Ezekiel 6:6 - O Debleskro Lab 2024 (Sinte-Manouche)

⁶ An o tselo them ačell t'mare foryendar či har barra pral. T'mare moulne platse venn paash kerdo, oun i rhačepangre tele phagedo, te ačell lendar či har barra pral. T'mare rhorhene debla venn khetne dino, oun nay venn bouder gar an-mangedo. Oun kol boba, kay soungepaskro koova rhačran, venn tele dino. Kova, hoy kran t'menge, hi kanna paash.

O Debleskro Drom 2021 (Sinte)

⁶ An o tselo them atchell tumare forjendar tchi har barra pral. Tumare mulne platse wenn paash kerdo, un i chatchepangre tele phagedo, te atchell lendar tchi har barra pral. Tumare chochene debla wenn khetne dino, un nai wenn buder gar an-mangedo. Un kol boba, kai sungepaskro koowa chatchran, wenn tele dino. Kowa, hoi kran tumenge, hi kanna paash.

Ezekiel 6:6 ပူးပေါင်းရင်းမြစ်များ

1. Rajengro liil 14:23

Ap i tsele berge oun tel hako baro rouk kran le penge moulne platse, čivan bare barra pre lengre rhorhene deblenge, ninna figure, hoy i debletsa Ashera sikrenn.

Debleskri gili 115:8

Kol menshe, kay save deblen kran, oun ap lende patsenn, mou venn le yaake har yon!

Jesaja 1:31

Oun ko morsh, hoy zorelo his har i rouk, vell har moulo kasht. Oun ko zorelo koova, hoy lo kras, vell har i yag, hoy ko moulo kasht pre rhačell. Yaake djal lauter an i yag pre, oun kek nay krell koy yag vin.

Jesaja 2:18

Oun kol tsele rhorhene deblentsa hi palle hako tsireske trouyel.

Jesaja 2:20

Oun kol roupene oun sonakangre figure, hoy i menshe pen kran, te mangenn le len an, kolen vitsrenn le i kermusenge oun i fledertikre kermusenge koy.

Jesaja 27:9

Yaake vell o Israelengri doosh krik lino. Oun ap kova sikrell pes, te hi lengri doosh krik lino: Te denn le i pre-čidde barra yaake khetne, kay mangan le i vavar deblen an, te ačell či har čik. Oun te moukenn le kek figure tardo, hoy sikrenn i debletsa Ashera, vitar kek boba, kay lake soungepaskro koova rhačedo vas.

Jesaja 6:11

Oun me poučom: “Har rah, ray?” Oun yob penas: “Bis te bouder kek menshe an i forya djivenn, vitar kek mensho an i khera, oun ko harhetikri phoub har i moulo them vas.”

Jesaja 64:10

Maro raylo Debleskro kheer, kay sharan tout mare phoure, rhačras i yag pre, oun maro shoukar koova hi khetne stakedo čiddo.

Jeremia 10:22

Shounenn, hoy gole dino vell! Bari gole – har kourepangre vourdyendar – vell dran ko them, hoy kote čiddo hi, kay norden hi. Lourde venna oun krenn i forya an Youda yaake paash, te vell o them i moulo them, kay djivenn i divye djoukle dren.

Jeremia 2:15

O levo dell gole pral leste, dell zorelo gole oun krell leskro them paash. Oun leskre forya venn pre rhačedo yaake, kay nay djivenn kek koy dren.

Jeremia 34:22

Ava, me kharau len pale kay, oun anau len pale glan kava foro, penell o baro Devel. Yon venn troul kava foro tardo, oun lenn kava fores penge dren, oun rhačrenn les tele. Oun kol forya an o them Youda moukau yaake khetne te dell, te venn le har i moulo them, kay nay djivell bouder kek dren.

Jeremia 51:18

Yon molenn či, oun hi sapaske. An ko tsiro, kay rakrell o baro Devel o čačepen vin, hounte djan yon tele.

Jeremia 9:10

O baro Devel penell: Me kamau Yerusalem tele te phagell, yaake te ačenn kokres barra pral, oun kay divye djoukle dren djivenna. Oun dran kol forya an Youda krau i moulo them, kay nay djivell kek bouder dren.

Jeremia 9:11

Me poučom: Baro Devel, hoske rhačell ko them oun vell moulo, yaake kay nay djal kek bouder koy trouyel? Koon hi gosevo oun hayvell kova? Ap koneste penal tou kova, yaake te penell yob kova i vavarenge?

Jeremia 9:19

Shounenn, t'mer djouvya, o baro Debleskro rakepen! Denn garda ap leskre laba! Sikrenn t'mare čende, har te givenn le koy ropaskri gili; yek te anell i vavarat kay gili pashel:

Ezekiel 12:19

Oun pen ap i Israelitarya, kay hi pash toute an kava them: Kava penell o baro Devel, maro ray, pral kolende, kay djivenn an o foro Yerusalem an o them Israel: Boud čilačo koova krenn le: Yek rikrell o vavares tele. Doleske vell ko dives, kay rhan le pengro maro daryah, oun piyenn pengro pani trisslepah i trashatar. Lengro them vell i mouklo them, kay či ačell.

Ezekiel 16:39

Oun me dau tout an lengre vasta, te denn le tire mangepaskre platse khetne, kay rhorhene deblen an-mangal, oun randjenn touke tire koola vin, oun lenn penge tiro sonakaskro koova, oun moukenn tout nanges čiddo.

Ezekiel 30:13

Kava penell o baro Devel, maro ray: Me moukau i rhorhene deblen paash te krell, oun lau i figuren dran o foro Memfis krik. Oun an o them Egiptia hi bouder kek ray. Oun bari daar taprell o tselo them.

Ezekiel 35:4

Tire foryendar ačell či har barra pral. O tselo them vell i moulo them. Palle dikeh oun hayveh, te hom me o baro Devel.

Ezekiel 5:14

Toutar, Yerusalem, krau i moulo foro. Či har barra ačenn toutar pral. I menshe an i vavar themma troul toute trouyel, san pral toute – hakeno kay djal koy oun dikell tout.

Ezekiel 6:4

Kol rhačepangre, kay firhe rhačedo venn, ninna kol boba, kay soungepaskro koova rhačedo vell, venn khetne phagedo. Oun kolla, kay t'mendar moulo dino venn, vitsrau glan t'mare rhorhene deblen ap i phoub. Oun i kokale kol moule Israelendar vitsrau troul kol rhačepangre, kay mangan kol rhorhene deblen an.

Ezekiel 6:7

Oun kolla t'mendar, kay moulo dino venn, ačenn čiddo ap i phoub. Palle dikenn oun hayvenn t'mer, te hom me o baro Devel.

Hosea 10:2

Lengre djia hi pherdo rhorhepen. Kanna vell lengri doosh pral lende. Lengre altare venn khetne phagedo, oun kol pre-čidde bare barra venn tele dino.

Hosea 10:8

Khetne dine venn i moulne platse, kay i Israelitarya i rhorhene deblen an-mangan, oun o baro Deblestar tele peran. Soubyengro zenlepen oun soubyengre bourra venn bares ap lengre altare. Oun yon penenna: T'mer bare oun tikne berge, perenn pral mende, oun čakrenn men!

3. Mose 26:30

Me krau kol moulne platse paash, kay t'mer t'mare deblenge firhen rhačrenna. Oun kol boba, kay t'mer lenge soungepaskro koova rhačrenn, phagau khetne. T'mare moulen vitsrau ap kol paash-dine figuren, oun t'mendar kamau bouder či te djinell.

3. Mose 26:31

Me moukau t'mare forya an kotya te dell, oun dau kol platse paash, kay t'mare rhorhene deblen an-mangan. Oun kova, hoy t'mer mange rhačrenn, oun ko lačo soungepen, hoy vell vin, kova kamau bouder gar te soungell.

Micha 1:7

I tsele figure, hoy i menshe an-mangan, venn an kotya phagedo. Ava, kol rhorhene debla venn paash dino. Oun kova, hoy anan i menshe an i khera kol rhorhene deblendar, vell rhačedo. I menshe an Samaria nashan vavar deblenge palla har i loubni i morshenge palla nashell. Yaake lan le kava tselo koova khetne. Kolla, kay venn oun randenn len vin, lenn kava koova pentsa khere, oun anenn les an pengre deblengre khera.

Micha 3:12

Doleske vell o Debleskro foro trouyel vitsedo har i harhetikri phoub. Oun an o foro Yerusalem ačell kek bar ap o vavar. Ap i berga, kay o Debleskro kheer tardo hi, venn divye bourra baro. Kova lauter vell yaake dran t'mari doosh.

Micha 5:13

Kol kashta, hoy i debletsa Ashera sikrenn, tserdau vin dran i phoub, oun t'mare forya krau paash.

Habakuk 2:18

Hoy vell touke palle ap i rig? I figura dran kasht oun saster, hoy i morsh peskre vastentsa kras? Kova hi rhorhepen! Har nay patsell yek ap i devel, hoy nay rakrell gar, oun koles yob peskre vastentsa kras?

Zefanja 1:18

Lengro roup oun sonakay nay lell len gar vin dran koy bibarht ap ko dives, kay o baro Debleskri rholi pral lende vella. Leskri bari rholi vell har i yag pral o tselo them oun krell halauter paash. Sik vell o merepen pral halauter, kay kote djivenn.

Zakarie 13:2

O baro Devel, ko ray pral o bolepen oun i phoub, penell: An ko tsiro krau, te mangenn i menshe an o them Youda bouder kek rhorhene deblen an. Oun kolengre laba venn bistedo. Ninna kol rakepangre, kay penenn, te hi le Debleskre rakepangre oun hi kova gar, oun yon rakrenn, hoy i vavar dourho lenge penell, kolen tradau vin dran o them.

1. Samuel 5:4

Oun har yon o vavar dives taysarlakro pre stan, hatsan le o Dagon pale ap i phoub čiddo glan o morhton. Kokres leskro doumo his kote čiddo. Leskro shero oun leskre vasta his tele dino oun čiddo kote, kay yek an o voudar dren vell.