Ezekiel 40:1 - O Debleskro Lab 2024 (Sinte-Manouche)

¹ His an o 25. (biish-te-pančto) bersh, kay mer an o pandepen hams – kova his an o 14. (deesh-te-starto) bersh har o foro Yerusalem dren lino vas – ap o 10. (deshto) dives an ko bersh. Ap ko dives vas i zoor o baro Deblestar pral mande. Oun yob anas man an o foro Yerusalem.

O Debleskro Drom 2021 (Sinte)

¹ His an o 25. (biish-te-pantchto) bersh, kai mer an o pandepen hams – kowa his an o 14. (deesh-te-starto) bersh har o foro Jerusalem dren lino was – ap o 10. (deshto) diwes an ko bersh. Ap ko diwes was i soor o baro Deblestar pral mande. Un job anas man an o foro Jerusalem.

Ezekiel 40:1 ပူးပေါင်းရင်းမြစ်များ

2. Mose 12:3

Rakrenn ap i tsele Israelitarya oun penenn: Ap o deshto dives an kava čon lell peske hako dad i terno bakro peskre menshenge an peskro kheer.

2. Mose 12:41

Oun har kal bersha trouyel his, ap ko dives, djan o baro Debleskre menshe vin dran o them Egiptia.

2. Mose 40:2

Čip o Debleskro plarhteno kheer pre ap o ersto dives an o ersto čon.

Ezekiel 11:24

Oun an ko dikepen, hoy dikom, oun hoy vas o Deblestar, hadas man o dourho pre, oun anas man pale pash kolende, kay pandlo krik anlo van an o them Babilonia. Oun ko dikepen, hoy dikom, djas krik.

Ezekiel 29:17

An o 27. (biish-te-eftato) bersh an o yekto čon ap o yekto dives an ko čon penas o baro Devel ap mande:

Ezekiel 3:14

Oun o dourho hadas man pre oun las man krik. Oun an mande his i bari rholi. Kova, hoy o baro Devel mande sikras, his phares čiddo ap mande.

Ezekiel 3:22

Oun i zoor o baro Deblestar vas kote pral mande, oun yob penas ap mande: Kre tout ap o drom, oun dja vin an o telstouno them. Oun kote kamau me touha te rakrell.

Ezekiel 32:1

An o 12. (deesh-te-douyto) bersh ap o 12. (deesh-te-douyto) čon, ap o yekto dives an ko čon, penas o baro Devel ap mande:

Ezekiel 32:17

An o 12 (deesh-te-douyto) bersh ap o 15. (deesh-te-pančto) dives an ko čon, penas o baro Devel ap mande:

Ezekiel 33:21

An o 12. (deesh-te-douyto) bersh, kay mer pandlo krik lino hams, an o deshto čon, ap o pančto dives an ko čon, kote vas yek pash mande, kay nay nashas peske dran o foro Yerusalem, oun penas: O foro hi dren lino!

Ezekiel 37:1

I zoor o baro Deblestar vas pral mande, oun leskro dourho hidjras man vin, oun moukas man tele mashkral an i bourhli tala. Koya his pherdo moule kokale.

Ezekiel 8:1

An o shobto bersh, ap o pančto dives an o shobto čon homs beshdo an miro kheer. Oun i phoureder kolendar, kay van dran o them Youda pandles anlo an o them Babilonia, his glan mande beshdo. Kote peras i zoor o baro Deblestar, miro rayestar, ap mande.

Debleskro tsiro 1:10

Ap o Debleskro dives vas o Debleskro Dourho zoreles pral mande. Oun me shounom pal mande i zorelo rakepen. Kova his har i gole, hoy dell i phourdepaskri.