Ezekiel 41:3 - O Debleskro Lab 2024 (Sinte-Manouche)

³ Palle djas ko morsh an koy palstouni isema. Oun yob dikas pal, har pesso koy massouri pash o voudar hi: Ap haki rig his li yek metari pesso. Oun o voudar his triin metarya bourhlo. Oun i massurya ap kol douy rigya o voudarestar his hakeni 3,5 metarya lengsto.

O Debleskro Drom 2021 (Sinte)

³ Palle djas ko mursh an koi palstuni isema. Un job dikas pal, har pesso koi massuri pash o wudar hi: Ap haki rig his li jek metari pesso. Un o wudar his triin metarja buchlo. Un i massurja ap kol dui rigja o wudarestar his hakeni 3,5 metarja lengsto.

Ezekiel 41:3 ပူးပေါင်းရင်းမြစ်များ

Ezekiel 40:16

Oun an i tikne iseme, hoy his ap kol douy rigya, his tikne vorhya an kol vinstoune massurya. Ninna an i voudareskri halla his vorhya ap lakre douy rigya. Oun dren an kol massurya his palmtikre rouka dren dino.

Ezekiel 40:48

Oun yob anas man dren an i glanstouni halla o Debleskro kherestar. Oun yob dikas pal, har baro i glanstouni halla hi: Ap haki rig o voudarestar his i massouri 2,5 (douy-te-paash) metarya pesso. O voudar his efta metarya bourhlo. Oun i massurya ap haki rig lestar his 1,5 (yek-te-paash) metarya bourhlo.

Ezekiel 41:1

Oun ko morsh anas man an koy bari isema o Debleskro kherestar dren. Oun yob dikas pal, har baro i massurya hi, hoy čačes oun serves pash o voudar hi. Yon his triin metarya pesso.