Filiparja 1:20 - O Debleskro Lab 2024 (Sinte-Manouche)

²⁰ Me patsau te rikrell man o Devel an o vast, oun kamau o tselo djiyestar te krap či, kay hounte ladjap man glan leste. Kamau gar, te trashap i menshendar. Yaake har rakrom hako tsiro o Yezous Kristestar, oun trashom lendar gar, yaake kamau les ninna kanna an o stilepen te krell, ninna te hounte merap, te dikenn i menshe ap miro djipen oun ap miro merepen, har baro oun raylo o Yezous Kristo hi.

O Debleskro Drom 2021 (Sinte)

²⁰ Me patsau te rikrell man o Dewel an o wast, un kamau o tselo djijestar te krap tchi, kai hunte ladjap man glan leste. Kamau gar, te trashap i menshendar. Jaake har rakrom hako tsiro o Jesus Kristestar, un trashom lendar gar, jaake kamau les ninna kanna an o stilepen te krell, ninna te hunte merap, te dikenn i menshe ap miro djipen un ap miro merepen, har baro un railo o Jesus Kristo hi.

Filiparja 1:20 ပူးပေါင်းရင်းမြစ်များ

Debleskri gili 119:116

Rike man ap o djipen yaake har dal man tiro lab. Ma mouk man čičeske ap toute te dikell.

Debleskri gili 119:80

Mouk miro dji ap tiro drom te ačell, te krap, hoy mandar kameh, yaake te hounte ladjap man gar.

Debleskri gili 25:2

Ap toute rikrau man, miro Devel. Mouk man gar čičeske ap toute te dikell, te nay san kolla pral mande, kay kamenn mange čilačepen.

Debleskri gili 62:5

T'menge djal an o shero trouyel, har nay krenn te perap khetne. O rhorhepen hi t'menge shoukar. T'mare mouyentsa rakrenn t'mer i barht vin pral yekeste, oun an t'mare djia rakrenn i bibarht pral leste.

Gosewe laba 10:28

Kova, kay i lače pre dikenna, te vell len, kova vell lenge dino; oun yon venn barhtelo. Kova, kay i čilače pre dikenn, te vell len, kova vell gar.

Gosewe laba 23:18

Palle hi tout i lačo djipen glan toute, oun kova vella, hoy tou o djiyestar kamal.

Jesaja 45:17

O Israel vell vin lino o baro Deblestar dran o čilačepen hako tsireske. Kek ladj oun kek praasepen vell ap leste – an kek tsiro.

Jesaja 50:7

O baro Devel, miro ray, hi ap miri rig. Doleske ačom gar vi-ladjedo tardo. Me krom miro mouy har dran bar, oun djinom, me dikau gar čičeske ap leste.

Jesaja 54:4

Ma dare! Tou veh gar vi-ladjedo koy tardo! Moukau kekes, te sal lo pral toute. Doleske ma ladj tout! Tou bistreh koy ladj, hoy ap toute his, har terno hals. Oun ko tsiro, har tiro rom meras, vell touke bouder gar an o shero.

Johanni 21:19

Yaake kamas o Yezous o Petreste te sikrell, har yob merella oun an peskro merepen o Debles bares oun rayles krella. Pal kova penas o Yezous ap leste: “Am mantsa!”

Bičepangre 20:24

Me dau či bouder ap miro djipen. Yek koova kamau me an miro djipen te krell: Me kamau koy boudi te krell, hoy das man maro ray Yezous: Yob penas mange, te penap i menshenge, har lačo o Devel lenge hi, oun har kras yob i drom, te nay venn le pash leste.

Bičepangre 21:13

O Paulo penas: “Hoske rovenn t'mer, oun krenn mange miro dji pharo? Me kamau koy boudi te krell, hoy o ray Yezous man das, ninna te pandenn le man i shellentsa, ninna te marenn le man an o foro Yerusalem.”

Bičepangre 4:31

Ap yek kopo, har yon o Debles an-mangan, trissas i phoub kote, kay yon his. Oun o Debleskro Dourho vas ap lauterende. Oun yon penan o Debleskro lab, oun kek traash his an lende.

Remarja 12:1

Mire phrala, o Devel hi kamlo ap t'mende. Doleske mangau t'men o tselo djiyestar: Djivenn t'maro djipen o Debleske, oun venn leske kokres koy, yaake te vell o Devel barhtelo pral t'mende. Te djivenn t'mer yaake, sharenn t'mer les. Oun kova hi t'mari boudi.

Remarja 5:5

Oun kava patsepen moukell yekes gar nashedo te djal. O Devel kamell men o tselo djiyeha. Kova sikras men o Debleskro Dourho, hoy o Devel an mende das.

Remarja 6:13

Denn yak, te krenn či t'mare vastentsa, heryentsa, yakentsa oun mouyentsa, hoy krell o čilačepen ap kay phoub zorleder! Djivenn o tselo djiyeha o Debleske, har save, kay his moulo, oun van pale djido. Krenn kova lauter, hoy krell o lačepen zorleder!

Remarja 6:19

Me penom t'menge kova yaake, te hayvenn man nay. Har hans gomme gar patslo, kran t'mer djoungelo oun čilačo koova. Oun o čilačepen an t'mende vas baro oun bareder. Kanna hi kova vavarčandes. Doleske krenn kova, hoy lačo oun čačo hi! Yaake djivenn t'mer o Debleskro djipen.

Remarja 8:19

Halauter, hoy o Devel kras, dikell peskro tselo djiyeha ap ko tsiro, kay o Devel halauteren sikrella, koon leskre čave hi.

Remarja 9:33

An o Debleskro lab hi činlo: Dikenn, me čivau i baro bar an o foro Sion. Pral koleste perenn le, oun ap koleste rhoyrenn le pen. Oun kova, kay ap leste patsella, kova hounte ladjell pes gar glan mande.

1. Korintarja 15:31

Hako dives nay nashrau me miro djipen. Mire phrala, kova hi čačo, yaake har čačo hi, kay hom barhtelo pral t'mende, kay me anom t'men pash o Yezous Kristeste, maro rayeste.

1. Korintarja 6:20

O Devel playsras t'menge peskro čaveskro rateha. Doleske sharenn les t'maro tselo djipah!

1. Korintarja 7:34

Oun koy djouvel, kay gar romedini hi, dikella, hoy nay krell yoy o Yezouseske, maro rayeske. Oun yoy krell kova peskri tseli zoryah, oun kamell peskri tselo djiyeha leske koy te vell. I djouvel, kay romedini hi, kolakro dji hi pherdo phoubyakro koova. Yoy dikell ap kova, hoy lakro rom kamella.

2. Korintarja 10:8

Me nay penoms gomme boudeder mandar, te das man maro ray Yezous peskro čačo vast. Te penoms me kova, vals kova čačo. Yob das man peskro čačo vast, te krap t'men zoreles an o patsepen, gar te krap t'men paash.

2. Korintarja 3:12

Mer djinah zoreles, te hi kova yaake. Doleske hi men kek traash, te penas kova yaake i menshenge.

2. Korintarja 4:10

Yaake har o Yezous hounte meras, merella ninna hako tsiro i kotar mendar. Kova hi yaake, te vell ninna leskro djipen ap mende diklo.

2. Korintarja 5:15

O Yezous meras halauterenge. Oun kanna hounte djivenn kolla, kay lan leskro djipen, bouder gar penge kokres. Na-a, yon hounte djivenn koleske, kay meras lenge, oun vas o Deblestar djido kerdo.

2. Korintarja 7:14

O Tito dikas ko lačo koova, hoy leske t'mendar penom, kova his kek rhorhepen. Yaake har lauter čačo hi, hoy t'mentsa rakram, yaake hi ninna ko tselo lačepen čačo, hoy leske penom t'mendar.

2. Korintarja 7:4

Me patsau ap t'mende. Oun me sharau man t'mentsa. Ninna te vell boud pharo koova ap mende, hi miro dji zorelo oun man hi i bari barht an mande pral t'mende.

Filiparja 1:14

Ninna boud patsle van zorleder an o patsepen ap o rayeste, o Yezouseste, kanna, kay me stildo hom. Kolen hi bouder kek traash, te sikrenn le i menshende o Yezouseskro drom.

Filiparja 2:17

Me anom t'men ap o Debleskro drom. Doleske hom me glan leste tardo har i rashay, kay anell leske t'maro patsepen. Ninna te meroms pash miri boudi o Yezous Kristeske, hom me kanna barhtelo t'mentsa khetne pral t'maro patsepen.

Kolossarja 1:24

Oun kanna hom barhtelo an kol douka, hoy anom t'menge ap mande. Yaake har o Yezous Kristo anas douka ap peste i patslenge, yaake hounte anap me ninna douka ap mande i patslenge.

1. Tessalonikarja 5:23

O Devel kras i drom, te vas pash leste. Lestar mangau, te krell lo t'maro tselo djipen djoudjo glan leste, te rikrell lo t'men an peskre vasta, yaake te hatsell lo kek doosh ap t'mende ap ko dives, kay vell maro ray, o Yezous Kristo, pale.

1. Petro 4:16

Yek, kay patsell ap o Yezous Kristeste oun lell doleske i phagi, kova hounte ladjell gar. Na-a, yob te parkrell pes pash o Debleste, te hi o Yezous Kristo leskro ray.

1. Johanni 2:28

Oun kanna, mire čave, ačenn pash leste, te vell men kek traash, te vell yob pale. Yaake hounte ladjas men gar glan leste.