Filiparja 3:12 - O Debleskro Lab 2024 (Sinte-Manouche)

¹² Ninna te hom gomme gar yaake har kamoms te vap, oun hom gomme gar kote, kay kamau te vap, nashau o Yezouseskro drom, te lap o djipen pash o Debleste. Koleske das man o Yezous Kristo gole.

O Debleskro Drom 2021 (Sinte)

¹² Ninna te hom gomme gar jaake har kamoms te wap, un hom gomme gar kote, kai kamau te wap, nashau o Jesuseskro drom, te lap o djipen pash o Debleste. Koleske das man o Jesus Kristo gole.

Filiparja 3:12 ပူးပေါင်းရင်းမြစ်များ

Hiob 17:9

Yek, kay an o čačepen tardo hi, moukell gar tele peskro dromestar. Oun koon i djoudjo djipen djivell, vell zorleder oun zorleder.”

Debleskri gili 119:5

An miro tselo djipen kamoms te krap, hoy mandar kameh.

Debleskri gili 138:8

Baro Devel, tou leh miro koova an tiro vast. Baro Devel, tiro lačepen ačella hako tsireske. Ma mouk kova, hoy lal an tiro vast!

Debleskri gili 42:1

I gili yekestar, kay hi dran i familya Korah. Kay gili hi o rayeske pral i gipangre.

Debleskri gili 63:8

Tou val ap miri rig, Tou rikreh tiro vast pral mande, har i čirklo rikrell peskre moussya pral peskre ternende. Kote givau touke i barhtyatar i gili.

Debleskri gili 84:2

Tou, baro Devel oun ray pral o bolepen oun i phoub, har kamau me tiro kheer o djiyestar!

Debleskri gili 94:15

I čačepangre morsha djan pale pal o čačepen. Oun lauter, kay o čačo drom djan, rikrenn pen ap kova.

Gosewe laba 4:18

O drom kolendar, kay o čačepen krenn, hi har o kham, hoy taysarlakro pre djal, oun o dives anell oun zorleder vell bis te hi lo pralstounes tardo.

Jesaja 51:1

Shounenn, hoy penau, t'mer, kay rodenn o čačepen, t'mer, kay rodenn pal o baro Debleste t'mari tseli zoryah: Dikenn ap o Abraham, t'maro phouro dad. Yob his har i baro zorelo bar, oun t'mer han har barra, hoy dran leste dino van. Dikenn ap t'mare phourende, kolendar t'mer venna:

Hosea 6:3

Mer te das yak koy pre o tselo djiyestar, te prindjras o baro Debles! Yob vella! Kova hi yaake čačo, har o kham hako dives pre djala. Yob vella, har i brishin pash mende vella, ava, har i brishin pal o vend i phoub sapenes krella.

Mateo 5:48

T'mer hounte venn yaake lačes ap i menshende, har t'maro dad an o bolepen hi lačes ap i menshende.

Bičepangre 9:15

Penas o ray Yezous leske: “Dja pash leste! Me rodom koles vin, te vell yob mange koy, te djal lo pash kolende, kay kek bibolde hi, pash lengre bare rayende, oun pash kol tsele biboldende, te penell lo lenge mandar.

Remarja 8:39

či, hoy pral an o bolepen hi oun či, hoy tele an i phoub hi, oun kek vavar, hoy djivella, nay krell, te kamell men o Devel bouder gar. Kova, hoy maro ray, o Yezous Kristo, menge kras, sikrell men, har baro o Debleskro kamlepen hi.

1. Korintarja 13:10

Yek tsiro vella, kay dikah lauter lestar oun bouder gar tikne kotya kokres.

1. Korintarja 13:12

Kanna dikah o Debleskro koova gar mishto. Mer dikah kova yaake har an o phouro blendari. Yek dives vella, kay dikah mer o Debles, har yob hi. Lauter, hoy me kanna lestar djinau, hi tikne kotya. Vell ko dives, kay prindjrau les yaake, har yob man prindjrella.

1. Korintarja 9:24

Hayvenn! Kol naashepangre nashenn lauter, oun hakeno kamell o glanstouno te vell. Yek kokres vell o glanstouno. T'mer patsle, hounte nashenn yaake ap t'maro patsepaskro drom, har te kamans o glanstouno te vell! Palle lenn t'mer o shoukar koova, hoy o glanstouno lella!

2. Korintarja 13:9

Ninna te ham mer gar zorelo, ham barhtelo, te han t'mer zorelo. Mer kamah, te venn t'mer an o čačepen glan o Debleste tardo, oun kova mangah lestar.

2. Korintarja 7:1

Mire phrala, kol lače labentsa penas o Devel, hoy kamell lo menge te krell. Doleske moukas mer kol tselo djoungelo koova, oun kras mare djia djoudjo, te djivas lačes oun čačes glan o Debleste, yaake har yob mendar kamella.

Galatarja 5:17

Kova, hoy an mende hi, kamell gar kova, hoy o Debleskro Dourho kamella. Oun kova, hoy o Debleskro Dourho kamella, hi gar kova, hoy an mende hi. Kol douy zorya čingrenn pen yaake, kay nay krenn t'mer gar ko lačepen, hoy kamenn t'mer te krell.

Efesarja 1:4

Har o bolepen oun i phoub gar koy his, rodas lo men vin, te djas ap o Yezouseskro drom. Yob rodas men vin, te dell lo men i djoudjo dji, te hatsell lo kek doosh ap mende. Yaake boud kamas lo men,

Efesarja 4:12

Lauter kolla krenn pengri boudi, te venn i tsele patsle zoreles an o patsepen, oun te hayvenn le o Debleskri boudi mishto te krell.

Filiparja 1:1

Mer, o Paulo oun o Timoteo, činah kava liil. Mer boudrah o Yezous Kristeske, oun činah kava liil ap lauterende, kolen o Devel vin gole das an o foro Filipi, te patsenn le ap o Yezous Kristeste. Kava liil hi ninna i pralstunenge, kay denn garda ap i patslende, ninna kolenge, kay krenn o Debleskri boudi mashkral i patslende.

Filiparja 3:16

Yek hounte kras: Kova, hoy mer djinah, yaake hounte djivas ninna.

Filiparja 3:3

Mer, kay ap o Yezous Kristeste patsah, ham čačepah o Debleskre menshe. Ap mende hi o Debleskro Dourho. Yaake nay krah o Debleskri boudi. Mer ham barhtelo pral kova, hoy o Yezous Kristo menge kras oun hounte rikras kek koova, hoy vella i menshendar. Mer djinah, savo koova nay anell men gar pash o Debleste.

Filiparja 3:8

Ava, kova lauter, hoy me ap ko tsiro patsom oun krom, hi mange kanna bouder či moldo. Me prindjrau kanna o Yezous Kristes. Yob hi miro ray. Doleske hi ko tselo vavar koova mange har čik, oun či moldo. O Yezous Kristes kokres kamau te prindjrell boudeder.

1. Tessalonikarja 5:15

Ma avenn čilačo ap kolende, kay čilačo ap t'mende van! Moukenn gar tele, te venn lačes ap hakeneste mashkral t'mende, ninna ap i tsele vavar menshende!

2. Tessalonikarja 2:13

Mire phrala, mer hounte parkras men t'menge pash o Debleste hako tsiro. Maro ray Yezous kamell t'men o djiyestar. Glan i rah tsiro, har o Devel kras o bolepen oun i phoub, rodas lo t'men vin, te djivenn leha khetne an leskro raylepen. Har patsan t'mer leskro čačo lab, das lo peskro Dourho an t'mende. Oun kova krell, te djivenn t'mer i djoudjo djipen glan leste.

1. Timoteo 5:10

Vavar menshe hounte dikenn ap late, te kras li lačo koova, oun te tserdas li peskre čaven mishto pre. Yon hounte dikan, te las li menshen pash peste pre, oun te thovas li i patslenge i herya. Yon hounte dikan, te his li kolenge koy, kolen i pharo djipen hi, oun te kras li hako lačo koova.

1. Timoteo 6:19

Yon te krenn lačo koova i vavarenge, hi kova lengro bravlepen an o bolepen, hoy ačella. Yaake djivenn le o djipen, hoy o Devel kamella.

Hebrearja 12:14

Krenn lauter, te vell t'men kek čingepen i vavar menshentsa! Čivrenn o tselo čilačepen dran t'mende vin! Kek mensho dikell o Debles, te moukell lo o čilačepen an peste te djivell.

Hebrearja 12:23

Kote venna o Debleskre čave khetne. Lengre laba hi an o bolepen pre činlo. Kote hi o Devel, kay rakrell o čačepen vin pral i tsele menshende. Kote hi ninna kol tsele patsle, kay meran oun kolen o Devel pash peste las.

Hebrearja 13:21

Mangau o Deblestar, te dell lo t'men i zoor, te krenn lauter kova, hoy lačo hi, yaake har yob kamella. Mou dell lo men i zoor, te djivas yaake, har mishto hi glan leskre yaka. O Yezous Kristo nay krell kova. Sharas o Yezous Kristes kanna oun hako tsiro! Amen.

Jakobo 3:2

Mer halauter krah boud kope, hoy gar mishto hi. Koon rakrell an kek tsiro čilačo koova, kova hi i lačo mensho, kay nay rikrell pes khetne.

1. Petro 5:10

I tikno tsiro vell pharo koova ap t'mende. An kava tsiro lenn t'mer i zoor, te ačenn ap o Debleskro drom. O Devel, kolestar vell o tselo lačepen, yob das t'men gole, te djivenn hako tsiro khetne o Yezous Kristeha oun lenn leskro raylepen. Yob dell t'men ninna i zoor, te ačenn zoreles an o patsepen oun an o djipen.

2. Petro 3:18

Djivenn boud oun boudeder dran o lačepen, hoy maro ray, o Yezous Kristo, t'men della! Yob las men vin dran o čilačepen. Prindjrenn les boud oun boudeder! Sharedo vell yob kanna oun hako tsiro. Amen.