Ezekiel 45:4 - O Debleskro Lab 2024 (Sinte-Manouche)

⁴ Kava tselo kotar them, hoy 12,5 (deesh-te-douy-te-paash) kilometarya lengsto oun 5 (panč) kilometarya bourhlo hi, hi o Debleske ap i rig čiddo. Kate hi o Debleskro kheer tardo. Oun kate nay čivenn leskre rashaya pengre khera pre, kolla kay boudrenn glan leste an leskro kheer.

O Debleskro Drom 2021 (Sinte)

⁴ Kau tselo kotar them, hoi 12,5 (deesh-te-dui-te-paash) kilometarja lengsto un 5 (pantch) kilometarja buchlo hi, hi o Debleske ap i rig tchiddo. Kate hi o Debleskro kheer tardo. Un kate nai tchiwenn leskre rashaja pengre khera pre, kolla kai budrenn glan leste an leskro kheer.

Ezekiel 45:4 ပူးပေါင်းရင်းမြစ်များ

Ezekiel 40:45

Oun ko morsh penas ap mande: Kay isema kolakri glanstouni rig kote sikrell, kay o kham pralstounes tardo hi, hi kol rashayenge, kay boudrenn an o Debleskro kheer.

Ezekiel 40:46

Oun koy isema, kolakri glanstouni rig kote sikrell, kay norden hi, hi kol rashayenge, kolla pengri boudi ap i rhačepaskri krenn. Kolla hi kol morsha, kolengro dad o Zadok his. I tsele morshendar, kay venn dran o kheer Levi, hi yon kokres kolla, kay nay venn glan o baro Debleste, te boudrenn le leske.

Ezekiel 43:19

Kokres i rashaya dran o kheer Levi, kolengro phouro dad o Zadok hi, nay venn glan mande, te boudrenn le mange. Kava penell o baro Devel, maro ray. Kal rashayenge dess tou i terno gouroum, te marenn le les, te vell i doosh i menshendar krik lino.

Ezekiel 44:28

I rashayenge vell kek kotar phoub, hoy o dadestar ap o čaveste doureder dino vell. Me hom lengro kotar. Len vell kek kotar them an o them Israel. Me dau len, hoy len hounte vell djipaske.

Ezekiel 45:1

Ap ko dives, kay vitsrenn t'mer tikne kashta, te djinenn, koneske havo kotar them vell, čivenn i kotar them ap i rig, hoy o baro Debleske hi: 12,5 (deesh-te-douy-te-paash) kilometarya lengsto oun 10 (deesh) kilometarya bourhlo. Kava tselo kotar them hi o baro Debleske.

Ezekiel 48:8

Ap i čači rig ko themestar, hoy o kheer Youda lell, čivenn i kotar ap i rig, hoy mange hi. Kava kotar djal ninna foun kote, kay o kham pre djal bis kote, kay o kham tele djal, oun hi 12,5 (deesh-te-douy-te-paash) kilometarya bourhlo, oun yaake lengsto har kol vavar kotya ninna. Mashkral dren hi miro kheer tardo.

4. Mose 16:5

oun penas ap o Korah oun ap kolende, kay pash leste his: “Taysar penell o baro Devel, koon leskre menshe hi, kones yob peske vi-rodas, oun koon nay vell pash leste. Oun kones yob vin rodella, kova nay vell pash leste.