Ezekiel 32:4 - O Debleskro Lab 2024 (Sinte-Manouche)

⁴ Oun me vitsrau tout ap i phoub, oun moukau tout kote čiddo ap o them. Oun krau, te beshenn pen i tsele čirkle ap toute tele. Oun i tsele divye firhen krau čalo tiro masseha.

O Debleskro Drom 2021 (Sinte)

⁴ Un me witsrau tut ap i phub, un mukau tut kote tchiddo ap o them. Un krau, te beshenn pen i tsele tchirkle ap tute tele. Un i tsele diwje viechen krau tchalo tiro masseha.

Ezekiel 32:4 ပူးပေါင်းရင်းမြစ်များ

Debleskri gili 63:10

Kolla, kay kamenn man moulo te dell, mou merenn le, oun djan tele an o moulengro them!

Debleskri gili 74:14

Tou stakral i sherya ko baro firhestar Leviatan paash, oun dal leskro mass i divye firhenge te rhal.

Jesaja 14:19

Tou hal an i čik vitsedo, har i kotar kasht krik vitsedo hi. Tout hi kek mouleskro kheer, hal rido har kolla, kay van maredo o rhareha, hal vitsedo lentsa an i barrengri phoub oun khetne stakedo.

Jesaja 18:6

Oun kolla lauter moukell lo čiddo i čirklenge, kay mass rhan ap i berge, oun i divye firhenge ap i phoub. Oun kol čirkle rhan kolendar o tselo niyal oun kol divye firhe o tselo vend.

Jesaja 66:24

Oun yon djan vin, te dikenn le penge kol moule menshen an, kay mantsa phagan. Kolengro kirmo merell gar, oun lengri yag djal gar vin. Oun yon hi čadepaske halauterenge, kay dikenn le.

Jeremia 25:33

Ap ko dives marell o baro Devel menshen ap i tseli phoub yek rigyatar ap i vavar. Oun i moule menshe hi koy čiddo, oun kek rovell pral lende, hadell len pre oun paskrell len. Yon ačenn čiddo har foul ap i phoub.

Jeremia 8:2

Oun kol kokale venn koy trouyel vitsedo glan o kham oun o čon oun i tsele bolepangre momlia, kolen kaman kol menshe, oun mangan len an, oun nashan lenge pal. Kolendar poučan yon oun sharan len. Kol kokale venn gar pre hadedo oun venn gar paskedo. Yon venn foul i phoubyake.

Ezekiel 29:5

Me vitsrau tout an o moulo them, tout oun i tsele mače dran tire bare lengste panya. Ap i phoub vitsrau tout. Kote ačeh čiddo. Oun kek vell, kay hadell tout pre oun paskrell tout. Me dau tout i divye firhenge oun i čirklenge rhapaske.

Ezekiel 35:8

Oun me krau tire berge, te venn le pherdo kolentsa, kay maredo van an o kourepen. Ap i tikne berge, oun an i tale, oun an i tikne panya hi kolla čiddo, kay o rhareha moulo dino van.