Filiparja 2:17 - O Debleskro Lab 2024 (Sinte-Manouche)

¹⁷ Me anom t'men ap o Debleskro drom. Doleske hom me glan leste tardo har i rashay, kay anell leske t'maro patsepen. Ninna te meroms pash miri boudi o Yezous Kristeske, hom me kanna barhtelo t'mentsa khetne pral t'maro patsepen.

O Debleskro Drom 2021 (Sinte)

¹⁷ Me anom tumen ap o Debleskro drom. Doleske hom me glan leste tardo har i rashai, kai anell leske tumaro patsepen. Ninna te meroms pash miri budi o Jesus Kristeske, hom me kanna bachtelo tumentsa khetne pral tumaro patsepen.

Filiparja 2:17 ပူးပေါင်းရင်းမြစ်များ

4. Mose 28:6

Kova hi ko rhapen, hoy te rhačrenn hako dives, yaake har anan les o ersto kopo pash koy berga Sinay. Oun o lačo soungepen, hoy pre djal, te vell kova halauter rhačedo an i yag, soungell mishto o baro Debleske.

4. Mose 28:7

Koy pashel vell yek litari mool vin čoredo o baro Debleske an leskro kheer.

Bičepangre 20:24

Me dau či bouder ap miro djipen. Yek koova kamau me an miro djipen te krell: Me kamau koy boudi te krell, hoy das man maro ray Yezous: Yob penas mange, te penap i menshenge, har lačo o Devel lenge hi, oun har kras yob i drom, te nay venn le pash leste.

Bičepangre 21:13

O Paulo penas: “Hoske rovenn t'mer, oun krenn mange miro dji pharo? Me kamau koy boudi te krell, hoy o ray Yezous man das, ninna te pandenn le man i shellentsa, ninna te marenn le man an o foro Yerusalem.”

Remarja 12:1

Mire phrala, o Devel hi kamlo ap t'mende. Doleske mangau t'men o tselo djiyestar: Djivenn t'maro djipen o Debleske, oun venn leske kokres koy, yaake te vell o Devel barhtelo pral t'mende. Te djivenn t'mer yaake, sharenn t'mer les. Oun kova hi t'mari boudi.

Remarja 15:16

Yob bičras man, te boudrap o Yezous Kristeske oun te djap pash kolende, kay kek bibolde hi, te sikrap len o Debleskro drom. Yaake hom har i rashay, kay anell kol menshen, kay kek bibolde hi, pash o Debleste. Oun o Devel dell len peskro Dourho, te venn le leskro. Oun yob dikell lačes ap lende.

2. Korintarja 12:15

T'menge doms me lauter, hoy man hi, ninna miro djipen. Miro dji hi baro t'menge. Hi t'men doleske kek kamlepen mange?

2. Korintarja 4:12

Yaake hi o merepen an mende, oun o djipen an t'mende.

2. Korintarja 6:10

Menge hi ropaske, oun mer nay sanah. Mer ham čorvelo, oun krah i vavaren bravelo. Men hi či ap kay phoub, oun lauter hi menge.

2. Korintarja 7:4

Me patsau ap t'mende. Oun me sharau man t'mentsa. Ninna te vell boud pharo koova ap mende, hi miro dji zorelo oun man hi i bari barht an mande pral t'mende.

Filiparja 1:20

Me patsau te rikrell man o Devel an o vast, oun kamau o tselo djiyestar te krap či, kay hounte ladjap man glan leste. Kamau gar, te trashap i menshendar. Yaake har rakrom hako tsiro o Yezous Kristestar, oun trashom lendar gar, yaake kamau les ninna kanna an o stilepen te krell, ninna te hounte merap, te dikenn i menshe ap miro djipen oun ap miro merepen, har baro oun raylo o Yezous Kristo hi.

Filiparja 2:18

Avenn t'mer ninna barhtelo koy pral! Ava, avenn barhtelo mantsa!

Filiparja 2:30

Har t'mer van nay gar pash mande, his yob mange koy, oun leskro djipen his leske gar boud moldo. Leskri boudi o Yezous Kristeske anas les pash o merepen.

Filiparja 4:18

Kanna hi man lauter, hoy man hounte vell djipaske, oun boudeder har doha. O Epafrodito anas mange kova lauter, hoy t'mer mange bičran. Kova hi yaake, har te anans t'mer o Debleske lačo koova, hoy soungell mishto, oun kay dikell lo lačes pre oun hi barhtelo pral kova.

Kolossarja 1:24

Oun kanna hom barhtelo an kol douka, hoy anom t'menge ap mande. Yaake har o Yezous Kristo anas douka ap peste i patslenge, yaake hounte anap me ninna douka ap mande i patslenge.

1. Tessalonikarja 2:8

T'mer hans an mare djia, oun doleske sikram t'mende gar kokres o Debleskro drom, na-a, mer djivam ninna t'mentsa khetne; yaake baro his maro kamlepen t'menge.

2. Timoteo 4:6

Miro djipen hi har i pipen, hoy vell vin čoredo o Debleske. O tsiro vas, kay hounte merap.

1. Petro 2:5

Ninna t'mer han save djide barra. T'mentsa kamell o Devel peskro kheer pre te čivell. Yob rodas t'men vin, te venn t'mer leskre rashaya, oun te venn leske koy. An t'mende das o Yezous Kristo peskro Dourho. Doleske nay sharenn o Debles yaake, har yob kova kamella.

1. Johanni 3:16

O Yezous sikras mende, har o Debleskro kamlepen hi. Yob moukas peskro djipen menge. Yaake moukas mer ninna maro djipen i patslenge.