Ezekiel 40:5 - O Debleskro Lab 2024 (Sinte-Manouche)

⁵ Oun dikom i massouri, hoy vin hi troul o Debleskro kheer. Oun ko morsh ginas ko kashteha tele, har bares koy massouri hi. Ko kasht his yaake triin metarya lengsto. Oun koy massouri his yaake pesso har ko kasht lengsto his, oun djas ninna yaake dour pre har ko kasht.

O Debleskro Drom 2021 (Sinte)

⁵ Un dikom i massuri, hoi win hi trul o Debleskro kheer. Un ko mursh ginas ko kashteha tele, har bares koi massuri hi. Ko kasht his jaake triin metarja lengsto. Un koi massuri his jaake pesso har ko kasht lengsto his, un djas ninna jaake dur pre har ko kasht.

Ezekiel 40:5 ပူးပေါင်းရင်းမြစ်များ

Debleskri gili 125:2

Yaake har i berge troul o foro Yerusalem hi, yaake hi o baro Devel troul peskre menshende kanna oun hako tsiro.

Jesaja 26:1

Ap ko dives givenn le kay gili an o them Youda: Men hi i zorelo foro. O Devel čivas zorele massourya troul mende, te krell kek menge čilačepen.

Jesaja 60:18

I kourepaskri gole vell gar bouder shounlo an tiro them. Paash-dine forya oun kourepen dell gar bouder koy. Na-a, mank tire massourya krell kek touke čilačepen, oun tou shareh man koleske.

Ezekiel 41:8

Palle dikom tele oun dikom, kay his i hadedi platsa troul o Debleskro kheer. Kay platsa his triin metarya pesso. Koy pre his ko rigyakro kheer tardo.

Ezekiel 42:15

Oun har ko morsh pal dikas, har baro o Debleskro kheer dren hi, anas lo man vin dran ko voudar, hoy kote hi, kay o kham pre djal, oun yob dikas pal, har baro koy massouri hi, hoy troul halauter trouyel hi.

Ezekiel 42:20

Yaake dikas lo pal, har baro koy tselo kotar them his, troul koleste i massouri djas. Koya his 250 (douy-sheel-te-paash) metarya ap haki rig. Haki rig his emligo lengsto. Koy massouri his koy, te vell ko kotar them, hoy o Debleske hi, gar khetne o vavar themeha.

Ezekiel 43:13

Yaake baro hi kay rhačepaskri: Leskri piri hi yek paash metari baro oun yek paash metari bourhlo. Oun troul leste hi i tikni massouri, hoy hi 25 (biish-te-panč) centimetarya baro. Kay rhačepaskri hi kerdo an triin kotya:

Zakarie 2:5

An i vavar dikepen dikom i terno morshes i doryah an peskro vast, te dikell lo pal, har baro čomone hi.

5. Mose 3:11

Kokres o Og, ko baro ray pral Bashan, ačas djido kol bare menshendar, kay rise kharedo van. Har meras lo, vas lo paskedo an i barrengro morhton. Kova hi yaake star metarya baro oun douy metarya bourhlo, oun hi tardo an o foro Rabba an o them Ammon.

Debleskro tsiro 21:12

Troul o foro hi i bari massouri. An koy massouri hi deesh-te-douy bare voudya, ap kolende denn deesh-te-douy bolepangre yak. Oun ap kol bare voudya hi i laba činlo kol deesh-te-douy Israeleskre čavendar.