Filiparja 2:2 - O Debleskro Lab 2024 (Sinte-Manouche)

² Kova lauter krell man barhtelo. Krenn man gomme barhtleder, te vell t'men yek dji oun yek djipen, oun te kamell hakeno o vavares o djiyestar! Rikrenn khetne oun čingrenn t'men gar!

O Debleskro Drom 2021 (Sinte)

² Kowa lauter krell man bachtelo. Krenn man gomme bachtleder, te well tumen jek dji un jek djipen, un te kamell hakeno o wawares o djijestar! Rikrenn khetne un tchingrenn tumen gar!

Filiparja 2:2 ပူးပေါင်းရင်းမြစ်များ

Debleskri gili 122:8

Kamau, te djal mishto mire phralenge oun malenge. Doleske penau: “Mou vell kek kourepen an o foro!”

Johanni 3:29

Koles, kay i pirni hi, ko hi ninna o pirno. Oun o maal ko pirnestar, kay pashel tardo hi, oun shounell o pirneskro gole, hi barhtelo pral kova. Kay barht hi man kanna.

Bičepangre 1:14

Kalen lauteren his yek dji oun yek djipen oun mangan o Debles an. Pash lende his ninna djouvya, oun i Maria, o Yezouseskri day, oun o Yezouseskre phrala.

Bičepangre 2:1

Ap i biboldengro baro dives, hoy kharella Fingsta his yon lauter an yek kheer khetne.

Bičepangre 2:46

Hako dives van le khetne an o Debleskro baro kheer. Yon rhan o maro khetne an i khera. Oun yon his barhtelo, te dan yon nay i phralen ninna te rhal. Kova kran le o djiyestar.

Bičepangre 5:12

Oun o Yezouseskre bičepangre kran boud baro oun zorelo koova an o Debleskri zoor ap i menshende. Oun i tsele patsle his an o Salomeskri bari isema an o Debleskro baro kheer khetne.

Remarja 12:16

Avenn t'men yek dji oun yek djipen! Ma krenn t'men bares! Avenn i mala kolendar, ap kolende i vavar tele dikenna! Ma penenn, te han kokres gosevo!

1. Korintarja 1:10

Mire phrala, me shounom, kay hi čingepen mashkral t'mende. Kova penan mange kolla dran i familya koy djouvyatar Kloe. Kanna mangau t'men an o lab maro rayestar, o Yezous Kristestar: Ma čingrenn t'men bouder! Ačenn khetne oun rikrenn khetne an kova, hoy t'mer krenna oun patsenna!

2. Korintarja 13:11

Kanna, mire phrala, avenn barhteles, oun avenn pale pale ap o čačo drom! Shounenn ap kol laba, hoy me t'menge penom. Rikrenn khetne oun čingrenn t'men gar! Oun o Devel, kay dell kamlepen oun barht an o dji, vell t'mentsa!

2. Korintarja 2:3

Doleske činom t'menge ko liil. Kamom gar, te rovap pral kolende, kay man barhteles hounte krans. Oun me patsau zoreles, te han t'mer barhtele pral kova, te nay krenna t'mer man barhtelo.

2. Korintarja 7:7

Gar kokres, kay yob vas, kras men zorelo. Na-a, mer lam boudeder zoor, har shounam, have lače laba t'mer leske penan. Yob penas menge, te kamenn t'mer man o tselo djiyestar pale te dikell. Yob penas ninna, har t'mer rovan oun lauter krenn, te venn mange ap i rig. Har shounom kova lauter, vom gomme barhtleder.

Filiparja 1:4

Oun hako tsiro, kay mangau o Debles t'menge lauterenge, hom barhtelo pral t'mende.

Filiparja 2:16

te rikrenn t'mer ap o Debleskro lačo lab, hoy o djipen della. Te krenn t'mer kova lauter, palle hom me barhtelo ap ko dives, kay o Yezous Kristo pale vella. Yaake his miri boudi pash t'mende gar čičeske.

Filiparja 2:20

Man hi kek vavar har yob, koles savo baro dji hi t'menge, oun yob kamell, te djal t'menge mishto.

Filiparja 4:2

Me mangau t'men, t'mer phenya Evodia oun Sinticha, čingrenn bouder gar khetne! T'mer han phenya an o patsepen ap maro rayeste, o Yezouseste.

Kolossarja 2:5

Ninna te hom gar pash t'mende, han t'mer an miro dji. Oun me hom barhtelo, te shounau, kay han zorelo tardo an o patsepen ap o Yezous Kristeste.

2. Tessalonikarja 2:13

Mire phrala, mer hounte parkras men t'menge pash o Debleste hako tsiro. Maro ray Yezous kamell t'men o djiyestar. Glan i rah tsiro, har o Devel kras o bolepen oun i phoub, rodas lo t'men vin, te djivenn leha khetne an leskro raylepen. Har patsan t'mer leskro čačo lab, das lo peskro Dourho an t'mende. Oun kova krell, te djivenn t'mer i djoudjo djipen glan leste.

2. Timoteo 1:4

Me bistrau nay gar, har tou glan mande roval, oun dikau tout yaake glan mande. Doleske kamau me tout o tselo djiyeha pale te dikell, te vap barhtelo.

Filemon 1:20

Ava, miro phraal! Kre man barhteles, oun kre kova, hoy me toutar mangom! Kre kova maro rayeske, o Yezous Kristeske, ap koleste mer douy patsah. Yaake kreh tou miro dji zoreles an leste!

2. Johanni 1:4

Me homs barhtelo, kay hatsom menshe t'mendar, kay an o čačepen djivenna, yaake har o Devel, maro dad, kova kamella.

3. Johanni 1:4

Pral kek vavar koova hom yaake barhtelo, har te shounap, kay mire čave ap o čačo drom djana.