Ezekiel 32:7 - O Debleskro Lab 2024 (Sinte-Manouche)

⁷ Ap ko dives kay tiro djipen vi-phourdedo vell, čakrau o bolepen tele, oun i bolepangre momlia venn kalo. Oun glan o kham djan volke, oun o čon vell bouder gar diklo.

O Debleskro Drom 2021 (Sinte)

⁷ Ap ko diwes kai tiro djipen wi-phurdedo well, tchakrau o bolepen tele, un i bolepangre momlia wenn kalo. Un glan o kham djan wolke, un o tchon well buder gar diklo.

Ezekiel 32:7 ပူးပေါင်းရင်းမြစ်များ

Hiob 9:7

Rakrell lo zoreles ap o kham, djal o kham gar pre. Oun i bolepangre momelentsa krell lo, te venn le gar diklo.

Gosewe laba 13:9

Koon an o čačepen tardo hi, hi har i momeli, hoy barhteles rhačell, oun i čilačo har i momeli, hoy djal vin.

Sikepaskro 12:2

Palle hi touke, har te vals o kham tamlo, ninna o čon oun o bolepangre momlia. Oun pal hako brishin, venn pale neve volke.

Jesaja 13:10

I bolepangre momlia rhačenn bouder gar. Hi save koy, kay dikeh bouder gar. O kham vell kalo, sik pal kova kay lo pre djas. Oun o čon hi bouder gar djelto.

Jesaja 34:4

Oun i tsele bolepangre momlia perenn khetne. Oun o bolepen tserdell pes khetne har i liil, hoy vell khetne lino. Oun kol bolepangre momlia perenn tele har moule patria ap o drakengro rouk oun har fayge, hoy gar bares van ap i faygetikro rouk.

Jeremia 13:16

Hadenn t'maro baro Debles, yaake rah har o dives hi, oun t'men t'mare pire gar an o tamlepen ap i berge doukrenna. Ninna te lourenn t'mer ap koy momeli, anell o baro Devel tamlepen oun kali rat pral t'mende.

Ezekiel 30:18

An o foro Tapanes vell ko dives kalo, kay phagau kote koy zoor, hoy o themes Egiptia pral vavar themma hi. Leskre boud zorele lourde, ap kolende i Egiptarya yaake barhtelo oun pre-phourdo his, venn krik lino. Kale volke čakrenn o foro. Oun i menshe dran i gaba trouyel venn an o pandepen anlo.

Ezekiel 30:3

Ko dives vell sik, ko dives, kay o baro Debleskri rholi vella. Kalo har i rati hi ko dives, i tsiro, kay bibarht vell pral i themma.

Ezekiel 31:15

Kava penell o baro Devel, maro ray: Ap ko dives, har ko cedertikro rouk an o moulengro them djas, krom, te rovas o baro pani tel i phoub pral leste. I lengste panya nashan bouder gar, oun i bare panya ačan tardo. I berga Libanon čakras pes an o kalepen. Oun i tsele rouka an o veesh meran tele.

Ezekiel 34:12

Yaake har i bakrengro, kay pash peskre bakre hi, kolen rodell, kay nashran pen, yaake rodau me mire bakren, oun lau len pale dran haki platsa, kay le tradedo van ap ko djoungelo kalo dives.

Joel 2:10

I phoub oun o bolepen trissenna glan lende, o kham oun o čon venn kalo, oun i bolepangre momlia rhačenn bouder gar.

Joel 2:2

Kova hi i kalo dives, i tamlo dives, pherde volke. Yaake sik har o kham pre djal pral i berge, venn boud boud lourde pral o them, kolla hi yaake zorelo oun yaake boud, har gomme gar koy his, oun vitar bouder gar vella an kek tsiro.

Amos 8:9

O baro Devel, maro ray, penell: An ko dives djal o kham tele mashkral o dives. Oun mashkral o dives vell i rati pral o them.

Mateo 24:29

Oun sik pal kol čilače divessa, vell o kham kalo har i rat, oun o moonto dikell kek bouder. Oun i bare momlia ap o bolepen perenn tele. Oun i bolepaskri zoor perell khetne.

Markus 13:24

An kol divessa pal ko čilačo tsiro, vell o kham kalo har i rat, oun o moonto dikell kek bouder.

Louka 21:25

“Ap o kham oun ap o moonto oun ap i bolepangre momlia dikenn t'mer baro koova. Pral i menshende an boud themma vell i bari traash, te dikenn le, har vell o baro pani divyo oun hadell pes pral oun dell bari gole.

Debleskro tsiro 8:12

Oun o starto bolepaskro phourdas an peskri phourdepaskri. Oun o kham las i dap, oun o triinto kotar lestar vas kalo. Ninna o čon oun i vavar bolepangre momlia lan i dap. Oun o triinto kotar lendar vas kalo. Yaake rhačas o kham gar ap o triinto kotar ap o dives, vitar gar rhačan o čon oun i bolepangre momlia ap o triinto kotar an i rat.