Ezekiel 4:16 - O Debleskro Lab 2024 (Sinte-Manouche)

¹⁶ Oun yob penas pale ap mande: Tou, mensho, me krau, te vell bouder gar doha maro an o foro Yerusalem. Palle hi hakenes kokres i tikno kotar maro, oun nay piyell kokres i tikno khoro pani. Oun yon lenn daar, te hounte merans le i bokatar.

O Debleskro Drom 2021 (Sinte)

¹⁶ Un job penas pale ap mande: Tu, mensho, me krau, te well buder gar doha maro an o foro Jerusalem. Palle hi hakenes kokres i tikno kotar maro, un nai pijell kokres i tikno khoro pani. Un jon lenn daar, te hunte merans le i bokatar.

Ezekiel 4:16 ပူးပေါင်းရင်းမြစ်များ

2. Rajengro liil 25:3

Ap o enyato dives an o starto čon vas i bok bares an o foro, oun i menshen his bouder či te rhal.

2. Rajengro liil 6:25

Har yon yaake i rah tsiro o foro dren pandan, vas i bok an o foro Samaria baro. I eseltikro shero vas 80 (orhta-deesh) roupene beme oun i vast pherdo čirklengri čik vas panč roupene beme.

Debleskri gili 105:16

Oun yob moukas i bari bok an o them te vell, te das bouder kek maro.

Debleskri gili 60:3

Miro Devel, tou čival men pale, oun tradal men kate te kote. Bari rholi hi tout ap mende. Rake mentsa pale lačes!

Jesaja 3:1

O baro Devel, ko ray pral o bolepen oun i phoub, lell dran o foro Yerusalem oun dran o them Youda lauter krik, ap koleste i menshe pen rikran oun hoy len zoor das. O tselo maro oun o tselo pani lell lo lendar krik.

Jeremia 52:6

Ap o enyato dives an o starto čon vas i bok bares an o foro, oun i menshen his bouder či te rhal.

Ropaskre gilja 1:11

I menshe an Yerusalem rovenna oun rodenn pal maro. Lengro kouč koova denn le koy, te vell len rhapaske, te hounte merenn le gar. Yerusalem rovell: “Ah baro Devel, kre tire yaka pre, oun dik, har i menshe tele dikenn ap mande!”

Ropaskre gilja 5:4

Maro pani hounte playsras mare loventsa, oun maro kasht hounte playsras ninna.

Ropaskre gilja 5:9

Te djah vin, te las rhapen dren, hounte daras maro djipaske. Kourepangre dran o moulo them kamenn men o rhareha te marell.

Ezekiel 14:13

Tou, mensho, djiness, te phagenn i menshe an yek them mantsa, oun rikrenn bouder gar ap mande, dau me len i phagi. Oun krau, te hi len bouder gar doha maro. Oun bičrau i bok an o them, te merenn i menshe oun i firhe i bokatar.

Ezekiel 4:15

Oun yob penas ap mande: Mishto, palle le groumyengro foul oun kek menshengro foul, te pekess tiro maro koy pre!

Ezekiel 5:16

Te bičrau i bok mank t'mende, hi kova yaake har te doms čilače fayle karye mank t'mende, te marap t'men. An ko tsiro vell t'men bouder gar doha te rhal. Oun i bok vell baro oun bareder mank t'mende.

3. Mose 26:26

T'men vell bouder gar doha djob, te pekenn maro. Deesh djouvya nay pekenn pengro maro an yek bob. O maro vell ap i vaga čiddo, oun hakeno lell i kotar. Oun t'mer rhan oun venn gar čalo.

Amos 4:8

Oun i menshe dran douy, triin forya djan an i vavar foro, te hatsenn le pani. Oun kote his gar doha lenge. Ninna palle van t'mer gar pale pash mande, penell o baro Devel.

Debleskro tsiro 6:5

Oun o terno bakro pandas i triinti dori pre, hoy ko liil khetne rikras. Oun me shounom, har o triinto zorelo bolepaskro penas: “Ab!” Oun me dikom i kalo grayes. Oun kova, kay pre beshdo his, koles his yek koova an peskro vast, hoy sikrella, har pharo čomone hi.