Ezekiel 7:11 - O Debleskro Lab 2024 (Sinte-Manouche)

¹¹ Kolla, kay djan čilačes i vavarentsa trouyel, van čilače raya. Či ačell lendar pral. Lengro bravlepen ačell gar, vitar gar lengro raylepen oun an-dikepen.

O Debleskro Drom 2021 (Sinte)

¹¹ Kolla, kai djan tchilatches i wawarentsa trujel, wan tchilatche raja. Tchi atchell lendar pral. Lengro brawlepen atchell gar, witar gar lengro railepen un an-dikepen.

Ezekiel 7:11 ပူးပေါင်းရင်းမြစ်များ

Debleskri gili 125:3

I čilače ačenn gar i raya pral o them kolendar, kay an o čačepen tardo hi. Te vals yaake, nay krans kolla ninna o čilačepen.

Debleskri gili 73:8

Lenge hi či moldo. Yon rakrenn pral lauter čilačes. Bare labentsa rikrenn le i menshen tele.

Debleskri gili 78:64

I rashaya van maredo o rhareha, oun lengre romya nay rovan gar pral pengre moule romende.

Jesaja 14:29

T'mer menshe an o them Filistia, ma avenn barhtelo, te vas o kasht, koleha dino van, kanna phagedo. Te merell i sap, vell i djoungleder sap pal leste. Oun lestar vell i vavar sap, hoy hi gomme djoungleder oun nay hadell pes har i čirklo.

Jesaja 5:7

O kheer Israel hi o drakengro them o baro Deblestar, ko rayestar pral o bolepen oun i phoub. Oun i morsha an o them Youda hi kol drakengre rouka, hoy yob an i phoub čivas oun pral kolende yob barhtelo his. Ap lende dikas lo, te anenn le o lačepen glan. Oun hoy vas, his čilačepen. Yon te dans hakenes peskro čačepen, oun kran, hoy his či har čilačepen.

Jesaja 9:4

I lourdengre kirrha, kolentsa i lourde phares pre stakran oun lengre baya, kay rat ap lende hi, venn an i yag vitsedo oun rhačrenn pre.

Jeremia 22:18

Doleske penell o baro Devel pral o Yoyakim, ko baro rayeste pral o them Youda, koleskro dad o Yosia his: Te merell yob, rovenn le gar pral leste. Kek penell: Mo phraal, mo pheen, hoske hounte meras lo? Vitar gar penenn le: Maro ray, i pralstouno, hounte meras!

Jeremia 25:33

Ap ko dives marell o baro Devel menshen ap i tseli phoub yek rigyatar ap i vavar. Oun i moule menshe hi koy čiddo, oun kek rovell pral lende, hadell len pre oun paskrell len. Yon ačenn čiddo har foul ap i phoub.

Jeremia 6:7

Yaake har dran i brounna o pani vella, yaake vell dran o foro o čilačepen. I gole kolendar, kay venn zoryah tele rikedo oun doukedo, shounau. Menshe lenn glan mande dava oun venn maredo.

Jeremia 7:34

Oun o them Youda vell i moulo them. An lengre forya oun ap kol dromma an Yerusalem givell oun sal kek bouder i barhtyatar. Oun koy barhteli gole o pirnestar oun i pirnyatar shounah mer bouder gar.”

Ezekiel 45:9

Kava penell o baro Devel, maro ray: Kanna hi doha! T'mer raya pral o Israel, herenn pre, te rikrenn i menshen i zoryah tele! Doukrenn len bouder gar! Krenn, hoy mishto oun čačo hi! Moukenn tele, te tradenn mire menshen dran pengre khera vin! Kava penell o baro Devel, maro ray.

Ezekiel 5:11

T'mer kran miro kheer pale-čiddo kol rhorhene deblentsa oun djoungelo koveha, hoy kote kran, penau me, o baro Devel, t'maro ray. Doleske dau man sovel, me o djido Devel, te dap t'men paash. T'mer khaytenn man bouder gar oun me krau miro dji bouder gar t'menge pre.

Ezekiel 5:4

Oun kolendar less triin-star kotar oun vitse len an i yag oun rhače len pre! Foun kolendar djal i yag vin oun vell pral o tselo kheer Israel.

Ezekiel 6:11

Oun o baro Devel, miro ray, penas ap mande: De an tire vasta oun stake tire heryentsa zoreles pre, oun de vin gole: Havi bibarht vell pral i menshende Israel dran ko boud djoungelo koova, hoy yon kran! O rhareha oun i bokatar oun ap i pharo nasslepen hounte merenn le.

Ezekiel 7:16

Oun kolla, kay nay nashenn penge, djivenn ap i berge har darene taube mank i bare barra, oun rovenn pral pengri doosh.

Ezekiel 7:2

Tou, mensho, kava hi, hoy penau me, o baro Devel t'maro ray ap o them Israel. Hi doha! O tsiro hi koy, kay djal o tselo them Israel tele.

Ezekiel 7:23

Kre i shello! O tselo them hi pherdo kolendar, kay lan rateskri doosh ap pende. Oun o foro hi pherdo kolentsa, kay rikran i vavaren i zoryah tele.

Ezekiel 8:17

Oun yob penas ap mande: Tou mensho, dikal tou kava? Hi i menshenge dran o kheer Youda gar doha, te krenn le ko tselo djoungelo koova kate? O tselo them kran le pherdo čilačepen. Hounte rhoyrenn le man pale te pale? Dik, har rikrenn le penge zenele patria glan pengre naka!

Amos 3:10

Yon dikenn gar ap o čačepen, penell o baro Devel. Yon lenn penge bravlepen khetne an pengre khera, hoy čoran le oun lan le zoryah i vavarendar krik.

Amos 6:3

T'mer patsenn, kay hi o čilačo dives dour krik t'mendar. Djinenn: Kova, hoy krenn, moukell ko dives sikeder te vell, kay čilače raya pral t'mende venn.

Micha 2:2

Kamenn le yekeskro kotar phoub, randenn le les, oun lenn penge khera vavar menshendar, har yon kamenna. Čilači zoryah djan le ap yekeste, oun lenn penge leskro kheer oun kova, hoy les peskro dadestar vas.

Micha 6:12

I bravele an o foro lenn i čorvelen vin, oun rikrenn len tele. Oun t'mer halauter an o foro han rhorhene oun rakrenn rhorhepen.

Zefanja 1:18

Lengro roup oun sonakay nay lell len gar vin dran koy bibarht ap ko dives, kay o baro Debleskri rholi pral lende vella. Leskri bari rholi vell har i yag pral o tselo them oun krell halauter paash. Sik vell o merepen pral halauter, kay kote djivenn.

Jakobo 2:13

Ma bistrenn! Vell yek dives, kay rakrell o Devel o čačepen vin pral t'mende. Te hi yekes kek dji i vavareske, koleske hi o Debles vitar kek dji. Kones hi i dji i vavarenge, koles hounte vell kek daar ap ko dives, kay rakrell o Devel o čačepen pral i menshende vin.