Filiparja 2:29 - O Debleskro Lab 2024 (Sinte-Manouche)

²⁹ Lenn les o djiyestar pash t'mende pre! Yob hi maro phraal an o patsepen ap o rayeste, o Yezouseste. Save phrala har yob hi t'menge boud moldo.

O Debleskro Drom 2021 (Sinte)

²⁹ Lenn les o djijestar pash tumende pre! Job hi maro phraal an o patsepen ap o rajeste, o Jesuseste. Sawe phrala har job hi tumenge bud moldo.

Filiparja 2:29 ပူးပေါင်းရင်းမြစ်များ

Jesaja 52:7

Har shoukar hi, te vell kova pral i berge, kay penell menge lačo nevo koova, oun penell: Hi bouder kek kourepen. I lačo tsiro vas. T'mer han bouder gar pandlo. Oun ap mende an Sion penell lo: Tiro Devel hi o baro ray!

Louka 9:5

Oun te lenn le t'men gar an pengro kheer dren, djan t'menge dran kava foro, oun denn koy čik t'mare pirendar tele! Oun kova sikrell i menshende, kay yon čilačo hi.”

Johanni 13:20

Čačepah, me penau t'menge: Koon yekes an peskro kheer lella, koles me bičrom, kova lell man an peskro kheer. Oun koon man an peskro kheer lella, kova lell koles an peskro kheer, kay bičras man.”

Bičepangre 2:46

Hako dives van le khetne an o Debleskro baro kheer. Yon rhan o maro khetne an i khera. Oun yon his barhtelo, te dan yon nay i phralen ninna te rhal. Kova kran le o djiyestar.

Bičepangre 28:10

Oun yon sharan men boud. Triin čon ačam kote. Oun har mer doureder ouleram, dan le men rhapen oun pipen peha. Mer ouleram doureder ap o shiffo, hoy ačas pral o vend ap ko them, hoy kharella Malta. Kava shiffo vas dran o foro Alexandria oun kharas Dioskuro.

Bičepangre 8:8

Oun hakeno an kava foro his barhtelo pral kova, hoy koy djas.

Remarja 10:15

Te vell kek bičedo pash lende, nay penell lenge kek o Yezous Kristestar. O Debleskro lab penella: Har barhtelo ham pral kolende, kay venn pash mende oun penenn menge o lačo lab!

1. Korintarja 16:10

Te vell o Timoteo pash t'mende, palle len les yaake mishto pre, te vell les kek traash. Oun te dikell kek ap leste tele! Yob boudrell ninna o Debleske har me. Te vell lo pale pash mande, djan i kotar drom leha! Me oun i phrala, kay pash mande hi, ačah kate yaake rah, bis te vas lo pash mende pale.

1. Korintarja 16:18

Yon kran miro dji zoreles, yaake har yon ninna t'mare djia zoreles kran. Rikrenn t'men ap save menshende!

2. Korintarja 10:18

Kova mensho kras peskri boudi mishto, kones maro ray Yezous sharell. Oun gar kova kras peskri boudi mishto, kay pes kokres sharell.

2. Korintarja 7:2

Krenn t'mare djia menge pre! Mer kram kekes i čilačo koova oun doukram kekes, oun rhorhram kek menshes.

Filiparja 2:28

Doleske bičrau les sik pash t'mende, te dikenn les t'mer, te venn barhtelo, oun te vell ninna mange bouder gar ropaske.

Kolossarja 4:10

O Aristarko, kay mantsa an o stilepen hi, penell t'menge “Ačenn o Debleha!” Ninna o Marko oun ko Yosua, kay ninna Yusto kharella, penenn t'menge “Ačenn o Debleha!” O Marko hi o kakeskro čavo o Barnabestar. Te vell lo pash t'mende, lenn les kamles pre, har penom t'menge glan i tsiro! Kolla triin morsha hi bibolde, kay ap o Yezous Kristeste patsenna. I tsele biboldendar, kay kate hi, krenna kol triin kokres mantsa khetne o Debleskri boudi. Yon dan man zoor an miro dji.

1. Tessalonikarja 5:12

Mire phrala, mer mangah t'men: Shounenn ap t'mare pralstunende, kay boudrenn mashkral t'mende! O Devel čivas len an pengri boudi, te sikrenn le t'men, hoy yob kamella!

1. Timoteo 5:17

Kanna rakrau pral kolende, kay hi kol phoureder mank i patslende, oun krenn pengri boudi mishto. I patsle hounte dikenn pre ap lende oun shounenn ap lende. Ninna hounte denn le len love. Kova penau boudeder kolendar, kay penenn i menshenge o Debleskro lab, oun sikrenn lende o Debleskro drom.

Hebrearja 13:17

Shounenn ap kolende, kay sikrenn t'men, har te djan ap o Debleskro drom! Krenn kova, hoy yon t'menge penenna! Lengri boudi hi, te denn le yak ap t'mende. Oun yon hounte penenn o Debleske, har yon kran pengri boudi. Djivenn yaake, te krenn le pengri boudi i barhtelo djiyeha! Te rovenn yon pral t'mende, palle vals kova t'menge gar mishto.

3. Johanni 1:10

Te vau me pash t'mende, penau me leske, hoy yob lauter kras. Yob anell o rhorhepen pral mende pre. Oun kova hi leske gar doha. Yob lell gar i patsle phralen pre, kay venna pash leste. Oun kolla, kay kamenn len pash pende pre te lell, kolenge penell lo, te krenn le kova gar, oun vitsrell len dran i kangri vin.