Ezekiel 6:3 - O Debleskro Lab 2024 (Sinte-Manouche)

³ Pen lenge: T'mer berge Israel, shounenn hoy o baro Devel t'menge penell! O baro Devel, maro ray, penell ap i bare oun tikne berge, ap i panya oun ap i tale, kay kran pen i menshe platse, kay le pengre rhorhene deblen an-mangenn: Shounenn, me anau o kourepen pral t'mende, oun krau kol moulne platse paash.

O Debleskro Drom 2021 (Sinte)

³ Pen lenge: Tumer berge Israel, shunenn hoi o baro Dewel tumenge penell! O baro Dewel, maro rai, penell ap i bare un tikne berge, ap i panja un ap i tale, kai kran pen i menshe platse, kai le pengre chochene deblen an-mangenn: Shunenn, me anau o kurepen pral tumende, un krau kol mulne platse paash.

Ezekiel 6:3 ပူးပေါင်းရင်းမြစ်များ

1. Rajengro liil 14:23

Ap i tsele berge oun tel hako baro rouk kran le penge moulne platse, čivan bare barra pre lengre rhorhene deblenge, ninna figure, hoy i debletsa Ashera sikrenn.

Jesaja 27:9

Yaake vell o Israelengri doosh krik lino. Oun ap kova sikrell pes, te hi lengri doosh krik lino: Te denn le i pre-čidde barra yaake khetne, kay mangan le i vavar deblen an, te ačell či har čik. Oun te moukenn le kek figure tardo, hoy sikrenn i debletsa Ashera, vitar kek boba, kay lake soungepaskro koova rhačedo vas.

Jesaja 30:25

Oun an ko tsiro, kay o baro marepen hi, oun i zorele khera khetne phagenn, nashenn panya, tikne oun bare, o pralstouno themestar oun ap haki berga tele.

Jeremia 2:20

O baro Devel penell: Hako tsiro hadal tout pral mande, oun kamal mange gar palla te djal. Tou penal: Me kamau kek ray pral mande. Oun čival tout koy har i loubni ap i berga tel hako zenelo rouk.

Jeremia 22:29

T'mer menshe an kava them, shounenn! Shounenn mishto! Shounenn o baro Debleskro rakepen:

Jeremia 3:23

Čačepah, har dam gole pal kol deblende ap kol berge, van le gar ap mari rig. Kokres tou, maro baro Devel, nay leh men čačepah vin dran mari bibarht.

Jeremia 3:6

An ko tsiro, kay o Yosia o baro ray his, penas o baro Devel ap mande: Dikal tou, hoy i Israelitarya kran? Yon hi har i djouvel, kay moukas peskro romes, oun djas ap kol tsele berge oun tel hake zenele rouka oun das pes trouyel vavar morshentsa.

Ezekiel 36:8

T'mer berge Israel, ap t'mende venn pale rouka baro oun zenelo, oun hidjrenn roukengre mire menshenge Israel. Sik vell ko tsiro, kay venn le pale khere.

3. Mose 26:25

Me moukau kourepen an t'maro them vin te phagell, oun dau t'men pale, te rikran gar dren, hoy mantsa vin kran. Oun te khatrenn t'mer t'men palle an t'mare forya, palle bičrau i pharo nasslepen mashkral t'mende, oun dau t'men an i vasta kolendar, kay kourenn pen t'mentsa.

3. Mose 26:30

Me krau kol moulne platse paash, kay t'mer t'mare deblenge firhen rhačrenna. Oun kol boba, kay t'mer lenge soungepaskro koova rhačrenn, phagau khetne. T'mare moulen vitsrau ap kol paash-dine figuren, oun t'mendar kamau bouder či te djinell.

Amos 7:9

I moulne platse, kay mangan o Isaakeskre menshe rhorhene deblen an, kal platse venna paash dino. Oun kol khera, kay sharan i Israelitarya o Debles, venn dino an kotya. Oun me vau miro rhareha pral o kheer Yerobeam.”

Micha 6:1

Shounenn, hoy penell o baro Devel ap o Israel: Ste pre, oun an tiro koova glan! Oun mouk i bare oun tikne berge tiro rakepen te shounell!

Micha 6:2

Shounenn t'mer phoure berge, ap kolende i phoub tardo hi! Denn yak, hoy hounte penell o baro Devel peskre menshenge. Yob rakrell o čačepen vin pral peskre menshende, oun penell i Israelenge, kay kova, hoy le kran, gar mishto hi.