Ezekiel 3:13 - O Debleskro Lab 2024 (Sinte-Manouche)

¹³ Oun kol čirklengre moussya foun kol bolepangre kran i bari zoreli gole, har das yek moussi ap i vavareste. Ninna i rade pash lende kran yaake bari gole, har te trissals i phoub zoreles.

O Debleskro Drom 2021 (Sinte)

¹³ Un kol tchirklengre mussja fun kol bolepangre kran i bari soreli gole, har das jek mussi ap i wawareste. Ninna i rade pash lende kran jaake bari gole, har te trissals i phub soreles.

Ezekiel 3:13 ပူးပေါင်းရင်းမြစ်များ

2. Samuel 5:24

Tou te shouneh i gole, har te djal yek pral an i rouka, am sik! Palle djal o baro Devel glan toute, te dell yob i Filistarengre lourden.”

1. Rajengro liil 7:30

Oun hako vourdin his tardo ap star rade dran lolo saster. Kolen his douy akse dran lolo saster. Oun pral ap kol star ekke his hidjepangre pire, yek piro vergel ko vavar, te hidjrenn le i baro panyeskri piri.

Ezekiel 1:15

Oun har dikom ap kol bolepangre, dikom star rade ap i phoub, yek rada glan hakeneste lendar.

Ezekiel 1:24

Har djan le, dan lengre čirklengre moussya yaake bari gole, har i zorele panya gole denn. Koy gole his har i gole o zorelo Deblestar, oun har koy gole kote, kay boud menshe khetne hi, oun har koy gole, hoy boud lourde denn, kay djan an o kourepen. Oun te ačan i bolepangre tardo, palle moukan le pengre čirklengre moussya tele te djal. Oun me shounom i bari gole, hoy vas dran o bolepen pral lende.

Ezekiel 10:5

Oun kol čirklengre moussya foun kol bolepangre kran yaake bari gole, har te rakrell o zorelo Devel. Oun me shounom lat ninna an koy bari glanstouni platsa.