Ezekiel 38:10 - O Debleskro Lab 2024 (Sinte-Manouche)

¹⁰ Kava penell o baro Devel, maro ray: An ko tsiro vell čomone pre an tiro dji, oun tou leh touke čilačo koova glan.

O Debleskro Drom 2021 (Sinte)

¹⁰ Kawa penell o baro Dewel, maro rai: An ko tsiro well tchomone pre an tiro dji, un tu leh tuke tchilatcho koowa glan.

Ezekiel 38:10 ပူးပေါင်းရင်းမြစ်များ

Debleskri gili 139:2

Tou prindjreh miro beshepen oun miro tardepen. Tou hayveh foun doural, hoy an miro shero trouyel djal.

Debleskri gili 36:4

Či har midjak oun rhorhene laba venn dran leskro mouy vin. Lačo koova hayvell lo bouder gar te krell.

Gosewe laba 12:2

Ap i lačo mensheste dikell o baro Devel lačes. Pral koleste, koles o čilačepen glan hi, rakrell lo i phagi vin.

Gosewe laba 19:21

Boud koova hi, hoy i morsh peske glan lell an peskro dji; kokres kova vella, hoy o baro Debles glan hi yekeha.

Gosewe laba 6:14

An peskro dji hidjrell lo čilačepen, oun hako tsiro anell lo čingepen.

Gosewe laba 6:18

i dji, hoy čilačo koova peske glan lell; herya, hoy sik čilačo koova palla nashenn;

Jesaja 10:7

O baro rayes pral o them Assour his kova gar doha. Oun yob las pes gomme boudeder glan, oun kamas i menshen an boud themma temerl dell, yaake boud har djala.

Ezekiel 11:5

Oun o dourho o baro Deblestar vas ap mande, oun penas ap mande: Pen i menshenge an Israel: Kava penell o baro Devel: Djinau t'maro rakepen. Oun kova, hoy an t'maro shero trouyel djal, prindjrau me ninna.

Micha 2:1

Havi bibarht vell pral kolende, kay hi čiddo ap pengro čiben, oun an lengro shero djal čilačo koova trouyel, hoy kamenn le te krell. Yaake sik har o kham pre djal, krenn le, hoy le pen glan lan. Len hi i zoor, te krenn le, hoy le kamenn.

Markus 7:21

Dran o menshengro dji vell o čilačo koova, hoy an leskro shero trouyel djal. Dran o dji vell, te krell lo djoungelo bipandlo koova, te čorell lo, te dell lo i vavares moulo.

Johanni 13:2

Ap koy rati, har yon rhan, das o beng o Youdases an o dji, te phoukrell lo ap leste. O Youdaseskro dad his o Simon Iskariot.

Bičepangre 5:3

O Petro penas ap o Ananias: “Hoske kral tou o bengeske tiro dji pre? Hoske rhorhral tou o Debleskro Dourhes, oun rikral love touke?

Bičepangre 5:9

O Petro penas ap late: “Hoske kran t'mer kova vin, oun rhorhran o Debles? Kol morsha, kay paskran tiro romes, hi glan o voudar tardo, oun hidjrenn ninna tout vin.”

Bičepangre 8:22

Kanna, mouk tiro čilačo drom, oun pen o Debleske, te khaytell tout ko čilačo koova, hoy tou kral. Oun mange lestar, te lell lo koy doosh toutar!

1. Korintarja 4:5

Dran kova penau, ma penenn yekestar: Kova krell peskri boudi gar mishto. Kanna hi gar o čačo tsiro, te rakrenn yaake. Ap ko dives, kay vell maro ray Yezous pale, sikrell lo halauteren, hoy kanna khatedo hi. Oun lauter, hoy an o dji dren hi, vell palle diklo. Oun palle vell hakeno sharedo o Deblestar pal koy boudi, hoy yob kras.