Ezekiel 5:11 - O Debleskro Lab 2024 (Sinte-Manouche)

¹¹ T'mer kran miro kheer pale-čiddo kol rhorhene deblentsa oun djoungelo koveha, hoy kote kran, penau me, o baro Devel, t'maro ray. Doleske dau man sovel, me o djido Devel, te dap t'men paash. T'mer khaytenn man bouder gar oun me krau miro dji bouder gar t'menge pre.

O Debleskro Drom 2021 (Sinte)

¹¹ Tumer kran miro kheer pale-tchiddo kol chochene deblentsa un djungelo koweha, hoi kote kran, penau me, o baro Dewel, tumaro rai. Doleske dau man sowel, me o djido Dewel, te dap tumen paash. Tumer khaitenn man buder gar un me krau miro dji buder gar tumenge pre.

Ezekiel 5:11 ပူးပေါင်းရင်းမြစ်များ

2. Rajengro liil 21:4

Oun an o baro Debleskro kheer čivas yob rhačepangre pre i moule deblenge, kote, kay o baro Devel penas: “An o foro Yerusalem kamau te mangenn le man an.”

2. Rajengro liil 21:7

Oun yob anas koy kashteni debletsa Ashera, hoy lestar kerdo vas, an o Debleskro kheer, kolestar o baro Devel ap o David penas oun leskro čaveste, o Salomo: “An kava kheer oun an o foro Yerusalem, hoy me mange vi-rodom dran o tselo Israel, kate kamau me, te mangenn le man an hako tsiro.

2. Rajengro liil 23:12

Oun yob kras kol rhačepangre paash, hoy pral ap o kheer koy tardo his, kay o Ahases leskri isema his. Kol rhačepangren moukan i bare raya pral o them Youda te krell. Ninna kolla, kay o Manasse kras, phagas lo tele. Kolla his tardo ap kol douy platse glan o baro Debleskro kheer. Oun o Yosia djas koy oun vitsras lengri čik an ko tikno pani, hoy kharell Kidron.

2. Familjakro liil 33:4

Oun an o baro Debleskro kheer čivas yob rhačepangre pre i moule deblenge, kote, kay o baro Devel penas: “An o foro Yerusalem kamau te mangenn le man an hako tsireske.”

2. Familjakro liil 33:7

Oun moukas i figura te krell, hoy i rhorheno devel sikras, oun anas lat an o Debleskro kheer, kolestar o Devel ap o David penas oun leskro čaveste, o Salomo: “An kava kheer oun an o foro Yerusalem, hoy me mange vi-rodom dran o tselo Israel, kate kamau me, te mangenn le man an hako tsiro.

2. Familjakro liil 36:14

Ninna i tsele pralstoune an o them Youda oun i rashaya oun i menshe an o them kran pengri doosh gomme bareder pengro djipah: Yon djivan pal ko djoungelo koova, hoy i menshe an i vavar themma kran, oun kran o baro Debleskro kheer pale-čiddo, ko kheer, hoy yob vi-rodas, te djivell lo kote an o foro Yerusalem.

Hiob 27:22

Ko dourho phourdell ap leste peskri tseli zoryah, oun moukell gar tele. Oun ko mensho marell pes tele, te nashell lo peske glan leskri zoor.

Debleskri gili 107:39

Pale van le tikno rikedo, oun i bibarht his zoreles ap lende. Oun yon van tikno oun tikneder.

Debleskri gili 95:11

Doleske dom man sovel an miri rholi: “Yon te djan gar dren an miro them, kay nay vans le khere!”

Jeremia 10:24

Baro Devel, de man i phagi an o čačepen, oun gar an tiri rholi, te maress man gar!

Jeremia 16:18

Yon lenn mandar pengri tseli phagi lengri doshake oun ko čilačepaske, hoy yon kran. Me moukau lenge či. Yon kran miro them pengre moule deblentsa pale-čiddo. Ko them, hoy mange vin rodom, hi pherdo ko koveha, hoy djoungelo glan mire yaka hi.

Jeremia 32:34

Koy pashel čivan le pengre rhorhene deblen an ko kheer, hoy mange kerdo vas. Oun yaake kran le les pale-čiddo.

Jeremia 44:4

Oun me bičrom lenge pale te pale mire rakepangre, kay mange boudran, oun moukom lenge te penell: “Ma krenn sau djoungelo koova, kay man zoryah rhoyrenna!”

Ropaskre gilja 2:17

O baro Devel kras, hoy lo peske glan las. Oun kras kova, har lo menge glan i rah tsiro trad das. Les khaytal tou gar, har moukas lo tout khetne te dell, oun kolen, kay ap toute djan, i zorleder te vell. Har tou peral, nay san le.

Ropaskre gilja 2:21

Čave oun phoure hi čiddo an i dromma. Terne ča oun terne morsha van o rhareha maredo. Ap ko dives kay tiri rholi pral mende vas, hi tout kek dji lenge, oun maral len halauteren.

Ezekiel 11:18

Te venn le kote khere, vitsrenn le kol tsele rhorhene deblen oun djoungele figuren vin dran o them.

Ezekiel 11:21

Kolla, kay pandan pengro dji ap i rhorhene deblen oun djoungele figuren, kolenge anau lengro čilačepen ap lengre sherya pale. Kava penell o baro Devel, maro ray.

Ezekiel 23:28

Kava penell o baro Devel, maro ray: Me dau tout an i vasta kolendar, kay lenge tiro doumo sikral, oun ap kolende tele dikeh.

Ezekiel 23:38

Oun kava hi gar lauter, hoy le kran: Ap ko emligo dives, har maran le pengre čaven o rhorhene deblenge, van le an miro kheer, oun yaake kran le miro kheer pale-čiddo. Oun kol divessa, kay mange hi, rikran le bouder gar dren. Ava, savo koova hi, hoy kran le an miro kheer!

Ezekiel 24:14

Me, o baro Devel penom kova, oun me krau les ninna yaake. Kava tsiro vas, te krap kova. Me rikrau man gar pale, te dap t'men i phagi, t'mer khaytenn man gar. Me krau miro dji gar pre t'menge. T'mer lenn t'mari phagi pal kova har djivan oun hoy kran. Kova penell o baro Devel, maro ray.

Ezekiel 29:15

tikneder har vavar rayengre themma, te hadenn le pen bouder gar pral vavar themma. Me krau, te vell len gar boud penepaske, te nay venn le bouder gar i raya pral vavar themma.

Ezekiel 33:11

Pen ap lende: O baro Devel, maro ray penell: Me dau man sovel pash miro djipen: Mange hi gar shoukar, te merell o čilačo mensho. Na-a me kamaus, te djal lo peskro čilačo dromestar tele, oun djivell lo! Doleske, djan tele t'mare čilače dromendar! Hoske kamenn t'mer te merell, t'mer dran o kheer Israel?

Ezekiel 43:8

Yon kran pengre bare khera langs miro kheer, lengre voudya langs mire voudya, yaake te his yek massouri halauter mank mande oun lende. Oun yaake anan le ladj ap mande pengro djoungelo koveha, hoy le kran. Doleske marom len an miri rholi.

Ezekiel 44:7

T'mer moukan vavar menshen an miro kheer dren, saven kolengro dji gar mange hi, oun kay hi gar činlo ap pengro mass. Yaake kran, te vas miro kheer pale-čiddo. Yon his koy pashel, har anan t'mer rhapen oun thulepen oun rat glan mande. Yaake phagan t'mer, hoy mer vin kram. Koy pashel vell kava tselo djoungelo kova, hoy kran.

Ezekiel 5:7

Doleske penau me, o baro Devel, lengro ray, ap lende: T'mer hans čilačeder har i menshe an i themma troul t'mende, oun djivan gar yaake har t'mendar kamom, oun rikran gar mire čačepaskre laba dren. Ava, t'mer han yaake čilačo, te rikran t'men vitar gar ap o čačepen kol vavar menshendar, kay troul t'mende djivenn.

Ezekiel 7:20

Lengro tselo shoukar koova kras, te van le pre-phourdo. Oun yon kran pen kolestar djoungele figure, rhorhene deblen, hoy le an-mangan. Doleske krom me, te vell kava koova lenge har čik.

Ezekiel 7:4

Me dikau bouder gar lačes ap toute. Man khayteh tou gar. Ko djoungelo koova, hoy kral, vell ap tiro shero pale. Oun tou leh tiri phagi. Oun t'mer dikenn oun hayvenn palle, te hom me o baro Devel.

Ezekiel 7:9

Me dikau bouder gar lačes ap t'mende. Man khaytenn t'mer gar. Ko djoungelo koova, hoy kran, vell ap t'mare sherya pale. Oun t'mer lenn t'mari phagi. Oun t'mer dikenn oun hayvenn palle, te hom me o baro Devel, kova kay t'men dell.

Ezekiel 8:15

Oun o baro Devel penas ap mande: Tou mensho, dikal tou kova? Tou dikess gomme bareder djoungelo koova, har kava.

Ezekiel 8:16

Oun yob anas man dren ap koy tikni platsa glan o baro Debleskro kheer. Oun glan o voudar o kherestar mashkral i glanstouni halla oun i sasterni rhačepaskri his 25 (biish-te-panč) morsha tardo. Kolla rissran pengre dume khatar o baro Debleskro kheer, oun dikan ap koy rig, kay o kham pre djal. Oun yon moukan pen ap i phoub te perell, oun mangan o kham an.

Ezekiel 8:18

Doleske djau lentsa i rholyah trouyel. Yon khaytenn man bouder gar. Oun man vell kek lačepen lenge. Ninna te denn le palle glan mire kanda pre gole, shounau me gar ap lende.

Ezekiel 9:10

Doleske dikau me kek kamlepah ap lende, oun yon khaytenn man gar. Lengro čilačepen anau ap lengre sherya pale.

Ezekiel 9:5

Ap kol vavar morshende penas lo yaake, te shounom kova: Djan pal leste an o foro oun denn hakenes moulo. Dikenn kek kamlepah ap lende! Kek hounte khaytell t'men!

3. Mose 15:31

Oun o baro Devel penas ap o Mose oun ap o Aron: Denn i Israelitaryen trad, te ačenn le i kotar dour miro kherestar an ko tsiro, kay hi le pale-čiddo, te krenn le gar koy platsa pale-čiddo, kay me djivau mank lende, te merenn le gar.

Amos 8:7

O baro Devel, koles i Israelitarya sharenn, yob das pes sovel oun penas: An kek tsiro bistrau kava čilačo koova, hoy le kran.

Zakarie 11:6

O baro Devel penell: “Kanna khaytenn man bouder gar i menshe an kava them. Me moukau i menshen te perell yek an o vast o vavarestar, oun dau len ninna lengre pralstunenge an i vasta. Kolla denn o them paash, oun me lau len gar vin dran lengre vasta.”

Maleachi 3:17

Oun pral lende penell o baro Devel, ko ray pral o bolepen oun i phoub: Ap ko dives, kay me vau, sikrell pes, kay hi le mire. Oun me krau miro dji lenge yaake pre, har i morsh peskro dji pre krell peskro čaveske, kay leske koy hi.

Remarja 11:12

Har i bibolde peran o Debleskro dromestar tele, vas o Debleskri barht pash i tsele menshende ap i phoub. Oun kova, hoy i biboldenge gar mishto hi, vas i barht kolenge, kay kek bibolde hi. Te hi kova yaake, har boud bareder hi koy barht, te venn i tsele bibolde pale ap o Debleskro drom!

Remarja 11:21

Te činas o Devel i čače kashta ko djeteskro roukestar tele, palle nay činell lo t'men ninna tele.

Remarja 8:32

O Devel rikras peskro čaves gar pash peste. Yob das les menge lauterenge an o merepen. Patsenn t'mer gar, te dell lo men khetne leha kova lauter, hoy yob menge penas?

5. Mose 29:20

Yob čivell les infam, te hi lo kek Israelitari bouder. Oun ap leste vell koy bibarht, hoy koles taprell, kay tel o praasepen hi doleske kay rikras lo pes gar ap kova, hoy peskro baro Devel leha vin kras, yaake har an kava čačepaskro liil činlo hi.

Hebrearja 6:13

Te dell i mensho peskro lab, dell lo peskro dadeskro vast koy pre. Leskro dad hi bareder har yob. Yaake sikrell lo o vavares, te krell lo čačepah kova, hoy yob penas. Oun ko vavar patsell les. Har das o Devel o Abrahameste peskro lab, das lo peskro vast koy pre. His kek, kay his bareder har o Devel. Oun o Devel penas: Čačepah, boud barht moukau pral toute te vell, oun toutar venna boud boud čave. Oun o Abraham patsas o Debles, oun vitsras gar peskro patsepen ap i rig. Oun yaake las lo kova, hoy o Devel leske penas.