Ezekiel 9:4 - O Debleskro Lab 2024 (Sinte-Manouche)

⁴ oun penas ap leste: An o foro Yerusalem hi gomme menshe, kolengro dji rovell oun dell gole pral kava boud djoungelo koova, hoy kate kerdo vell. Dja an o tselo foro trouyel, oun kre i sikepen glan ap kolengre sherya.

O Debleskro Drom 2021 (Sinte)

⁴ un penas ap leste: An o foro Jerusalem hi gomme menshe, kolengro dji rowell un dell gole pral kau bud djungelo koowa, hoi kate kerdo well. Dja an o tselo foro trujel, un kre i sikepen glan ap kolengre sherja.

Ezekiel 9:4 ပူးပေါင်းရင်းမြစ်များ

1. Mose 4:15

Koy penas o baro Devel: “Na-a! Hakeno, koon o Kaynes moulo della, koleskre menshendar venn efta menshe moulo dino.” Oun o baro Devel kras i sikepen glan ap leskro shero, te djinell hakeno, koon hatsell les, te nay marell lo les gar.

2. Rajengro liil 22:13

“Djan koy oun poučenn o baro Debles mange oun i menshenge an o them Youda, pral kol laba an ko liil, hoy hatslo vas. Mare phoure shounan gar ap kol laba, hoy kote tardo hi, oun djivan gar yaake, har kote tele činlo hi. Doleske hi o baro Debleskri rholi bares ap mende čiddo.”

Debleskri gili 119:136

Rovau boud sva pral kolende, kay moukenn tiro drom.

Debleskri gili 119:53

I rholi taprell man, te dikau, har i čilače moukan tiro drom.

2. Mose 12:13

O rat ap i khera sikrell mande, kay t'mer han. Oun dikau me o rat, djau me doureder, te djal t'menge či. Oun ko merepen, hoy anau ap o them Egiptia, vell gar ap t'mende.

2. Mose 12:23

Oun o baro Devel djala mashkral o them, te dell lo i Egiptarya temerl. Te dikell lo o rat pral ap o voudar oun ap kol douy kashta, hoy čačes oun serves pash o voudar hi, palle djal yob doureder oun moukell koles, kay anell o merepen, gar pash t'mende dren te djal, te dell lo yekes t'mendar temerl.

2. Mose 12:7

Palle lenn le ko rat oun makenn les ap kol kashta, hoy čačes oun serves pash o voudar hi, oun pral o voudar ninna, an ko kheer, kay rhan le o bakro.

Jesaja 57:15

Me, o pralstouno, kay hadedo hom, oun hako tsiro djivau, oun kokres o čačo Devel hom, penau: Me djivau an o pralstunepen an miro bolepaskro kheer, oun ninna pash o mensheste, kay i phagedo oun tele-rikedo dji an leste hi, te dap pale zoor koleste, kay tele rikedo hi, oun moukap koles pre te djivell, koleskro dji phagedo hi.

Jeremia 13:17

Te kamenn t'mer kova gar te shounell, hounte rovap čorrhanes pral t'mare pre-phourde djia. O Debleskre menshe venna pandles krik anlo. Oun mire sva herenn gar pre te nashell.

Ezekiel 21:6

Oun o baro Devel penas ap mande:

Ezekiel 6:11

Oun o baro Devel, miro ray, penas ap mande: De an tire vasta oun stake tire heryentsa zoreles pre, oun de vin gole: Havi bibarht vell pral i menshende Israel dran ko boud djoungelo koova, hoy yon kran! O rhareha oun i bokatar oun ap i pharo nasslepen hounte merenn le.

Ezekiel 9:5

Ap kol vavar morshende penas lo yaake, te shounom kova: Djan pal leste an o foro oun denn hakenes moulo. Dikenn kek kamlepah ap lende! Kek hounte khaytell t'men!

Ezekiel 9:6

Denn i phouren moulo, oun i terne morshen oun i terne čen, ninna i čaven oun i djouvyen! Ma taprenn yekeske an, koles ko sikepen glan ap peskro shero hi! Djan glanstounes pash miro kheer, oun foun kotar doureder. Yaake kran le, oun maran glanstounes kol pralstunen, kay glan o baro Debleskro kheer tardo his.

Amos 6:6

Mool piyenn t'mer dran khore, oun makenn t'men dren o feteder djeteha. Oun t'men hi gar ropaske pral o kheer Yosef, hoy paash dino vell.

Zefanja 1:12

An ko tsiro vella yaake, kay lau i momeli oun rodau an o foro Yerusalem lauter kolen, kay djivenn i shoukar djipen oun djinenn kek daar, oun kay penenn an pengre djia: O baro Devel krell menge či, kek lačepen, vitar kek čilačepen.

Zefanja 3:18

har ap i baro dives, kay givenn le i barhtyatar. Me lau i bibarht t'mendar krik, penell o baro Devel. T'mer hounte hidjrenn bouder kek ladj ap t'mende.

Maleachi 3:16

Koy rakran kolla mank pende, kay djivenn o baro Debleha. Oun o baro Devel das yak ap lengre laba oun shounas, hoy le penenn, oun moukas len an i liil dren te činell, te venn le gar bistedo. An kava liil hi kolla dren tardo, kay djivan leha, oun hadan leskro lab.

2. Korintarja 1:22

oun das men peskro Dourho. Ko Dourho, hoy an mende hi, sikrell men, kay ham leskro. Doleske djinah, yob dell men gomme boud bareder lačo koova an ko tsiro, hoy vella.

2. Korintarja 12:21

Me trashau te ladjap man t'menge glan o Debleste ap ko dives, kay vau pale pash t'mende, oun te vell mange ropaske pral boudende, kay kamenn pengro phouro djipen gar pre te dell, oun djivenn an djoungelo oun vi-ladjedo koova oun loubrenn pen trouyel yaake har kran le an ko tsiro, har yon gomme gar patslo his.

Galatarja 6:17

Ma krenn mange bouder kek douka! Man hi boud činepen ap mande, hoy sikrenna, kay vom o Yezouseske dino.

Efesarja 4:30

Te krenn t'mer i čilačo koova, palle doukrenn o Debleskro Dourho an t'mare djia. O Devel das les t'mende, te sikrell lo, kay leskro han ap ko dives, kay lell lo t'men dran o tselo čilačepen vin.

2. Timoteo 2:19

Ninna te hi save menshe koy, kay rakrenn rhorhepen, djinah mer: Kova, hoy o Devel kras, nashte krell kek paash. Kova hi har i bar, hoy zoreles tardo hi. Kek nay vitsrell les trouyel. Ap leste hi činlo: O ray prindjrella kolen, kay leskre hi. Oun ninna hi činlo: Koon o rayes an-mangella, hounte moukell o čilačo drom.

Debleskro tsiro 14:1

Oun me dikom ko terno bakres ap i berga Sion tardo. Oun leha his yek-sheel-te-star-deesh-te-star zerya (144.000) menshe. Kolen hi o Yezouseskro lab oun o lab leskro dadestar glan ap lengre shere činlo.

Debleskro tsiro 20:4

Oun me dikom kolen, kolenge o shero tele dino vas doleske, kay rikran le zoreles ap o Debleskro lab oun sikran i menshende o Yezouseskro drom. Yon mangan gar ko firhes an, vitar gar ko firhes, hoy i menshendar kerdo vas. Oun yon lan gar o firheskro lab ap pengre shere, vitar gar ap pengre vasta. Kalla lauter van kanna djido. Yon hi beshdo ap i rayengre beshepangre, oun lenn i zoor, te rakrenn le o čačepen vin pral i menshende. Khetne o Yezous Kristeha hi le raya yek zero bersh.

Debleskro tsiro 9:4

Oun lenge vas penlo, te doukrenn le gar o zenlepen ap i phoub, vitar gar i rouka. Yon hounte doukrenn kol menshen kokres, kay kek Debleskro sikepen glan ap lengre shere hi.