Ezekiel 5:13 - O Debleskro Lab 2024 (Sinte-Manouche)

¹³ Te moukom miri tseli rholi ap t'mende vin, oun dom t'men pale, hoy kran, palle djal miri rholi krik, oun hom bouder gar rhoyedo pral t'mende. Oun t'mer djinenn, te homs me, o baro Devel, kay das t'men trad o tselo djiyeha.

O Debleskro Drom 2021 (Sinte)

¹³ Te mukom miri tseli choli ap tumende win, un dom tumen pale, hoi kran, palle djal miri choli krik, un hom buder gar chojedo pral tumende. Un tumer djinenn, te homs me, o baro Dewel, kai das tumen trad o tselo djijeha.

Ezekiel 5:13 ပူးပေါင်းရင်းမြစ်များ

Jesaja 1:21

Har nay vas kova? Kava foro, hoy rikras pes ap mande peskro tselo djiyeha, vas har i loubni! O foro his pherdo čačepen, oun i menshe djivan pal o Debleskre čačepaskre laba. Oun kanna djivenn kate lauter marepangre, kay vavaren moulo denn!

Jesaja 1:24

Doleske penell o baro Devel, ko ray pral o bolepen oun i phoub, kay hi o Israeleskro zorelo Devel: Dikenn t'men glan! Me dau t'men pale, hoy ap mande kran, t'men, kay kamenn man gar. Miri bari rholi vell pral t'mende, kay krenn lauter vavarčandes, har me kamau.

Jesaja 59:17

Oun yaake har rivell i lourdo i sasterno gad an, yaake rivell yob o čačepen an. Oun yaake har i lourdo i sasterni stadi ap peskro shero čivell, yaake čivell yob o kourepaskri barht ap peste. Leskri rholi hi har i plaashka ap leste, te dell lo kolende pengri phagi, kay i vavarenge čilačepen kran.

Jesaja 9:7

O baro Devel rakras o čačepen vin pral o kheer Yakob. Oun leskri rholi peras ap i Israelende.

Jeremia 14:12

Yon nay rikrenn pen pale o rhapastar, oun rovenn ap mande yaake boud har kamenn le, me shounau len gar. Ninna te rhačrenn yon mange firhen oun rhapen, dikau gar lačes ap lende. Me marau len an o kourepen, ninna i bok oun o nasslepen marenn le.

Jeremia 15:9

Koy djouvyat, kay efta čave his, lake ačas kek bouder djido. Lakro dji phagas. Lakro kham djas tele mashkral ap o dives. Lakro sharepen oun lakri barht hi bouder gar koy. Oun hoy kol menshendar pral ačas, dau me an i vasta kolendar, kay denn len moulo o rhareha. Kova penell o baro Devel.

Jeremia 25:12

Pal kol efta-deesh bersha dau me i phagi ko rayeske pral o them Babilonia oun leskre menshenge koy doshake, hoy le ap pende anan. Palle vell o them Babilonia i moulo them hako tsireske.

Ropaskre gilja 4:11

O baro Devel moukas peskri tseli rholi vin te vell. Leskri tseli rholi vas pral lende. Oun an o foro Sion moukas lo i bari yag te vell, te rhačras o foro tele bis ap i telstoune barra.

Ropaskre gilja 4:22

T'mer an o foro Sion, palle hi t'mari doosh t'mendar krik lino! O baro Devel moukell t'men bouder gar pandles krik te anell. Palle anell yob t'mari doosh, t'mer Edomarya, ap t'mare sherya pale, oun čakrell ko čilačo koova pre, hoy kran.

Ezekiel 13:15

Te vas miri tseli rholi ap koy massouri oun ap kolende, kay kran lat parno, penau ap t'mende: Koy massouri hi bouder gar koy, vitar gar kolla, kay lat parnes makan.

Ezekiel 14:21

Oun kanna penell o baro Devel, maro ray: Ap ko tsiro, kay bičrau star phare dava pral ko foro Yerusalem – kourepen, bok, divye firhe oun pharo nasslepen, – te merenn i menshe oun firhe koy dren,

Ezekiel 16:42

Palle djal miri tati rholi pral toute krik, oun miro dji doukrell man bouder gar, oun hom bouder gar rhoyedo pral toute.

Ezekiel 16:63

Me lau tiri tseli doosh toutar krik, hoy ap toute anal. Te vell touke palle tiro phouro djipen an o shero, ladjeh tou, oun nay kreh tiro mouy bouder gar pre i ladjatar. Kava penau me, o baro Devel, tiro ray.

Ezekiel 17:21

Oun leskre vi-rodede lourde venn o rhareha moulo dino. Oun kolla, kay djido ačenn, venn tradedo ap hake rigya. Oun t'mer dikenn oun hayvenn, te rakrom me, o baro Devel.

Ezekiel 20:21

Oun ninna lengre čave moukan pen či mandar te penell, oun kran gar hoy lendar kamom, oun djivan gar pal miro čačepen. Mire čačepaskre laba hi kolla, kolentsa i mensho djido ačell, te rikrell lo pes ap lende. Oun yon kran savo koova ap o Debleskro dives, hoy hounte krans le gar. Oun yaake vom gar sharedo. Kote kamom miri rholi pral lende vin te čorell. Kote an o moulo tato them kamom miri tseli rholi ap lende vin te moukell.

Ezekiel 20:8

Yon moukan pen či mandar te penell, oun kaman gar ap mande te shounell. Kek vitsras kol djoungele figuren krik, hoy lo an-mangas. Kol egiptikre deblen kaman le gar te moukell. Kote kamom miri rholi pral lende vin te čorell. Gomme kote an o them Egiptia kamom miri tseli rholi ap lende vin te moukell.

Ezekiel 21:17

De gole oun rob, tou mensho! Mire menshe hi, kolen o rharo marell. I pralstunen an Israel dell miro rharo moulo, oun lentsa khetne mire tsele menshen! Doleske de ap tiro beč o ropastar!

Ezekiel 21:22

Yaake kamau ninna me, o baro Devel, mire vasta khetne te dell i rholyatar. Oun pal kova hom bouder gar rhoyedo.

Ezekiel 23:25

Me hom yaake rhoyedo ap t'mende, te moukap len touha rholyah trouyel te djal. Tiro nak oun tire kanda činenn le touke tele. Oun kolla, kay toutar djido ačenn, venn o rhareha moulo dino. Tire morsh čaven oun tire čen lenn le toutar. Oun kova, hoy toutar pral ačell, vell an i yag rhačedo.

Ezekiel 24:13

Yerusalem, kova, hoy kras tout pale-čiddo, hi tiro vi-ladjedo koova. Har kamom me ko pale-čiddo koova toutar krik te lell, kamal te ačell har hals. Doleske ačeh pale-čiddo, yaake rah me miri rholi ap toute vin moukom!

Ezekiel 43:8

Yon kran pengre bare khera langs miro kheer, lengre voudya langs mire voudya, yaake te his yek massouri halauter mank mande oun lende. Oun yaake anan le ladj ap mande pengro djoungelo koveha, hoy le kran. Doleske marom len an miri rholi.

Ezekiel 6:10

Oun yon dikenn oun hayvenn palle, te dom me, o baro Devel, len gar čičeske trad, har penom, havi bibarht pral lende vella.

Ezekiel 6:12

Kolla, kay an i dour them hi, merenn ap o nasslepen. Oun kolla, kay djivenn an o them Israel oun troul o them trouyel, kolla merenn an o kourepen. Oun kolla, kay pral ačenn, merenn i bokatar. Yaake krau lentsa, bis te miri rholi trouyel hi.

Ezekiel 7:3

Israel, kanna vell miri rholi pral toute, oun tou djah tele. Me rakrau o čačepen pral toute vin, oun tou leh tiri phagi. Ko tselo djoungelo koova, hoy kral, anau ap tiro shero pale.

Ezekiel 7:8

Sik čorau miri rholi pral t'mende vin. Oun djau rholyah t'mentsa trouyel, bis te miri rholi trouyel hi. Me rakrau o čačepen pral t'mende vin, oun t'mer lenn t'mari phagi. Ko tselo djoungelo koova, hoy kran, anau ap t'mare sherya pale.

Daniel 11:36

Oun ko baro ray krell, hoy yob kamell. Yob hadell pes oun patsell, te hi lo bareder har hako devel. Ninna pral o pralstouno Debleste rakrell lo savo koova, hoy nay rakrell kek vin. Oun kova krell lo yek tsireske, oun djal leske mishto, bis te vell o Debleskri rholi pral leste. Palle krell o Devel, hoy las lo pes glan.

Daniel 9:2

An kava ersto bersh, kay yob kote o baro ray his, dom me, o Daniel, yak ap kova, hoy an o Debleskre lila činlo hi, kote kay penell o baro Devel ap peskro rakepaskro, o Yeremia, te ačell o foro Yerusalem 70 (efta-deesh) bersha khetne dino čiddo.

Hosea 10:10

Man hi an miro dji, te dap len kote dava. Me anau lourden dran vavar themma khetne, te lenn le len pandlo, kol douy doshenge, hoy le ap pende anan.

Zakarie 6:8

Palle das o bolepaskro gole ap mande: “Kol graya, kay djan ap o servo drom, hoy djal an o them Babilonia, kolla kran, hoy o baro Devel kote kamas te krell.”

5. Mose 28:63

Oun yaake har o baro Debleske shoukar his, te krell lo t'menge lačepen, oun te krell lo t'mendar boud menshe, yaake vell leske palle shoukar, te krell lo t'menge čilačepen, bis te ačenn gar boud t'mendar pral. Oun dran ko them, kay kanna dren djan, te lenn les t'menge dren, venn t'mer palle vin tserdedo.

5. Mose 32:36

Čačepah o baro Devel dell peskre menshende lengro čačepen. Te dikell lo, har leskre boudepangre nashran pengri zoor, khaytenn le les. Te dikell lo, har kek ap lengri rig hi, krell yob peskro dji lenge pre.