Filiparja 1:5 - O Debleskro Lab 2024 (Sinte-Manouche)

⁵ T'mer boudran mantsa khetne, har mer sikram i menshende o Yezouseskro drom. Kova kran t'mer, har patslo van, oun moukan gar tele bis kava dives.

O Debleskro Drom 2021 (Sinte)

⁵ Tumer budran mantsa khetne, har mer sikram i menshende o Jesuseskro drom. Kowa kran tumer, har patslo wan, un mukan gar tele bis kau diwes.

Filiparja 1:5 ပူးပေါင်းရင်းမြစ်များ

Bičepangre 2:42

Oun hako tsiro van le khetne oun shounan, hoy o Yezouseskre bičepangre lenge penan. Oun yon rhan o maro khetne, oun mangan o Debles an.

Remarja 11:17

I bibolde hi har i lačo djeteskro rouk. Ko lačo djeteskro roukestar van kashta tele činlo. T'mer han har i kasht o divyo roukestar. Oun t'mer van ap ko djeteskro rouk dren čiddo, oun djivenn lestar, oun lenn i zoor lestar.

Remarja 12:13

Denn kol čorvele patslende, hoy len hounte vell djipaske! Kolla, kay pash t'mende venna, kolen lenn an t'mare khera dren, oun denn len te rhal oun te piyell!

1. Korintarja 1:9

Kova, hoy o Devel penella, kova rikrell yob ninna. O Devel das t'men gole, te venn hako tsiro peskro Čaveha, o Yezous Kristeha, khetne. Oun kova hi maro ray.

2. Korintarja 8:1

Mire phrala, mer kamah t'menge te penell, havo lačepen o Devel kote kras, kay i patsle an o them Macedonia khetne venna.

Efesarja 3:6

Yob sikras len, te nay venn ninna kolla o Debleskre čave, kay kek bibolde hi, te djivenn le leha khetne. O lačo lab o Yezous Kristestar hi ninna lenge, yaake har o Devel glan i rah tsiro penas.

Filiparja 1:12

Shounenn, mire phrala, me kamau te djinenn t'mer kova: Dran lauter, hoy ap mande vas, shounan boud menshe o lačo lab o Yezous Kristestar.

Filiparja 1:27

Kanna, krenn lauter, te djan yaake ap o Yezouseskro drom, har kova t'mende siklo vas! Krenn kova ninna, te hom gar pash t'mende! Te dikau t'men gar, kamaus te shounap, te rikrenn t'mer lauter khetne an o patsepen, oun te krenn i tseli zoryah lauter, te vell o patsepen ap o Yezous Kristeste zorelo pash t'mende.

Filiparja 1:7

Me nay sharau t'men yaake. T'mer han an miro dji oun rikrenn mantsa khetne, ninna kanna, kay hom an o stilepen, oun penau o lačo lab o Yezous Kristestar glan i čačepangre oun sikrau lende leskro drom yaake, te djinenn le o čačepen.

Filiparja 2:12

Mire kamle phrala oun phenya, t'mer shounan hako tsiro ap kova, hoy me t'menge penom, har pash t'mende homs, ninna kanna, kay gar pash t'mende hom. Me penau t'menge: Krenn lauter, te ačenn ap o Debleskro drom, bis te han pash leste! Shounenn ap o Debleste, oun trashenn lestar!

Filiparja 2:22

T'mer prindjrenn o Timotes oun djinenn, har mishto leskri boudi hi. Har me i menshende o Yezouseskro drom sikrom, his lo mange koy, har hi i čavo peskro dadeske koy.

Filiparja 4:3

Me mangau ninna tout, miro lačo males, ab lenge ap i rig! Har sikrom i menshenge o Yezouseskro drom, boudran le khetne mantsa oun o phraleha, o Klemens, oun kol vavarentsa, kolengre laba hi činlo an o Debleskro liil, kay halauter dren činlo hi, kay lenn o Debleskro djipen.

Filemon 1:17

Me te hom tiro maal, palle le les pash toute pre, yaake har tou man pre lals.

Hebrearja 3:14

Te rikrah zoreles ap maro patsepen ap o Yezous Kristeste yaake rah, har djivah, palle ham čačepah leskre.

2. Petro 1:1

Me, o Simon Petro, činau kava liil. Me boudrau o Yezous Kristeske oun hom leskro bičepaskro. Me činau ap lauterende, kay lan ninna ko patsepen har mer. Ko kouč patsepen, kay čivas men an o čačepen glan o Debleste, das men maro Devel oun o Yezous Kristo, kay las men dran o čilačepen vin.

1. Johanni 1:3

Kova, hoy mer dikam oun shounam, penah mer t'menge, te nay vas mer t'mentsa khetne an o čačepen. Oun čačepah, mer ham khetne o Debleha, kay hi maro dad an o bolepen, oun leskro čaveha, o Yezous Kristeha.

1. Johanni 1:7

Mer te djivah khetne o Debleha an o čačepen, yaake har o Devel an o čačepen tardo hi, palle nay ham mer ninna lauter khetne an o čačepen. Oun o rat leskro čavestar thovell mari tseli doosh mendar tele.