Ezekiel 3:14 - O Debleskro Lab 2024 (Sinte-Manouche)

¹⁴ Oun o dourho hadas man pre oun las man krik. Oun an mande his i bari rholi. Kova, hoy o baro Devel mande sikras, his phares čiddo ap mande.

O Debleskro Drom 2021 (Sinte)

¹⁴ Un o ducho hadas man pre un las man krik. Un an mande his i bari choli. Kowa, hoi o baro Dewel mande sikras, his phares tchiddo ap mande.

Ezekiel 3:14 ပူးပေါင်းရင်းမြစ်များ

1. Rajengro liil 18:12

Hoy hi, te djau kanna toutar, oun o baro Debleskro dourho lell tout krik oun anell tout ap i vavar kotar phoub, hoy me gar djinau? Oun me vau palle pash o Ahab oun penau leske, tou hal kay, oun yob hatsell tout gar? Palle moukell lo man te marell. Tou djineh, me, tiro boudepaskro, shounau ap o baro Debleste foun tiknes pre.

1. Rajengro liil 18:46

Oun o baro Debleskri zoor vas ap o Eliya, oun yob pandas i pereskri dori troul peskro ripen oun nashas glan o Ahab, bis te van le an o foro Yesreel.

2. Rajengro liil 2:16

Oun penan ap leste: “Mer ham tire boudepangre. Mashkral mende hi paash-sheel zorele morsha. Kolen mouk te djal, te rodenn le tiro rayes. Kova nay vas yaake, kay las o baro Debleskro dourho les oun vitsras les ap i berga oder an i tala.” Koy penas yob: “Na-a, moukenn len gar te djal!”

2. Rajengro liil 3:15

Kanna, anenn mange i bashepaskro!” Oun har ko bashepaskro ap i doryengri bashepaskri bashras, vas o baro Debleskri zoor ap o Elisa,

Jesaja 8:11

O baro Devel rakras ap mande, har leskro vast zoreles ap mande his oun man sikras, te dap man yak, te djap gar ap o drom, kay kol vavar menshe an Youda djana. Oun yob penas:

Jeremia 6:11

Tiri rholi pral lende rhačell ninna an mande. Me nay rikrau lat gar pale. Koy penas o baro Devel ap mande: Palle čore miri rholi pral lende vin: pral kol čavende ap o drom, oun pral kol terne morshende. Yon lauter, morsha oun djouvya, ninna kol phoure oun an-dikle, venn pandles krik anlo.

Ezekiel 1:3

Kote an o them Babilonia pash o lengsto pani Kebar rakras o baro Devel ap mande, oun leskri zoor vas pral mande. Me hom o Ezekiel. Miro dad hi o rashay, o Bouzi.

Ezekiel 11:1

Oun o dourho hadas man pre oun anas man glan o baro Debleskro kheer, pash ko baro voudar, hoy kote hi, kay o kham pre djala. Oun glan ko baro voudar his 25 (biish-te-panč) morsha. Oun me dikom mashkral lende o Yazania, koleskro dad o Assour his, oun o Pelatya, koleskro dad o Benaya his. Kolla his pralstoune pral i menshende.

Ezekiel 3:12

Oun i dourho hadas man pre. Oun pal mande shounom me i bari zoreli gole, hoy penas: Sharenn o raylepen o baro Deblestar kote, kay lo khere hi!

Ezekiel 37:1

I zoor o baro Deblestar vas pral mande, oun leskro dourho hidjras man vin, oun moukas man tele mashkral an i bourhli tala. Koya his pherdo moule kokale.

Ezekiel 40:1

His an o 25. (biish-te-pančto) bersh, kay mer an o pandepen hams – kova his an o 14. (deesh-te-starto) bersh har o foro Yerusalem dren lino vas – ap o 10. (deshto) dives an ko bersh. Ap ko dives vas i zoor o baro Deblestar pral mande. Oun yob anas man an o foro Yerusalem.

Ezekiel 43:5

Oun o dourho hadas man pre oun anas man ap koy tikni glanstouni platsa. Oun dikom o baro Debleskro raylepen, kolestar o kheer pherdo his.

Ezekiel 8:1

An o shobto bersh, ap o pančto dives an o shobto čon homs beshdo an miro kheer. Oun i phoureder kolendar, kay van dran o them Youda pandles anlo an o them Babilonia, his glan mande beshdo. Kote peras i zoor o baro Deblestar, miro rayestar, ap mande.

Ezekiel 8:3

Oun yob čivas čomone har i vast pal mande vin, oun tapras man ap mire balla ap o shero. Oun an ko dikepen, hoy dikom, oun hoy vas o Deblestar, hadas man o dourho pre dour pral i phoub, oun anas man an o foro Yerusalem pash o baro voudar, hoy hi ap i nordetikri rig, glan koy platsa, hoy djal troul o Debleskro kheer. Kote his i figura tardo, hoy i menshe an-mangan, oun pral kolate o baro Devel bares rhoyedo his.

Johanni 4:1

I Farisarya shounan, kay boud menshe djan o Yezouseske palla. Yon shounan ninna, kay yob taufras boudeder menshe har o Yohanni.

Johanni 4:3

Har o Yezous shounas, hoy pral leste rakedo vas, djas lo dran o them Youdea vin, oun kamas pale an o them Galilea te djal.

Johanni 4:9

Koy djouvel penas ap leste: “Tou hal i biboldo. Me hom i Samaritetsa. Har nay mangeh tou mandar pani, te dap tout te piyell? I bibolde rhan gar khetne i Samaritentsa.”

Bičepangre 8:39

Har yon dran o pani vin djan, las o Debleskro Dourho o Filipes ap yek kopo kote krik. Oun ko pralstouno dikas les bouder gar. Oun yob djas barhteles peskro drom doureder.

Debleskro tsiro 10:10

Oun me lom ko liil dran leskro vast, oun rhom les pre. Oun an miro mouy his lo goudlo har gvin. Oun har rhom les pre, his lo mange phares an o per čiddo.