Ezekiel 7:24 - O Debleskro Lab 2024 (Sinte-Manouche)

²⁴ Doleske moukau lourden dran čilače natsyone pral o Israel te vell, te lenn le lengre khera penge dren. Oun kol raya, kay rikran i čorvelen zoryah tele, lenge krau o pre-phourdepen paash. Oun kol platse, kay mangan le pengre deblen an, moukau pale-čiddo te krell.

O Debleskro Drom 2021 (Sinte)

²⁴ Doleske mukau lurden dran tchilatche natsjone pral o Israel te well, te lenn le lengre khera penge dren. Un kol raja, kai rikran i tchorwelen sorjah tele, lenge krau o pre-phurdepen paash. Un kol platse, kai mangan le pengre deblen an, mukau pale-tchiddo te krell.

Ezekiel 7:24 ပူးပေါင်းရင်းမြစ်များ

1. Mose 47:26

Yaake rakras o Yosef i lab, hoy hounte rikrenn le: I tsele menshen an o them Egiptia hounte denn o pančto kotar o baro rayeste. O rashayengro them las o baro ray gar. Yaake hi kova gomme kava dives.

Debleskri gili 106:41

Yob das len an o vast i menshendar an vavar themma, te venn kolla ray pral lende, kay dikan čilače yakentsa ap lende.

Debleskri gili 74:7

Tiro raylo kheer rhačran le tele. Ko kheer, kay tou khere hals, kran le pale-čiddo,

Debleskri gili 83:12

Kre lengre pralstunenge har kral kol morshentsa o Oreb oun o Seeb. Ap lengre tsele rayende kre yaake har kral ap o Zeba oun o Zalmunna.

Jesaja 5:14

O moulengro them bokell pal lende oun kras peskro mouy dour pre, oun peskri meen yaake dour har djal, oun rhal i bravelen oun kol vavaren, kay i barhtyatar gole dan oun khelan.

Jeremia 12:12

Pral ko nango pralstouno them venn kol kourepangre, kay denn lauter khetne. O baro Devel anas len kay, te kourenn le pen i menshentsa an o tselo them, yek rigyatar bis ap i vavar. Oun kek nay nashell peske lendar.

Jeremia 17:4

Oun t'mer hounte djan dran kava them, hoy dom t'men hako tsireske. Oun me krau, te venn t'mer boudepangre kolenge, kay rikrenn t'men tele an i them, kay prindjrenn gar. Miri rholi hi har i yag, hoy gar bouder vin djala.

Jeremia 4:7

I marepaskro, hoy marell i menshen an boud themma, stas pre. Har i levo, hoy vell dran o veesh, kras lo pes ap o drom, te dell yob t'maro them paash oun rhačrell t'mare forya yaake, kay nay djivell kek koy dren.

Jeremia 6:12

Lengre khera lenn kol vavar, ninna lengre themma oun lengre djouvyen. Me hadau miro vast, te marap kolen, kay djivenn an kava them, penell o baro Devel.

Ropaskre gilja 5:2

Ko them, hoy men dal, hi an i vavarengro vast. Oun an mare khera djivenn vi-themarya.

Ezekiel 21:2

Tou, mensho, dik kote, kay o kham pralstounes tardo hi. De o them trad, hoy kote hi! Oun pen ap o veesh an o them Negev, hoy ap leste vella.

Ezekiel 21:31

Me, o baro Devel, tiro ray, penau touke: Krik ko dikleha troul tiro shero! Le i rayeskri stadi tele! Či ačell har his. Kova, kay pral his, vell tele. Oun kova, kay tele his, vell pral!

Ezekiel 24:21

Kava penell o baro Devel, maro ray: Djinau, t'menge hi miro kheer o kamleder koova. Oun t'maro dji nashell pal leste. T'mer han pre-phourdo oun patsenn, kolenge, kay kote hi, nay djal kek čilačepen. Čačepah, me dau miro kheer kolenge an o vast, kay krenn les pale-čiddo. Oun t'mare morsh čave oun ča, kolen t'mer kote an Yerusalem pale moukan, kolla venn o rhareha moulo dino.

Ezekiel 28:7

doleske bičrau vi-themarya, kay djan ap toute pre, – zorele lourden dran boud themma, kay zilah ap vavarende djan. Lengre rharentsa krenn le ko raylo oun shoukar koova paash, hoy tiro gosvepah touke khetne anal.

Ezekiel 33:28

Oun me krau o them, te vell lo i vi-meredo them, te nay venn t'mer bouder gar pre-phourdo oun zorelo. I berge an Israel venn i moulo them, kay bouder kek pral vergel djal.

Zefanja 1:13

Lengro bravlepen vell randedo, oun lengre khera khetne dino. Yon krenn penge khera oun djivenn gar koy dren, oun čivenn drakengre rouka an i phoub, oun piyenn kek mool kolendar.