Ezekiel 6:7 - O Debleskro Lab 2024 (Sinte-Manouche)

⁷ Oun kolla t'mendar, kay moulo dino venn, ačenn čiddo ap i phoub. Palle dikenn oun hayvenn t'mer, te hom me o baro Devel.

O Debleskro Drom 2021 (Sinte)

⁷ Un kolla tumendar, kai mulo dino wenn, atchenn tchiddo ap i phub. Palle dikenn un haiwenn tumer, te hom me o baro Dewel.

Ezekiel 6:7 ပူးပေါင်းရင်းမြစ်များ

2. Rajengro liil 19:19

Kanna, maro baro Devel, le men vin dran o vast o baro rayestar pral o them Assour, te nay dikenn oun hayvenn i menshe an i tsele themma ap kay phoub, kay tou, baro Devel, kokres o Devel hal.”

2. Mose 14:18

Palle dikenn i Egiptarya, te hom me o baro Devel, te sikrom me miro barepen oun miri zoor ap o Farao, ap leskre vourdya oun leskre kourepangre.”

2. Mose 14:4

Palle pandau me leskro dji, te lell lo len palla. Oun me sikrau miro barepen oun miri zoor ap leste oun ap leskre tsele lourdende. Oun i Egiptarya hayvenn: Me hom o baro Devel.” Oun i Israelitarya kran yaake har o Mose lenge penas.

2. Mose 7:5

Oun kol Egiptarya dikenn oun hayvenn, kay hom me o baro Devel, te hadau me miro vast pral o them Egiptia oun lau i Israelitarya mashkral lende vin.”

Jeremia 14:18

Djau me vin ap o them, dikau me menshen, kay peran an o kourepen. Vau me an o foro, hi koy menshe čiddo, kay meran i bokatar. Ninna Debleskre rakepangre oun rashaya nashenn trouyel an o them, oun djinenn gar, hoy te krenn.

Jeremia 18:21

Kanna mouk lengre čaven merell i bokatar, oun mouk len moulo dino te vell o rhareha, te ačenn lengre djouvyenge kek čave oun romma, te venn lengre morsha tapedo o merepastar, oun lengre terne morsha an o kourepen maredo.

Jeremia 25:33

Ap ko dives marell o baro Devel menshen ap i tseli phoub yek rigyatar ap i vavar. Oun i moule menshe hi koy čiddo, oun kek rovell pral lende, hadell len pre oun paskrell len. Yon ačenn čiddo har foul ap i phoub.

Ropaskre gilja 4:9

Kolenge, kay o rhareha maredo van, djas feteder har kolenge, kay meran i bokatar. Har kek djob bouder bares vas, phagan le khetne i bokatar, bis te meran le.

Ezekiel 11:10

T'mer venn o rhareha moulo dino. Kate an o them Israel dau t'men t'mari phagi. Oun t'mer dikenn oun hayvenn, te hom me o baro Devel.

Ezekiel 11:12

Oun t'mer dikenn oun hayvenn, te hom me o baro Devel. T'mer kran gar kova, hoy t'mendar kamom. Oun rikran gar ap mire čačepaskre laba. Na-a, t'mer djivan pal i čačepangre laba kol menshendar, kay an i themma troul t'mende djivenna.

Ezekiel 12:15

Palle, te tradom len an vavar themma oun mank vavar menshende, dikenn oun hayvenn le, te hom me o baro Devel.

Ezekiel 12:19

Oun pen ap i Israelitarya, kay hi pash toute an kava them: Kava penell o baro Devel, maro ray, pral kolende, kay djivenn an o foro Yerusalem an o them Israel: Boud čilačo koova krenn le: Yek rikrell o vavares tele. Doleske vell ko dives, kay rhan le pengro maro daryah, oun piyenn pengro pani trisslepah i trashatar. Lengro them vell i mouklo them, kay či ačell.

Ezekiel 13:14

Yaake phagau koy massouri tele, hoy t'mer parnes makan. Me moukau lat trouyel te vitsrell, te venn lakre telstoune barra diklo. Te perell li khetne, perenn i barra ap t'mende, oun t'mer merenn. Oun t'mer dikenn oun hayvenn, te hom me o baro Devel.

Ezekiel 13:21

Oun kol dikle, hoy čivan troul t'mare sherya, tserdau krik. Oun lau mire menshen dran t'maro vast vin, te nay taprenn len bouder gar. Palle dikenn oun hayvenn t'mer, te hom me o baro Devel.

Ezekiel 13:23

Doleske krau, te penenn nay bouder gar rhorhepen glan-vi, vitar gar nay dourkrenna! Na-a, me kamau mire menshen dran t'mare vasta vin te lell. Oun t'mer dikenn oun hayvenn palle, te hom me o baro Devel!

Ezekiel 13:9

Miro vast vell pral kol rakepangre, kay penenn glan-vi, hoy gar čačo hi, oun kay dourkrenn rhorhepen, te dap len i phagi. An o tsillo, kay mire menshe khetne venn, nay venn yon gar dren. Oun an o liil, kay i laba i menshendar dran Israel dren činlo hi, venn lengre laba gar dren činlo. Oun an o them Israel venn le gar palpale. Palle dikenn oun hayvenn t'mer, te hom me o baro Devel, t'maro ray.

Ezekiel 14:8

Me dikau čilačes ap leste. Oun ap leste dikenn i menshe, hoy saveha djal, kay savo koova krell, oun yon rakrenn lestar i rah tsiro. Me krau les pale-čiddo hako tsireske, te nay djivell lo bouder gar mank mire menshende. Yaake dikenn oun hayvenn t'mer, te hom me o baro Devel.

Ezekiel 15:7

Me dikau čilačes ap lende, oun dau len pengri phagi: Bis kanna van le dran i yag vin. Kanna vell i yag pral lende, oun rhačrenn len pre. Koy pre dikenn oun hayvenn t'mer, te hom me o baro Devel.

Ezekiel 20:26

Oun har moukan le pengre phoureder morsh čaven i rhorhene deblenge te rhačrell, rakrom pral lende vin: “T'mer han mange pale-čiddo.” Yaake kamom len bari daar te krell, te hayvenn le, te hom me o baro Devel.

Ezekiel 20:38

Kolen, kay mantsa phagan oun mandar tele peran, čivau ap i rig. Ninna te lau len vin dran kol themma, kay le vi-themarya his, vell kek lendar an o them Israel. Palle dikenn oun hayvenn t'mer, te hom me o baro Devel.

Ezekiel 20:42

Me anau t'men pale an o them Israel – an ko them, kolestar sovel dom, te dap les t'mare phourende. Palle dikenn oun hayvenn t'mer, te hom me o baro Devel.

Ezekiel 20:44

T'mer Israelitarya, te djau me yaake t'mentsa trouyel, te vap sharedo, oun krau gar pal t'mare čilače dromma, oun pal t'maro čilačo koova, hoy kran, palle dikenn oun hayvenn t'mer, te hom me o baro Devel, t'maro ray.

Ezekiel 22:16

Oun glan i yaka kol vavar menshendar hi o foro Yerusalem i praasedo foro doleske, hoy t'mer kran. Oun palle dikenn oun hayvenn t'mer, te hom me o baro Devel.

Ezekiel 23:49

Oun ko vi-ladjedo koova, hoy kran, vell ap t'mende pale. Oun t'mer lenn t'mari phagi koleske, kay mangan i rhorhene deblen an. Palle dikenn oun hayvenn t'mer, te hom me o baro Devel, t'maro ray.

Ezekiel 24:24

O Ezekiel hi i sikepen t'menge. Yaake har yob kras, krenn t'mer palle ninna. Ap ko dives, kay vell kova, djinenn oun hayvenn t'mer, te hom me o baro Devel, t'maro ray.

Ezekiel 24:27

Ap ko dives vell tiro mouy pre kerdo, oun tou nay rakreh pale. Oun yaake vess tou lenge i sikepen. Palle dikenn oun hayvenn le, te hom me o baro Devel.

Ezekiel 25:17

Me anau lengro tselo čilačepen pale ap lengre sherya. Oun an miri rholi dau len i phari phagi. An ko tsiro, kay anau lengro čilačepen pale ap lengre sherya, dikenn oun hayvenn le, te hom me o baro Devel.

Ezekiel 26:6

Oun ninna leskre gaba vergel ap o them venn o rhareha dino. Oun i menshe dikenn oun hayvenn palle, te hom me o baro Devel.

Ezekiel 28:23

An toute phagell i pharo djoungelo nasslepen vin. Oun an tire dromma nashell o rat kolendar, kay maredo van o rhareha. Haki rigyatar venn kol lourde, kay marenn tire menshen. Palle dikell oun hayvell hakeno, te hom me o baro Devel.

Ezekiel 30:26

Oun i Egiptaryen tradau an vavar themma, te djivenn le mank vavar menshende. Palle dikenn oun hayvenn le, te hom me o baro Devel.

Ezekiel 32:15

Te krom me o them Egiptia, te vell lo i vi-meredo them, oun lom lauter krik, hoy kote dren hi, oun dom halauteren, kay kote djivan, palle dikenn oun hayvenn le, te hom me o baro Devel.

Ezekiel 35:15

Tou hals barhtelo, har vas o Israelengro them i moulo them. Doleske krau, te djal touke yaake har lenge djas. I berga Seir khetne o tselo them Edom vell i moulo them. Palle dikenn oun hayvenn i menshe, te hom me o baro Devel.

Ezekiel 38:23

Oun yaake sikrau me glan i yaka boud menshendar dran vavar themma, te hom i zorelo Devel. Oun yon dikenn oun hayvenn palle, te hom me o baro Devel.

Ezekiel 6:13

Palle hi i moulo-dine čiddo mashkral pengre rhorhene deblende, oun troul lengre rhačepangre trouyel ap haki tikni oun bari berga, oun tel hako baro rouk boud patyentsa, oun tel hake vavar zenele rouka, kay mangan le pengre rhorhene deblen an, oun rhačran lenge lačo soungepaskro koova. Oun t'mer dikenn oun hayvenn, te hom me o baro Devel.

Ezekiel 6:6

An o tselo them ačell t'mare foryendar či har barra pral. T'mare moulne platse venn paash kerdo, oun i rhačepangre tele phagedo, te ačell lendar či har barra pral. T'mare rhorhene debla venn khetne dino, oun nay venn bouder gar an-mangedo. Oun kol boba, kay soungepaskro koova rhačran, venn tele dino. Kova, hoy kran t'menge, hi kanna paash.

Ezekiel 6:8

Gar halauter t'mendar moukau o rhareha moulo te dell. Kolla, kay ačenn djido, moukau pandles krik te anell an vavar themma.

Ezekiel 7:4

Me dikau bouder gar lačes ap toute. Man khayteh tou gar. Ko djoungelo koova, hoy kral, vell ap tiro shero pale. Oun tou leh tiri phagi. Oun t'mer dikenn oun hayvenn palle, te hom me o baro Devel.

Ezekiel 7:9

Me dikau bouder gar lačes ap t'mende. Man khaytenn t'mer gar. Ko djoungelo koova, hoy kran, vell ap t'mare sherya pale. Oun t'mer lenn t'mari phagi. Oun t'mer dikenn oun hayvenn palle, te hom me o baro Devel, kova kay t'men dell.

Ezekiel 9:7

Oun o baro Devel penas ap lende: Anenn kolen, kay moulo dino van, ap i platse glan o Debleskro kheer! Krenn yaake o kheer pale-čiddo! Palle djan vin an o foro! Oun yon djan vin, oun dan i menshen an o foro moulo.