menshe, oun rhoyrenn pen koy pral. Kolla kay patsenn gar ap o Debleskro lab, perenn pral leste. Yaake hounte djal lenge.

2. Petro 1:2

Me mangau o Deblestar, te dell lo t'men peskro lačepen oun peskri barht an o dji, te prindjrenn les oun o Yezouses, maro rayes, feteder!

2. Petro 1:3

Yob hi baro oun raylo, oun his menge lačo, oun das men pash peste gole. Har lam les an maro dji pre, das men o Devel an peskri zoor halauter, hoy men hounte vell, te djivas maro djipen yaake, har yob kamella.

2. Petro 1:8

Te krenn t'mer kova lauter, oun djan doureder ap kava drom, palle prindjrenn t'mer maro rayes, o Yezous Kristes, boudeder oun feteder.

2. Petro 3:18

Djivenn boud oun boudeder dran o lačepen, hoy maro ray, o Yezous Kristo, t'men della! Yob las men vin dran o čilačepen. Prindjrenn les boud oun boudeder! Sharedo vell yob kanna oun hako tsiro. Amen.

1. Johanni 1:3

Kova, hoy mer dikam oun shounam, penah mer t'menge, te nay vas mer t'mentsa khetne an o čačepen. Oun čačepah, mer ham khetne o Debleha, kay hi maro dad an o bolepen, oun leskro čaveha, o Yezous Kristeha.

1. Johanni 2:19

Kolla van mendar. Yon his gar čačepah mendar. Te vans yon mendar, ačans le pash mende. Oun har yon penge djan, nay dikas hakeno, te his le gar mendar.

1. Johanni 5:20

Mer djinah, kay o Debleskro čavo ap kay phoub vas, te krell lo mare yaka pre, te prindjras o čačo Debles. Oun yaake har mer ham khetne o Debleskro Čaveha, o Yezous Kristeha, yaake ham khetne o čačo Debleha. O Yezous Kristo hi o čačo Devel. Oun yob dell ko djipen, hoy gar pre-herella.