Ezekiel 40:16 - O Debleskro Lab 2024 (Sinte-Manouche)

¹⁶ Oun an i tikne iseme, hoy his ap kol douy rigya, his tikne vorhya an kol vinstoune massurya. Ninna an i voudareskri halla his vorhya ap lakre douy rigya. Oun dren an kol massurya his palmtikre rouka dren dino.

O Debleskro Drom 2021 (Sinte)

¹⁶ Un an i tikne iseme, hoi his ap kol dui rigja, his tikne wochja an kol winstune massurja. Ninna an i wudareskri halla his wochja ap lakre dui rigja. Un dren an kol massurja his palmtikre ruka dren dino.

Ezekiel 40:16 ပူးပေါင်းရင်းမြစ်များ

1. Rajengro liil 6:29

Oun an i tsele massurya an o Debleskro kheer moukas lo dren oun vin shoukar koova dren te činell, hoy vin dikas har bolepangre, palmtikre rouka oun bloume.

1. Rajengro liil 6:32

Ninna an kol douy kotya an o voudar moukas lo shoukar koova dren te činell: bolepangre oun palmtikre rouka oun bloume; oun moukas sonakay koy pral te tserdell.

1. Rajengro liil 6:35

Oun an kol voudya moukas lo pale shoukar koova dren te činell: bolepangre, palmtikre rouka oun bloume, oun tserdas pral halauter sonakay.

1. Rajengro liil 6:4

Oun yob kras vorhya an o kheer oun kras sasterne kashta glan koy.

1. Rajengro liil 7:4

An kava kheer his vorhya an triin reihe, yek reiha pral i vavar. I vorhya his yaake kerdo, te his yek vorhni vergel koy vavar.

2. Familjakro liil 3:5

An o baro kheer moukas lo i massurya o kashteha te čakrell, hoy vell kol roukendar, kay kharenn cipresse. Oun pral ko kasht vas lačo sonakay maklo oun figure dren činlo, hoy vin dikan har palme oun pandle shelle.

Debleskri gili 92:12

Me dikau tele ap kolende, kay mange čilačepen kaman, oun shounau i gole kol čilačendar, kay hadan pen ap mande.

Ezekiel 40:12

Oun glan i tikne iseme, his ap haki rig i tikni massouri i paash metari baro. Haki isema his triin metarya lengsto oun triin metarya bourhlo.

Ezekiel 40:15

Oun o tselo voudareskro drom foun vin, kay veh dren, bis pash koy voudareskri halla his 25 (biish-te-panč) metarya lengsto.

Ezekiel 40:25

Oun kote his vorhya an o voudar oun an i voudareskri halla, yaake har pash kol vavar bare voudya. Khetne his kava voudar 25 (biish-te-panč) metarya lengsto oun 12,5 (deesh-te-douy-te-paash) metarya bourhlo.

Ezekiel 40:26

Oun glan kava voudar djan efta stufe pre. Oun les his i voudareskri halla ap i vavar rig. Oun palmtikre rouka his an lakre massurya dren dino ap haki rig.

Ezekiel 40:29

Oun leskre tikne iseme oun leskre massurya oun koy voudareskri halla, yon his yaake baro, har kolla an i vavar bare voudya. Koy his ninna vorhya an o voudareskro kheer oun an i glanstouni halla. Khetne his kava voudar 25 (biish-te-panč) metarya lengsto oun 12,5 (deesh-te-douy-te-paash) metarya bourhlo.

Ezekiel 40:30

Oun koy trouyel his glanstoune halle. Khetne his le 12,5 (deesh-te-douy-te-paash) metarya lengsto oun 2,5 (douy-te-paash) metarya bourhlo.

Ezekiel 40:31

Oun i voudareskri halla djas bis pash i bari glanstouni platsa. Oun an lakri massurya his palmtikre rouka dren dino. Orhta stufe djan kote pre.

Ezekiel 40:33

Oun leskre tikne iseme oun leskre massurya oun i voudareskri halla, yon his yaake baro har kolla an i vavar voudya. Koy his ninna vorhya an o voudar oun an i voudareskri halla. Khetne his kava voudar 25 (biish-te-panč) metarya lengsto oun 12,5 (deesh-te-douy-te-paash) metarya bourhlo.

Ezekiel 40:34

Oun koy voudareskri halla djas bis pash koy bari glanstouni platsa. Oun an i massurya ap lakre douy rigya his palmtikre rouka dren činlo. Oun orhta stufe djan kote pre.

Ezekiel 40:36

Les his tikne iseme, massurya, i voudareskri halla oun vorhya troul leste. Khetne his kava voudar 25 (biish-te-panč) metarya lengsto oun 12,5 (deesh-te-douy-te-paash) metarya bourhlo.

Ezekiel 40:37

Oun koy voudareskri halla djas bis pash koy bari glanstouni platsa. Oun an lakre massurya his palmtikre rouka dren činlo. Orhta stufe djan kote pre.

Ezekiel 40:7

Dren an o voudareskro kheer his ap hake douy rigya triin iseme. Haki isema his yaake lengsto har bourhlo, – triin metarya lengsto oun triin metarya bourhlo. Oun i massurya, hoy mank lende hi, his 2,5 (douy-te-paash) metarya pesso. Palla an o voudareskro kheer his pale i voudar, hoy djas triin metarya dren. Koy pal his koy voudareskri halla vergel o Debleskro kheer.

Ezekiel 41:18

Koy his bolepangre oun palmtikre rouka: yek palmtikro rouk mashkral douy bolepangre. Hako bolepaskres his yaka oun i mouy ap douy rigya:

Ezekiel 41:25

Oun ninna an kol voudya glan i bari isema his bolepangre oun palmtikre rouka dren činlo, yaake har an i kashtene massurya. Vin glan o voudar glan i glanstouni halla his i dacha dran kasht.

Ezekiel 41:26

Oun an i massurya an i glanstouni halla his ap kol douy rigya tikne vorhya dren. Oun palmtikre rouka his an i kashtene massurya dren činlo, yaake har ninna an o rigyakro kheer oun an i kashteni dacha.

Ezekiel 41:3

Palle djas ko morsh an koy palstouni isema. Oun yob dikas pal, har pesso koy massouri pash o voudar hi: Ap haki rig his li yek metari pesso. Oun o voudar his triin metarya bourhlo. Oun i massurya ap kol douy rigya o voudarestar his hakeni 3,5 metarya lengsto.

Ezekiel 42:3

Kava kheer his tardo mank koy tikni glanstouni platsa, hoy his deesh metarya bourhlo, oun koy drom, hoy djas troul i bari glanstouni platsa. Kava kheer his yaake kerdo, te his iseme telstounes, mashkralstounes oun pralstounes.

Johanni 5:2

An o foro Yerusalem his i pani pash ko foreskro voudar, kay kharella bakrengro voudar. Ko pani kharella ap hebretikes Betesda. Kote his i thopaskro kheer, kay panč bare iseme dren his, kay pre his.

1. Korintarja 13:12

Kanna dikah o Debleskro koova gar mishto. Mer dikah kova yaake har an o phouro blendari. Yek dives vella, kay dikah mer o Debles, har yob hi. Lauter, hoy me kanna lestar djinau, hi tikne kotya. Vell ko dives, kay prindjrau les yaake, har yob man prindjrella.

Debleskro tsiro 7:9

Pal kova dikom me boud menshen, yaake boud, te nay penell kek, kitse yon hi. Kolla venna dran hako them, haki natsyona, haki harmenatsyona oun hako rakepen. Oun yon his khetne tardo glan o rayeskro beshepaskro oun glan ko terno bakro. Len his parne ripya ap lende oun bare patria an lengre vasta.