Ezekiel 5:5 - O Debleskro Lab 2024 (Sinte-Manouche)

⁵ Kava hi, hoy penau me, o baro Devel, t'maro ray: Kava bar hi o foro Yerusalem! Mashkral dren an i themma, kay vavar menshe djivenn, čivom kava foro.

O Debleskro Drom 2021 (Sinte)

⁵ Kawa hi, hoi penau me, o baro Dewel, tumaro rai: Kau bar hi o foro Jerusalem! Mashkral dren an i themma, kai wawar menshe djiwenn, tchiwom kau foro.

Ezekiel 5:5 ပူးပေါင်းရင်းမြစ်များ

Debleskri gili 87:3

Shoun, tou o Debleskro foro, havo shoukar rakepen o Devel pral toute rakrell:

Jeremia 6:6

Kava penell o baro Devel, o ray pral o bolepen oun i phoub: Denn i rouka tele an o foro Yerusalem, oun krenn i drom, hoy djal pre ap o foreskri massouri o forestar Yerusalem! An kava foro hi či har čilačepen dren. Doleske lell lo peskri phagi.

Ropaskre gilja 1:1

Yerusalem, har mouklo hal koy čiddo, tou, kay hals pherde menshe! An-diklo hals pash i tsele themma. Kanna hal kokres har i romni, kolakro rom meras. I rayetsa hals pral vavar themma. Kanna hounte boudress i vavarenge.

Ezekiel 16:14

Oun toutar vas an i vavar themma penlo, har shoukar tou hal. Ko kouč koova, hoy ap toute čivom, kras tiro shoukapen yaake baro, te nay vals gar bareder. Kava hi, hoy penas o baro Devel, maro ray.

Ezekiel 4:1

Tou, mensho, le i bar dran rhačedi čik, oun čip les glan toute, čin dren, har o foro Yerusalem vin dikell!

Ezekiel 5:4

Oun kolendar less triin-star kotar oun vitse len an i yag oun rhače len pre! Foun kolendar djal i yag vin oun vell pral o tselo kheer Israel.

Micha 5:7

Kolla, kay ačan pral o Yakobeskre menshendar, hi i menshenge an i vavar themma har i levo mank i vavar firhende an o veesh, har i terno levo mank i bakre. Yob perell pral lende, marell len oun dandrell len khetne. Oun kek nay rikrell les pale.

Mateo 5:14

T'mer han i momeli ap kay phoub. Oun i foro, hoy pral ap i berga hi, nay ačell gar khatedo.

1. Korintarja 10:4

Oun yon piyan lauter ko yek pipen, kay vas o Deblestar. Yon piyan ko pani, kay vas dran i baro bar vin, kay lentsa djas. Ko bar his o Yezous Kristo.

5. Mose 4:6

Yaake denn yak ap kol laba, oun rikrenn len! Palle dikenn i menshe an i vavar themma, har goseve han. Te shounenn le, pal have laba t'mer djivenna, palle penenn le: “Have goseve menshe hi kolla, kay prindjrenn pen an halauter vin! Havi bari zoreli natsyona!”

5. Mose 8:20

har kol vavar menshe, kay o baro Devel glan t'mende marell. Čačepah, t'mer te shounenn gar ap leskro rakepen, venn t'mer maredo.