Ezekiel 9:1 - O Debleskro Lab 2024 (Sinte-Manouche)

¹ Oun me shounom, har das o baro Devel zoreles gole, oun penas: Mou venn le, kolla, kay denn o foro peskri phagi! Hakeno lendar te lell peskro kourepaskro kasht an o vast!

O Debleskro Drom 2021 (Sinte)

¹ Un me shunom, har das o baro Dewel soreles gole, un penas: Mu wenn le, kolla, kai denn o foro peskri phagi! Hakeno lendar te lell peskro kurepaskro kasht an o wast!

Ezekiel 9:1 ပူးပေါင်းရင်းမြစ်များ

2. Rajengro liil 10:24

Vin glan o kheer čivas o Yehou 80 (orhta-deesh) morshen, oun penas lenge: “Denn yak, te nashell kek kal morshendar krik, kay dom an t'mare vasta! Te nashell yek lendar peske, vell kova t'mendar moulo dino, kay moukas les te nashell.” Oun o Yehou oun o Yonadab van dren, te marenn le firhen o debleske Baal, save firhe, kay rhan le khetne oun save, hoy venn tseles rhačedo.

1. Familjakro liil 21:15

Oun o Devel bičras ko bolepaskres an o foro Yerusalem, te marell lo len an o foro. Har vas ko nasslepen koy, khaytas o baro Debles koy bibarht. Oun yob penas ap ko bolepaskro, kay anas o merepen pral i menshende: “Kanna hi doha! Le tiro vast lendar krik!” O Debleskro bolepaskro his tardo ap koy djobeskri platsa o morshestar Arauna. Kova his i Yebousari.

2. Mose 12:23

Oun o baro Devel djala mashkral o them, te dell lo i Egiptarya temerl. Te dikell lo o rat pral ap o voudar oun ap kol douy kashta, hoy čačes oun serves pash o voudar hi, palle djal yob doureder oun moukell koles, kay anell o merepen, gar pash t'mende dren te djal, te dell lo yekes t'mendar temerl.

Jesaja 6:8

Oun me shounom, har o baro Devel, maro ray poučas: “Kones bičrap, oun koon rakrell mange?” Kote penom me: “Kate hom, biče man!”

Jeremia 4:6

Čivenn i sikepen pre ap o drom, hoy sikrell o drom an Sion! Nashenn oun ačenn gar tardo, me anau bari bibarht oun baro ropen, hoy vell kotar, kay norden hi.

Ezekiel 43:3

Oun kova, hoy me dikom an kay visiona his har kova, hoy dikom, har homs pash o lengsto pani Kebar, oun ninna har kova, hoy dikom, har vas o Devel an o foro Yerusalem, te dell lo o foro paash. Oun me moukom man ap i phoub te perell glan leste.

Debleskro tsiro 14:7

Oun yob das bari gole: “Darenn o Deblestar oun sharenn les! Ko tsiro hi kanna kay, kay yob o čačepen pral i tsele menshende vi-rakrella. Vitsrenn t'men tele glan koleste, kay kras o bolepen oun i phoub, oun o baro pani, oun mangenn les an!”