Ezekiel 7:21 - O Debleskro Lab 2024 (Sinte-Manouche)

²¹ Oun me dau kova an o vast kolendar, kay venn dran vavar themma. Kol čilače ap kay phoub randenn les, oun krenn, te nay venn kol figure bouder gar an-mangedo.

O Debleskro Drom 2021 (Sinte)

²¹ Un me dau kowa an o wast kolendar, kai wenn dran wawar themma. Kol tchilatche ap kai phub randenn les, un krenn, te nai wenn kol figure buder gar an-mangedo.

Ezekiel 7:21 ပူးပေါင်းရင်းမြစ်များ

2. Rajengro liil 24:13

Oun yob las peske o tselo bravlepen, hoy his an o baro Debleskro kheer oun an o rayeskro kheer. Oun kol tsele sonakangre koola, hoy moukas o Israeleskro ray, o Salomo, te krell o baro Debleskro khereske, kova moukas o Neboukadnezar khetne te dell. Lauter vas yaake, har o baro Devel les penas.

2. Rajengro liil 25:9

Oun yob rhačras o baro Debleskro kheer tele, ninna ko kheer o baro rayestar oun kol vavar khera an o foro Yerusalem; ava, hako baro kheer rhačras lo tele.

Debleskri gili 109:11

Kova, kay leske love patsas, kova lell lestar lauter, hoy les hi. Menshe, kay gar lestar hi, lenn lauter, koleske yob boudras.

Debleskri gili 79:1

I gili, hoy o Asaf kras. Maro Devel, menshe dran vavar themma peran an tiro them dren; tiro kheer, hoy touke kokres his, kran le pale-čiddo. Oun o foro Yerusalem dan le paash.

Jeremia 19:13

Oun kol khera an Yerusalem oun kol khera kol bare rayendar an o them Youda, kolla venn ninna pale-čiddo har koy platsa Tofet, – i tsele khera, kay yon pral pre i tsele bolepangre momelenge soungepaskro koova rhačran oun i vavar rhorhene deblenge mool vin čoran.

Ezekiel 31:12

Lourde dran vavar themma, kolen kek dji leske hi, van oun dan les trouyel, oun moukan les čiddo. Ap i berge oun an i tale peran leskre kashta. Ninna pash i tsele tikne panya an o them his lauter phagede kashta lestar čiddo. Oun i tsele menshe dran vavar themma, kay nay khatran pen bouder gar glan o kham tel leste, moukan les čiddo oun djan penge.