Ezekiel 4:3 - O Debleskro Lab 2024 (Sinte-Manouche)

³ Oun le touke i bobeskro saster, oun čip les pre mank toute oun o foro, har te vals lo i massouri! Oun palle dik ap o foro, oun kre yaake, har te pandals les dren. Kova hi i sikepen i Israelenge, hoy sikrell lende, hoy pral lende vella.

O Debleskro Drom 2021 (Sinte)

³ Un le tuke i bobeskro saster, un tchip les pre mank tute un o foro, har te wals lo i massuri! Un palle dik ap o foro, un kre jaake, har te pandals les dren. Kowa hi i sikepen i Israelenge, hoi sikrell lende, hoi pral lende wella.

Ezekiel 4:3 ပူးပေါင်းရင်းမြစ်များ

Jesaja 20:3

Palle penas o baro Devel: Yaake har miro boudepaskro, o Yesaya, triin bersha nanges oun pirkenes trouyel nashas, te sikrell lo, hoy pral i themma Egiptia oun Etiopia vella,

Jesaja 22:7

Oun maro shoukar telstouno them vell pherde vourdya; oun morsha, kay ap pengre graya klissenn, hi glan o foreskre voudya pre tardo.

Jesaja 8:18

Me oun kol čaven, kay o baro Devel man das, ham har i sikepen, hoy sikrell, hoy kamell o baro Devel te krell an Israel, yob, ko ray pral o bolepen oun i phoub, kay hi khere ap i berga Sion.

Jeremia 39:1

An o enyato bersh, har o Sedekya o baro ray pral o them Youda his, an o deshto čon, vas o Neboukadnezar, ko baro ray dran o them Babilonia oun leskre tsele lourde pash o foro Yerusalem, oun his troul o foro trouyel tardo.

Jeremia 39:2

An o deesh-te-yekto bersh, kay o Sedekya baro ray his, ap o enyato dives an o starto čon, phagan yon an o foro dren.

Ezekiel 12:11

Ap kova, hoy krom, nay dikenn le, har lenge djal. Me hom lenge i sikepen: Yon hounte djan penge oun venn pandles krik anlo.

Ezekiel 12:6

Glan lengre yaka le halauter ap tiri phik! Oun har tamlo vas, dja vin! Oun čip i diklo troul tire yaka, yaake te dikess gar o them, hoy moukeh. Kamau, te vess i sikepen i Israelenge, hoy sikrell lende, har dau len trad.

Ezekiel 5:2

Ap ko tsiro, kay vell o foro dren lino, rhače yek triinto kotar foun kol balla mashkral an o foro. Oun i vavar triinto kotar de ko rhareha paash vin glan kol foreskre voudya. Oun ko vavar triinto kotar vitse pre, te lell len o dourho peha! Yaake lau me i menshen dran Yerusalem palla o rhareha.

Daniel 11:17

Oun yob kamell ninna o tselo them Egiptia an peskro vast te lell. Doleske rakrell lo pes o baro rayeha pral o them Egiptia tele, oun dell les peskri ča, te vell li leskri romni. Kova krell lo, te anell lo nay koleskro them an i bibarht. Kova djal leske gar, oun vell gar yaake har yob kamell.

3. Mose 2:5

Te kameh i merkli te anell, hoy peklo hi ap i sasterno čaro, palle le yarro, kay kek shoutlo yarro dren hi, oun hoy kerdo hi o djeteha.

Louka 2:34

Oun o Simeon rakras o Debleskri barht pral lende vin oun penas ap i Mariate: “Pral kava čaveste rhoyrenn pen boud menshe an o them Israel. Ap leste sikrell pes, koon djal ap o Debleskro drom, oun koon perell o Debleskro dromestar tele.

Hebrearja 2:4

Oun o Devel das len peskri zoor, te krenn le baro oun zorelo koova, hoy kek vavar mensho nay krella. Yaake sikras lo, te penan le o čačepen. Ninna das lo i patslende peskro Dourho oun peskri zoor, te krenn le peskri boudi mashkral i menshende. Hakeneste das lo i zoor, te krell yob koy boudi, hoy o Devel lestar kamas.