Ezekiel 41:4 - O Debleskro Lab 2024 (Sinte-Manouche)

⁴ Oun yob ginas tele, har baro koy tseli palstouni isema dren hi: Koya his 10 metarya baro oun deesh metarya bourhlo, yaake bourhlo har koy bari isema ninna hi. Oun yob penas ap mande: Kaya hi o Debleskri kouč isema.

O Debleskro Drom 2021 (Sinte)

⁴ Un job ginas tele, har baro koi tseli palstuni isema dren hi: Koja his 10 metarja baro un deesh metarja buchlo, jaake buchlo har koi bari isema ninna hi. Un job penas ap mande: Kaja hi o Debleskri kutch isema.

Ezekiel 41:4 ပူးပေါင်းရင်းမြစ်များ

1. Rajengro liil 6:16

Oun deesh metarya glan i palstouni massouri kras yob i vavar massouri dran cedertikre kashta. Kay massouri djas foun tel bis pral. Yaake kras lo an o kheer i kouč isema o baro Debleske, hoy leske kokres his.

1. Rajengro liil 6:20

Koy isema his deesh metarya lengsto, deesh metarya bourhlo, oun deesh metarya bis pral. Oun pral i massurya his lačo sonakay maklo. O Salomo kras ninna i bob dran cedertikro kasht, te vell kote soungepaskro koova rhačedo o Debleske, oun čivas ko bob glan o kouč isema,

1. Rajengro liil 6:5

Vin troul o kheer ap kol douy rigya oun ap i palstouni massouri moukas lo rigyengre iseme te krell. Kolla djan ap triin dromma yek pral o vavar troul o kheer.

1. Rajengro liil 7:50

i čare, čourya, čare o rateske, roya oun pirya, – kolla lauter his dran djoudjo sonakay; i hidjepangre, hoy i voudya rikrenn: ko voudar glan o Debleskri kouč isema oun o khereskro voudar. Kalla his kerdo dran sonakay.

1. Rajengro liil 8:6

Oun i rashaya anan o morhton o Debleskre deesh labentsa ap peskri platsa an koy palstouni isema, hoy kharell Debleskri kouč isema. Yon čivan o morhton tel kol douy bolepangre figure, kay kharenn Keroubim, tel lengre čirklengre moussya.

2. Familjakro liil 3:8

Oun yob kras o Debleskri kouč isema. Koy isema his deesh metarya lengsto oun deesh metarya bourhlo, yaake bourhlo har ko tselo kheer. Oun yob moukas lačo sonakay pral i massurya te tserdell. 600 (shob sheel) centnarya sonakay lan le koleske.

2. Familjakro liil 5:7

Oun i rashaya anan o morhton o Debleskre deesh labentsa ap peskri platsa an koy palstouni isema, hoy kharell Debleskri kouč isema. Yon čivan o morhton tel kol douy bolepangre figure, kay kharenn Keroubim, tel lengre čirklengre moussya.

Ezekiel 41:23

Oun glan i bari isema oun glan i kouč isema his glan hakeneste douy voudya, yek pal o vavar. Oun an hako voudar his douy kotya yek langs i vavar. Kolla nay rissrenn pen.

Debleskro tsiro 21:16

O fores hi star rigya. Yek rig hi yaake baro har i vavar. Oun o bolepaskro las ko sonakaskro kasht oun dikas pal, har baro ko foro hi: Haki rig hi douy-zerya-te-star-sheel (2.400) kilometarya baro. O lengstepen, o bourhlepen oun o pralstunepen hi lauter yek barepen.