Ezekiel 7:19 - O Debleskro Lab 2024 (Sinte-Manouche)

¹⁹ Lengro roup vitsrenn le ap o drom, oun lengro sonakay hi lenge har čik. Lengro roup oun lengro sonakay nay lell len gar dran o merepen vin, ap ko dives, kay i rholi o baro Deblestar pral lende vell. Lengro roup oun sonakay vas či-moldo. Yon nay rhan les gar, oun nay krenn gar pengro per lestar pherdo. Lengro bravlepen his kova, hoy anas len yaake dour, te peran le o baro Debleskro dromestar tele.

O Debleskro Drom 2021 (Sinte)

¹⁹ Lengro rup witsrenn le ap o drom, un lengro sonakai hi lenge har tchik. Lengro rup un lengro sonakai nai lell len gar dran o merepen win, ap ko diwes, kai i choli o baro Deblestar pral lende well. Lengro rup un sonakai was tchi-moldo. Jon nai chan les gar, un nai krenn gar pengro per lestar pherdo. Lengro brawlepen his kowa, hoi anas len jaake dur, te peran le o baro Debleskro dromestar tele.

Ezekiel 7:19 ပူးပေါင်းရင်းမြစ်များ

2. Rajengro liil 7:15

Oun yon djan lenge palla bis pash o pani Yordan, oun dikan, kay ap o drom ripya oun vavar koova čiddo hi, kay kol Syrarya an o sikepen krik vitsran. Oun har kol bičepangre pale van oun kova o baro rayeske penan,

Gosewe laba 10:2

Čoredo bravlepen hi čičeske. O čačepen lell tout dran o merepen vin.

Gosewe laba 11:4

O bravlepen hi i bravelenge či moldo ap ko dives, kay o Debleskri rholi pral i menshende vell. Kol menshe, kay an o čačepen tardo hi, venn vin lino dran o merepen.

Sikepaskro 5:10

Kote kay boud bravlepen hi, kote hi ninna boud, kay rhan o bravlepen pre; oun koles, kay kova lauter hi, leske ačell či, har te dikell lo les an!

Jesaja 2:20

Oun kol roupene oun sonakangre figure, hoy i menshe pen kran, te mangenn le len an, kolen vitsrenn le i kermusenge oun i fledertikre kermusenge koy.

Jesaja 30:22

Palle dikenn t'mer ap t'mare roupene oun sonakangre figure har ap čomone, hoy pale-čiddo hi. Krik kolentsa penenn t'mer oun vitsrenn len krik har čik.

Jesaja 55:2

Hoske denn love koleske, hoy kek maro hi? Hoske denn t'mer kova, hoy t'mer t'mari phari boudjake lan, čomoneske vin, hoy gar čalo krell? Shounenn ap mande, palle vell t'men lačo koova te rhal, oun nay rhan t'men čalo ap i feteder rhapen.

Ropaskre gilja 4:1

Har vas o sonakay yaake kalo, oun o lačo sonakay yaake djoungelo! Har nay van i kouč barra trouyel čiddo ap i dromma!

Ezekiel 13:5

Yon čivan pen gar pre an koy rheb, kay i barra vin phagedo van, oun kran kek massouri troul o kheer Israel, te ačans le zoreles tardo an o kourepen ap ko dives, kay o baro Devel o čačepen vin krell pral lende.

Ezekiel 14:7

Hako Israelitari, oun hako vi-themari pash t'mende, kay mange o doumo sikrell, oun peskro dji i rhorhene deblenge pre krell, oun len glan peste čivell, kolen, kay anenn les ap o čilačo drom, oun vell palle pash miro rakepaskro, te poučell lo mandar čomone, koleha rakrau me, o baro Devel, kokres.

Ezekiel 30:3

Ko dives vell sik, ko dives, kay o baro Debleskri rholi vella. Kalo har i rati hi ko dives, i tsiro, kay bibarht vell pral i themma.

Ezekiel 44:12

Bis kava dives anan le firhen lenge glan lengre rhorhene deblende, oun kran yaake, te peran i Israelitarya miro dromestar tele. Doleske hadom miro vast oun dom man sovel, te dap len pengri phagi. Kava penell o baro Devel, maro ray.

Zefanja 1:18

Lengro roup oun sonakay nay lell len gar vin dran koy bibarht ap ko dives, kay o baro Debleskri rholi pral lende vella. Leskri bari rholi vell har i yag pral o tselo them oun krell halauter paash. Sik vell o merepen pral halauter, kay kote djivenn.

Zefanja 1:3

i menshen, i firhen, i čirklen oun i mače. Me lau i čilačen krik i phoubyatar, oun khetne lentsa lauter, hoy kras, te peran le mandar tele. Ava, kek mensho ačell djido ap kay phoub. Kova penell o baro Devel.

Mateo 16:26

I mensheske vals kova gar mishto, te lals lo o tselo bravlepen ap kay phoub, oun nashrals o djipen. I mensho nay dell či o Debleste, te lell lo ko djipen pale.

Remarja 11:9

Oun o baro ray David penas lendar: Yon rhačrenn firhen o Debleske oun patsenn, te dikell o Devel lačes ap lende. Yaake hi kova gar. O Devel dikell gar lačes ap lende. Na-a. Vell o dives, kay lenn le pengri phagi.