Ezekiel 9:6 - O Debleskro Lab 2024 (Sinte-Manouche)

⁶ Denn i phouren moulo, oun i terne morshen oun i terne čen, ninna i čaven oun i djouvyen! Ma taprenn yekeske an, koles ko sikepen glan ap peskro shero hi! Djan glanstounes pash miro kheer, oun foun kotar doureder. Yaake kran le, oun maran glanstounes kol pralstunen, kay glan o baro Debleskro kheer tardo his.

O Debleskro Drom 2021 (Sinte)

⁶ Denn i phuren mulo, un i terne murshen un i terne tchen, ninna i tchawen un i djuwjen! Ma taprenn jekeske an, koles ko sikepen glan ap peskro shero hi! Djan glanstunes pash miro kheer, un fun kotar dureder. Jaake kran le, un maran glanstunes kol pralstunen, kai glan o baro Debleskro kheer tardo his.

Ezekiel 9:6 ပူးပေါင်းရင်းမြစ်များ

1. Mose 4:15

Koy penas o baro Devel: “Na-a! Hakeno, koon o Kaynes moulo della, koleskre menshendar venn efta menshe moulo dino.” Oun o baro Devel kras i sikepen glan ap leskro shero, te djinell hakeno, koon hatsell les, te nay marell lo les gar.

2. Familjakro liil 36:17

Oun o baro Devel moukas o baro rayes Neboukadnezar dran o them Babilonia pral lende te vell. Leskre lourde maran i terne morshen o rhareha, ninna an o Debleskro kheer. O baro rayes dran Babilonia khaytas kek, gar i terne morsha, vitar gar i terne ča, gar i phoure, ninna te his le nasselo. Halauteren das o baro Devel an leskro vast.

2. Mose 12:23

Oun o baro Devel djala mashkral o them, te dell lo i Egiptarya temerl. Te dikell lo o rat pral ap o voudar oun ap kol douy kashta, hoy čačes oun serves pash o voudar hi, palle djal yob doureder oun moukell koles, kay anell o merepen, gar pash t'mende dren te djal, te dell lo yekes t'mendar temerl.

Jeremia 16:6

Kol bare oun kol tikne hounte merenn an kava them, oun venn gar paskedo. Oun kek rovell pral lende. Oun kek činell pes ratles lenge oder činell peskre tsele balla lenge tele.

Jeremia 25:29

Shounenn, ko foro, hoy pal mande kharedo hi, hi kova, kay anau i bibarht glanstounes ap leste. Patsenn t'mer, kay lenn gar t'mari phagi? Na-a! T'mer ninna lenn t'mari phagi. Me bičrau o kourepen pral halauterende, kay djivenn ap kay phoub. Kova penell o baro Devel, ko ray pral o bolepen oun i phoub.

Jeremia 44:7

Doleske penell o baro Devel, ko ray pral o bolepen oun i phoub, kay o Israeleskro Devel hi: Hoske krenn t'mer savo čilačepen ap t'mende kokres? Kamenn t'mer, te merenn t'mare menshe vin: morsha oun djouvya, čave oun ternepen? Oun či ačell pral t'mendar, kay van dran o them Youda?

Jeremia 44:8

T'mer rhoyrenn man koleha, hoy krenn kote an o them Egiptia, kay djan, te djivenn koy. T'mer rhačrenn soungepaskro koova vavar deblenge. Kamenn t'mer halauter te merell? Kamenn, te praasenn t'men i menshe dran i tsele vavar themma oun san pral t'mende?

Jeremia 6:11

Tiri rholi pral lende rhačell ninna an mande. Me nay rikrau lat gar pale. Koy penas o baro Devel ap mande: Palle čore miri rholi pral lende vin: pral kol čavende ap o drom, oun pral kol terne morshende. Yon lauter, morsha oun djouvya, ninna kol phoure oun an-dikle, venn pandles krik anlo.

Jeremia 9:21

O baro Devel penell: Kol moule menshe ačenn čiddo har foul ap i harhetikri phoub, har o djob, hoy činlo vas, oun čiddo ačas pal o činepaskro, oun kek las les khetne.

Ezekiel 11:1

Oun o dourho hadas man pre oun anas man glan o baro Debleskro kheer, pash ko baro voudar, hoy kote hi, kay o kham pre djala. Oun glan ko baro voudar his 25 (biish-te-panč) morsha. Oun me dikom mashkral lende o Yazania, koleskro dad o Assour his, oun o Pelatya, koleskro dad o Benaya his. Kolla his pralstoune pral i menshende.

Ezekiel 9:4

oun penas ap leste: An o foro Yerusalem hi gomme menshe, kolengro dji rovell oun dell gole pral kava boud djoungelo koova, hoy kate kerdo vell. Dja an o tselo foro trouyel, oun kre i sikepen glan ap kolengre sherya.

Ezekiel 9:5

Ap kol vavar morshende penas lo yaake, te shounom kova: Djan pal leste an o foro oun denn hakenes moulo. Dikenn kek kamlepah ap lende! Kek hounte khaytell t'men!

Amos 3:2

Mank i tsele natsyone ap kay phoub han t'mer kokres kolla, kolen mange vin rodom, oun ap lende yak dom. Doleske hi t'mari doosh yaake baro, oun me hounte dap t'men i phagi.

Louka 12:47

Ko boudepaskro, kay djinella, hoy peskro ray lestar kamella, oun krell kova gar, kova lell boud dava.

5. Mose 2:34

Palle lam leskre tsele forya dren, oun dam hakenes moulo: morsha oun djouvya oun čave, kek lendar ačas djido.

5. Mose 3:6

Oun mer dam hakenes moulo, kay kote djivell: morsha oun djouvya oun čave, yaake har les ninna o baro rayeha Sihon an Heshbon kram.

5. Mose 32:23

Pale te pale anau me bibarht pral lende; me dau mire tsele fayle karye an lende.

2. Timoteo 2:19

Ninna te hi save menshe koy, kay rakrenn rhorhepen, djinah mer: Kova, hoy o Devel kras, nashte krell kek paash. Kova hi har i bar, hoy zoreles tardo hi. Kek nay vitsrell les trouyel. Ap leste hi činlo: O ray prindjrella kolen, kay leskre hi. Oun ninna hi činlo: Koon o rayes an-mangella, hounte moukell o čilačo drom.

Debleskro tsiro 14:4

Kolengro djipen hi djoudjo. An kek tsireske van le khetne i djouvyah. Oun yon djan o terno bakreske palla, kay yob ninna djala. Dran i menshende ap kay phoub las yob len khetne peske oun o Debleske.

Debleskro tsiro 7:3

Oun yob penas ap lende: “Ma doukrenn i phoub oun o baro pani, vitar gar i rouka, yaake rah har mer kram gar i sikepen glan ap i shere kolendar, kay maro Debleske boudran.”

Debleskro tsiro 9:4

Oun lenge vas penlo, te doukrenn le gar o zenlepen ap i phoub, vitar gar i rouka. Yon hounte doukrenn kol menshen kokres, kay kek Debleskro sikepen glan ap lengre shere hi.

1. Samuel 15:3

Doleske dja kanna an o kourepen oun koure tout i Amalekarya, oun de len halauter moulo: morsha oun djouvya, čave oun ternepen, groumya oun bakre, khamele oun bourike.”