Ezekiel 41:16 - O Debleskro Lab 2024 (Sinte-Manouche)

¹⁶ his dren i kashteha čakedo foun i phoub bis pre pash i tikne vorhya. Oun troul i vorhya djan triin shoukar sane kashta trouyel.

O Debleskro Drom 2021 (Sinte)

¹⁶ his dren i kashteha tchakedo fun i phub bis pre pash i tikne wochja. Un trul i wochja djan triin shukar sane kashta trujel.

Ezekiel 41:16 ပူးပေါင်းရင်းမြစ်များ

1. Rajengro liil 6:15

čakras lo i massurya foun dren i cedertikre kashtentsa, hoy djan foun tel bis pral. Oun i phoub čakras lo kashtentsa kol roukendar, hoy kharenn cipresse.

1. Rajengro liil 6:4

Oun yob kras vorhya an o kheer oun kras sasterne kashta glan koy.

2. Familjakro liil 3:5

An o baro kheer moukas lo i massurya o kashteha te čakrell, hoy vell kol roukendar, kay kharenn cipresse. Oun pral ko kasht vas lačo sonakay maklo oun figure dren činlo, hoy vin dikan har palme oun pandle shelle.

Jesaja 6:4

Koy gole lendar moukas i telstoune barra o kherestar te trissell. Oun o kheer his pherdo yagakro dourho.

Ezekiel 10:18

Oun o baro Debleskro raylepen, hoy his pash o voudar o kherestar, djas pale krik oun hadas pes pral kol bolepangre.

Ezekiel 40:16

Oun an i tikne iseme, hoy his ap kol douy rigya, his tikne vorhya an kol vinstoune massurya. Ninna an i voudareskri halla his vorhya ap lakre douy rigya. Oun dren an kol massurya his palmtikre rouka dren dino.

Ezekiel 40:25

Oun kote his vorhya an o voudar oun an i voudareskri halla, yaake har pash kol vavar bare voudya. Khetne his kava voudar 25 (biish-te-panč) metarya lengsto oun 12,5 (deesh-te-douy-te-paash) metarya bourhlo.

Ezekiel 40:6

Oun yob djas pash o baro voudar, hoy ap koy rig hi, kay o kham pre djal. Oun djas i treppa pre. Oun dikas pal, har dour ko voudar dren djal. Oun kova djas yaake dour dren, har ko kasht lengsto his – triin metarya.

Ezekiel 41:15

Oun o morsh dikas pal, har lengsto ko kheer hi, hoy ap koy rig tardo hi, kay o kham tele djal. Khetne peskre massurya ap kol douy rigya his kava kheer 50 metarya lengsto. Oun kol massurya an koy bari isema an o Debleskro kheer oun an i glanstouni halla,

Ezekiel 41:17

An i kashteni massouri pral o baro voudar oun an i tsele kashtene massurya an o Debleskro kheer his shoukar koova dren činlo, koles his yek barepen.

Ezekiel 42:3

Kava kheer his tardo mank koy tikni glanstouni platsa, hoy his deesh metarya bourhlo, oun koy drom, hoy djas troul i bari glanstouni platsa. Kava kheer his yaake kerdo, te his iseme telstounes, mashkralstounes oun pralstounes.

Haggai 1:4

Hi ko tsiro kay, te beshenn t'mer an shoukar kerde khera, oun miro kheer hi paash dino oun čiddo an kotya?

1. Korintarja 13:12

Kanna dikah o Debleskro koova gar mishto. Mer dikah kova yaake har an o phouro blendari. Yek dives vella, kay dikah mer o Debles, har yob hi. Lauter, hoy me kanna lestar djinau, hi tikne kotya. Vell ko dives, kay prindjrau les yaake, har yob man prindjrella.