Ezekiel 4:14 - O Debleskro Lab 2024 (Sinte-Manouche)

¹⁴ Kote penom me: Ah miro ray, baro Devel! An kek tsiro vom me pale-čiddo. Foun tiknes pre bis kava dives, rhom gar firhen, kay meran, vitar gar saven, kay khetne dandedo van. Kek mass, hoy pale-čiddo hi, vas an miro mouy.

O Debleskro Drom 2021 (Sinte)

¹⁴ Kote penom me: Ach miro rai, baro Dewel! An kek tsiro wom me pale-tchiddo. Fun tiknes pre bis kau diwes, chom gar viechen, kai meran, witar gar sawen, kai khetne dandedo wan. Kek mass, hoi pale-tchiddo hi, was an miro mui.

Ezekiel 4:14 ပူးပေါင်းရင်းမြစ်များ

2. Mose 22:30

T'mer han mire vi-rodede menshe. Doleske ma rhan o mass kol firhendar, hoy van moulo dandedo divye firhendar. Denn ko moulo firhes t'mare djouklen!

Jesaja 65:4

Rati hi le beshdo pash i moulengre khera, te poučenn le i moulen, oun ačenn pral i rat an khatede platse, kay mangenn le vavar deblen an. Yon rhan balengro mass, oun piyenn soummi, hoy mass dren hi kol firhendar, hoy pale-čiddo hi.

Jesaja 66:17

Kolla hi save, kay krenn pen djoudjo, te mangenn le i rhorheno debles an, hoy hi tardo mashkral ap i shoukar platsa. Kolla hi ninna save, kay rhan ko mass i balendar oun i kermuse oun vavar pale-čidde firhendar. Kolla lauter venn khetne trouyel, penell o baro Devel.

Jeremia 1:6

Oun me penom: Baro Devel, miro ray, me hom gar mishto doha te penap tiro lab. Me hom gar phouro doha.

Ezekiel 4:15

Oun yob penas ap mande: Mishto, palle le groumyengro foul oun kek menshengro foul, te pekess tiro maro koy pre!

Ezekiel 44:31

Kek čirklen oun vavar firhen, hoy meran oder moulo dandedo van, te rhan i rashaya.

Ezekiel 9:8

Oun har le kova kran, ačom me kokres ap i platsa glan o Debleskro kheer pale. Oun moukom man ap i phoub te perell, oun dom pre gole oun penom: Baro Devel, miro ray! Hal tou yaake rhoyedo pral Yerusalem, te moukess halauteren moulo te dell, kay i Israelendar pral ačan?

Daniel 1:8

O Daniel las peske an peskro dji glan, te rhal lo gar o baro rayeskro rhapen oun piyell gar leskri molyatar, te krell lo pes gar pale-čiddo. Oun yob mangas o pralstunestar pral o rayeskro kheer, te hounte krell lo pes gar pale-čiddo.

3. Mose 17:15

Hakeno, kay rhal i firho, hoy meras oder moulo dandedo vas, kova hounte thovell pes oun peskre koola, oun ačell pale-čiddo, bis te vell rati. Koy pal hi lo pale erligo. Hi yek, te hi kova i Israelitari oder i vi-themari.

3. Mose 19:7

Te rhal yek ap o triinto dives gomme ko massestar, palle dikell o baro Devel gar lačes ap kova oun ap koleste, kay anas ko firho glan leste. O mass vas pale-čiddo.

3. Mose 22:8

I moulo oun khetne dandedo firhes rhal lo gar, te krell lo pes koleha gar pale-čiddo. Me hom o baro Devel.

Bičepangre 10:14

O Petro penas: “Na-a, miro ray! An miro tselo djipen rhom me či, hoy pale-čiddo hi.”

5. Mose 14:21

T'mer hounte rhan kek mass i firhestar, hoy moules trouyel čiddo hi. I vi-themares, kay djivell an t'maro foro, koles nay denn les, te rhal yob les. Ninna nay bikrenn les ap yekeste dran o vi-them. T'mer han menshe, kay hi o baro Debleske koy, kay t'maro Devel hi. Tou keress gar i bouzyakro ternepen an o thoud leskri datar.

5. Mose 14:3

Tou rhas či, hoy glan o baro Debleskre yaka pale-čiddo hi.