Ezekiel 8:10 - O Debleskro Lab 2024 (Sinte-Manouche)

¹⁰ Oun me djom dren an i isema oun dikom boud djoungele figure an i massurya dren dino: sapa oun vavar djoungele firhe, kolen i menshe dran o kheer Israel an-mangenn.

O Debleskro Drom 2021 (Sinte)

¹⁰ Un me djom dren an i isema un dikom bud djungele figure an i massurja dren dino: sapa un wawar djungele vieche, kolen i menshe dran o kheer Israel an-mangenn.

Ezekiel 8:10 ပူးပေါင်းရင်းမြစ်များ

2. Mose 20:4

Oun tou kress touke kek devel, hoy vi-dikell har čomone an o bolepen, vitar gar har čomone ap i phoub oun vitar gar har čomone an o baro pani.

Jesaja 44:13

Oun ko boudepaskro, kay o kashteha boudrell, lell i kotar kasht, dikell pal, har baro kova hi, oun činell glan, hoy lo i čouryeha palle vin činell. Oun yob krell dran ko kasht i figura, te vell li tardo an i kheer. Koy figura dikell vin har i mensho, ava, har i shoukar mensho.

Jeremia 16:18

Yon lenn mandar pengri tseli phagi lengri doshake oun ko čilačepaske, hoy yon kran. Me moukau lenge či. Yon kran miro them pengre moule deblentsa pale-čiddo. Ko them, hoy mange vin rodom, hi pherdo ko koveha, hoy djoungelo glan mire yaka hi.

Jeremia 3:9

Oun lakro vi-ladjedo koveha kras yoy o them pale-čiddo. Kasht oun barra mangell li an.

Jeremia 44:21

Ma patsenn, kay djinas o baro Devel gar, hoy kran an i forya o themestar Youda oun an i dromma o forestar Yerusalem, t'mer oun t'mare phoure, t'mare bare raya, pralstoune oun i tsele menshe an o them! Kova djas o baro Debleske an o dji,

Jeremia 44:4

Oun me bičrom lenge pale te pale mire rakepangre, kay mange boudran, oun moukom lenge te penell: “Ma krenn sau djoungelo koova, kay man zoryah rhoyrenna!”

Ezekiel 11:12

Oun t'mer dikenn oun hayvenn, te hom me o baro Devel. T'mer kran gar kova, hoy t'mendar kamom. Oun rikran gar ap mire čačepaskre laba. Na-a, t'mer djivan pal i čačepangre laba kol menshendar, kay an i themma troul t'mende djivenna.

Ezekiel 23:14

Oun kova his lake gar doha. Yoy dikas lole bilte ap i massouri, hoy sikran morshen dran Babilonia.

Ezekiel 8:11

Glan kol figure his 70 (efta-deesh) phoureder dran o kheer Israel tardo, mank lende o Yazania, koleskro dad o Shafan his. Oun hakeno lendar his i čaro an o vast, kay soungepaskro koova dren hi. Oun dran kova hadas pes i tampa pre.

Ezekiel 8:9

Oun yob penas ap mande: Dja koy dren, oun dik ko tselo čilačo djoungelo koova, hoy yon kate krenn.

Remarja 1:23

O baro Debles, kay hako tsiro ačella, sharan le gar. Na-a, yon mangan kol morshen oun djouvyen an, kay merenna. Ninna vavar koova, har i čirkle, i star-heryengre firhe oun i sapa mangan le an.

5. Mose 14:3

Tou rhas či, hoy glan o baro Debleskre yaka pale-čiddo hi.

5. Mose 4:16

Doleske krenn t'menge kek figura, hoy an-mangenn! Kova vals i čilačo koova glan o Debleskre yaka, te krans t'mer t'menge i devel, hoy vin dikell har i morsh, i djouvel,

5. Mose 4:18

i tikno firho, hoy djal pral i phoub, oder i mačo an o pani.

5. Mose 4:23

Kanna denn t'men yak, te bistrenn gar, hoy t'maro baro Devel t'mentsa vin kras! Ma krenn t'menge i figura čomonestar, hoy mangenn an, har te vals i devel. T'maro baro Devel penas t'menge zoreles, te krenn kova gar.

5. Mose 4:25

Te djivan t'mer an o them boud bersha oun t'men hi čave oun čavengre čave kote, ma krenn t'menge i debleskri figura čomonestar! Kova vals čilačo glan i yaka o baro Deblestar. Te krenn t'mer savo djoungelo koova, krenn t'mer les rhoyedo.