Filiparja 2:21 - O Debleskro Lab 2024 (Sinte-Manouche)

²¹ Kol vavar krenn lauter, hoy lenge mishto hi. Yon krenn gar, hoy o Yezous Kristo kamella.

O Debleskro Drom 2021 (Sinte)

²¹ Kol wawar krenn lauter, hoi lenge mishto hi. Jon krenn gar, hoi o Jesus Kristo kamella.

Filiparja 2:21 ပူးပေါင်းရင်းမြစ်များ

2. Rajengro liil 12:6

Hako rashay te lell kol love pash peste kolendar, kay prindjrell lo. Kol loventsa vell o Debleskro kheer kote pale nevo oun shoukar kerdo, kay čomone paash djas oun djoungelo vas.”

Jesaja 56:11

Boud rhapen kamenn le, oun lenn gar doha. Yaake hi kolla, kay ap mire menshende yak denn. Yon hayvenn či, hakeno dikell ap peste kokres, oun rodell, har nay anell lo peskre love khetne.

Maleachi 1:10

Kamaus, te vals yek t'mendar koy, kay krals o voudya an miro kheer pandles, te krenn t'mer gar čičeske i yag ap miri rhačepaskri! Man hi doha t'mendar, penell o baro Devel, ko ray pral o bolepen oun i phoub. Oun kol marede firhe, hoy mange anenn, hi mange gar mishto.

Mateo 16:24

Palle penas o Yezous ap peskre malende: Koon ap miro drom mantsa djala, kova hounte bistrell, hoy leske kokres mishto hi, oun hounte lell peskro troushel ap peste, oun djal mantsa.

Louka 14:26

“Koon pash mande vella, oun kamell peskro dades, peskri dat, peskri romyat, peskre čaven, peskre phralen, peskre phenyen, oun peskro djipen boudeder har man, kova nay vell gar miro maal.

Bičepangre 13:13

Pal kova djas o Paulo oun kolla, kay pash leste his, dran o foro Pafos. Ap o shiffo ouleran yon an o foro Perge. Kova hi an ko them Pamfilia čiddo. O Yohanni Marko djas peske lendar, oun djas pale an o foro Yerusalem.

Bičepangre 15:38

O Paulo penas ap o Barnabeste: “Kova hi gar mishto, te las o Markes peha. Yob moukas men an o them Pamfilia kokres, djas peske, oun boudras gar mentsa.”

1. Korintarja 10:24

Dikenn gar ap t'mende kokres! Pash halauter, hoy t'mer krenna, dikenn ninna ap o vavareste, hoy leske mishto hi!

1. Korintarja 10:33

Me krau lauter, te djivap yaake, har hakeneske mishto hi oun rodau gar, hoy mange mishto hi. Me kamau kova te krell, hoy boudenge mishto hi, te djan yon gar nashedo.

1. Korintarja 13:5

Kones hi o Debleskro kamlepen an o dji, kova krell kek vi-ladjedo koova; oun dikell gar ap peste kokres. Yob dikell ninna ap i vavarende, te djal lenge mishto. Kones hi o Debleskro kamlepen an o dji, kova moukell pes gar rhoyedo te krell. Yob bistrell o čilačepen, hoy i vavar leske kran.

2. Korintarja 1:5

Yaake har vell boud pharo koova ap mende o Yezous Kristeske, yaake dell lo men ninna boud zoor an o dji.

Filiparja 2:4

Kek te dikell ap peste kokres, te djal leske mishto! Yob te dikell ninna ap ko vavareste, te djal koleske ninna mishto!

2. Timoteo 1:15

Tou djineh, kay moukan man kol tsele patsle, kay hi an o them Asia. Mank lende hi ninna i phrala Figelo oun Hermogeno.

2. Timoteo 3:2

An ko pharo tsiro dikenn i menshe ap pende, te djal lenge kokres mishto. Yon hi pal i love. Yon krenn pen bares. Yon dikenn tele ap i vavarende. Yon rakrenn djoungeles pral o Debleste. Yon shounenn gar ap pengro dadeste oun ap pengri date. Yon parkrenn pen gar ko lačepaske, hoy i vavar lenge kras. Yon djivenn yaake, har te dals kek Devel.

2. Timoteo 4:10

O Demas moukas man, oun djas an o foro Tessalonika. Yob kamell o djipen ap kay phoub. O Kreskens djas an o them Galatia, oun o Tito an o them Dalmatia.

2. Timoteo 4:16

Har homs o glanstouno kopo glan i čačepangre tardo, his kek ap miri rig tardo. Lauter moukan man kokres. Me mangau o Debles, te lell lo koy doosh lendar.