Ezekiel 40:10 - O Debleskro Lab 2024 (Sinte-Manouche)

¹⁰ Oun kol tikne iseme, hoy his ap kol douy rigya dren an o baro voudar, his triin ap haki rig, hakeni yaake bourhlo har koy vavar. Oun i massurya mank lende his ninna emligo bourhlo.

O Debleskro Drom 2021 (Sinte)

¹⁰ Un kol tikne iseme, hoi his ap kol dui rigja dren an o baro wudar, his triin ap haki rig, hakeni jaake buchlo har koi wawar. Un i massurja mank lende his ninna emligo buchlo.

Ezekiel 40:10 ပူးပေါင်းရင်းမြစ်များ

Ezekiel 40:11

Pal kova dikas yob pal, har lengsto oun bourhlo o voudareskro drom his: Kova his 6,5 (shob-te-paash) metarya lengsto oun panč metarya bourhlo.

Ezekiel 40:21

An kava voudareskro kheer his ninna tikne iseme, triin ap haki rig. Oun leskre massurya oun koy voudareskri halla his yaake baro har pash ko vavar baro voudar, kote kay o kham pre djal. Khetne his kava voudar 25 (biish-te-panč) metarya lengsto oun 12,5 (deesh-te-douy-te-paash) metarya bourhlo.

Ezekiel 40:29

Oun leskre tikne iseme oun leskre massurya oun koy voudareskri halla, yon his yaake baro, har kolla an i vavar bare voudya. Koy his ninna vorhya an o voudareskro kheer oun an i glanstouni halla. Khetne his kava voudar 25 (biish-te-panč) metarya lengsto oun 12,5 (deesh-te-douy-te-paash) metarya bourhlo.

Ezekiel 40:44

Palle anas lo man glan koy tikni glanstouni platsa. Kote dikom douy iseme, kolengre voudya ap koy tikni glanstouni platsa djan. Koy yek isema his pash o nordetikro voudar, oun lakri glanstouni rig sikrell kote, kay o kham pralstounes tardo hi. Oun koy vavar isema his pash ko voudar, hoy kote tardo hi, kay o kham pralstounes hi, oun lakri glanstouni rig sikrell kote, kay norden hi.

Ezekiel 40:7

Dren an o voudareskro kheer his ap hake douy rigya triin iseme. Haki isema his yaake lengsto har bourhlo, – triin metarya lengsto oun triin metarya bourhlo. Oun i massurya, hoy mank lende hi, his 2,5 (douy-te-paash) metarya pesso. Palla an o voudareskro kheer his pale i voudar, hoy djas triin metarya dren. Koy pal his koy voudareskri halla vergel o Debleskro kheer.

Ezekiel 40:9

Kaya his star metarya lengsto. Palla an lakri massouri his i kotar pre, kay djah vin. Čačes oun serves kolestar his i massouri yek metari pesso. Vergel koy voudareskri halla his o Debleskro kheer.