Filiparja 3:6 - O Debleskro Lab 2024 (Sinte-Manouche)

⁶ Miri tseli zoryah lom kolen palla, kay ap o Yezous Kristeste patsenna. Me krom kova lauter, hoy an o Moseskre lila činlo hi, oun kek nay anas i doosh ap mande.

O Debleskro Drom 2021 (Sinte)

⁶ Miri tseli sorjah lom kolen palla, kai ap o Jesus Kristeste patsenna. Me krom kowa lauter, hoi an o Moseskre lila tchinlo hi, un kek nai anas i doosh ap mande.

Filiparja 3:6 ပူးပေါင်းရင်းမြစ်များ

2. Samuel 21:2

[I Gibeonarya his gar kol menshendar Israel. Yon ačan pral foun i Amorarya. Oun i Israelitarya kran lentsa vin, te moukenn le len djido. Har kouras pes o baro ray Saul peskri tseli zoryah peskro themeske Israel oun Youda, kamas lo ninna i tsele Gibeonaryen te marell.] Kanna moukas o baro ray David kol Gibeonaryen gole te dell, oun rakras lentsa,

2. Rajengro liil 10:16

oun penas: “Am mantsa oun dik har miri tseli zoryah o baro Debleske koy hom!” Oun yob moukas les peha oulerell ap peskro vourdin.

Sikepaskro 7:16

Ma rike o čačepen zorleder dren har činlo hi! Oun ma kre tout gosveder har hal! Hoske kameh tout paash te krell?

3. Mose 13:16

Te djal ko lolo mass palpale oun vell parno, palle vell ko mensho pale pash o rashayeste.

Mateo 23:25

T'mer čačepangre oun Farisarya! Kova, hoy t'mer krenna, ko hi gar mishto! T'maro patsepen hi rhorhepen! T'mer thovenn i khore oun čare kokres vriyal. T'mer han har i čaro, hoy vin djoudjo hi oun dren djoungelo. An t'mare djia han boklo oun čilačo.

Mateo 5:20

Oun me penau t'menge: T'mer nay djivenn gar o Debleha khetne an o bolepen, te krenn t'mer gar, hoy o Devel kamella. Oun t'mer hounte krenn kova feteder, har i biboldengre čačepangre oun i Farisarya kova krenna.

Louka 1:6

O Zakari oun i Elisabet his lačo an o Debleskre yaka. Oun yon shounan ap o Debleste, oun kran lauter, hoy an o Debleskro lab činlo his.

Bičepangre 21:20

Har yon kova shounan, sharan le o Debles, oun penan ap o Pauleste: Miro phraal, tou dikeh har boud zerya bibolde patslo van, oun lauter rikrenn pen pengri tseli zoryah ap kova, hoy o Mose an peskre lila penas.

Bičepangre 22:5

Ko baro rashay oun kol tsele biboldengre phoureder nay penenn, kay kova čačo hi, hoy penau kate. Har kamom an o foro Damaskus te djal, dan man i rashaya lila peha i biboldenge an o foro, te nay pandap ninna kote kolen, kay djan ap ko nevo drom, te anap len an o foro Yerusalem, te lenn le kote pengri phagi.

Bičepangre 26:5

Yaake rah prindjrenn le man. Oun yon te kamenn, palle nay penenn le touke, kay homs i Farisari, oun rikrom man o tselo djiyeha ap i phourengre laba oun ap o Moseskre laba.

Bičepangre 8:3

O Saulo kras lauter, te nay marell lo i tsele patslen. Yob djas an i khera, las len koy vin, morshen har djouvyen, oun vitsras len an o stilepen.

Remarja 7:9

His i tsiro, kay prindjrom o Moseskre laba gar oun djivom, har me kamom. Palle, har shounom, hoy o Devel mandar kamella, hayvom, kova, hoy krom, his čilačo,

1. Korintarja 10:32

Djivenn yaake, te rhoyrell pes kek pral t'mende: kol bibolde gar, oun kolla, kay kek bibolde hi vitar gar, oun vitar gar kol patsle, kay venn t'mentsa khetne.

1. Korintarja 15:9

Me lom i patslen palla, te marap len. Doleske hom me o tikneder mashkral lende, kolen o Yezous bičras, te penenn le i menshenge o lačo lab lestar. Oun me hom gar moldo, te penenn yon, kay me yek lendar hom.

Filiparja 2:15

Yaake djivenn t'mer, har mishto hi. Oun kek hatsell i doosh ap t'mende. T'mer han o Debleskre čave, oun djivenn mashkral kol menshende, kay hi čilačo oun nashran pen an boud dinelo koova. Mashkral kolende han t'mer har i momlia an i rati,

Filiparja 3:9

Leske kamau te djivell. Har djivom pal o Moseskre lila kras man kova gar čačo glan o Debleste. Na-a, miro patsepen ap o Yezous Kristeste kras man čačo glan o Debleste. Koon patsell ap o Yezous Kristeste, koles čivell o Devel an o čačepen.

1. Timoteo 1:13

His i tsiro, kay rakrom djoungeles pral leste, oun lom i patslen palla, te marap len. An ko tsiro prindjrom les gar, oun djinom gar, hoy me krom. Yob kras mange peskro dji pre, oun las man dran o čilačepen vin.

Čačepangre 6:30

Kote penan i morsha dran o foro ap o Yoash: “De tiro čaves vin! Yob hounte merell! Yob das koy rhačepaskri o deblestar Baal paash, oun das i Ashera, hoy pashel tardo his, trouyel!”