Ezekiel 40:34 - O Debleskro Lab 2024 (Sinte-Manouche)

³⁴ Oun koy voudareskri halla djas bis pash koy bari glanstouni platsa. Oun an i massurya ap lakre douy rigya his palmtikre rouka dren činlo. Oun orhta stufe djan kote pre.

O Debleskro Drom 2021 (Sinte)

³⁴ Un koi wudareskri halla djas bis pash koi bari glanstuni platsa. Un an i massurja ap lakre dui rigja his palmtikre ruka dren tchinlo. Un ochta stufe djan kote pre.

Ezekiel 40:34 ပူးပေါင်းရင်းမြစ်များ

Ezekiel 40:16

Oun an i tikne iseme, hoy his ap kol douy rigya, his tikne vorhya an kol vinstoune massurya. Ninna an i voudareskri halla his vorhya ap lakre douy rigya. Oun dren an kol massurya his palmtikre rouka dren dino.

Ezekiel 40:22

Oun leskre vorhya oun leskre palmtikre rouka, hoy an i massurya dino hi, his yaake har pash ko baro voudar ap koy rig, kay o kham pre djal. Glan kava voudar djan efta stufe pre. Oun les his i voudareskri halla ap i vavar rig.

Ezekiel 40:26

Oun glan kava voudar djan efta stufe pre. Oun les his i voudareskri halla ap i vavar rig. Oun palmtikre rouka his an lakre massurya dren dino ap haki rig.

Ezekiel 40:31

Oun i voudareskri halla djas bis pash i bari glanstouni platsa. Oun an lakri massurya his palmtikre rouka dren dino. Orhta stufe djan kote pre.

Ezekiel 40:37

Oun koy voudareskri halla djas bis pash koy bari glanstouni platsa. Oun an lakre massurya his palmtikre rouka dren činlo. Orhta stufe djan kote pre.

Ezekiel 40:49

Koy tseli glanstouni halla his deesh metarya bourhlo oun shob metarya lengsto. Oun deesh stufe djan ap late pre. Oun pash o voudar his ap haki rig yek turmo tardo.

Ezekiel 40:6

Oun yob djas pash o baro voudar, hoy ap koy rig hi, kay o kham pre djal. Oun djas i treppa pre. Oun dikas pal, har dour ko voudar dren djal. Oun kova djas yaake dour dren, har ko kasht lengsto his – triin metarya.